Menningar- og samstöðutónleikar í Hólaneskirkju
Menningar- og samstöðutónleikar verða haldnir í Hólaneskirkju á Skagaströnd þann 19. nóvember kl. 20. Þar munu söngvarar og hljóðfæraleikarar bjóða upp á fjölbreytta tónlistardagskrá til stuðnings Bergrósar Hafsteinsdóttur, ungri móður sem berst við krabbamein.
Bergrós hefur fengið mörg og ósanngjörn verkefni í fangið á lífsleiðinni en ung að aldri missti hún móður sína úr krabbameini og fyrir tveimur árum varð faðir hennar bráðkvaddur. Tekið verður við frjálsum framlögum og rennur allur ágóði til hennar.
Kirkjukór Hólaneskirkju kemur fram ásamt hljómsveit, auk þess sem kvartett, einsöngvarar og munnhörpuleikari stíga á stokk. Hugrún Sif Hallgrímsdóttir leikur á flygil og stjórnar kórnum. Með henni leika Ólafur Þór Ólafsson á gítar, Jón Ólafur Sigurjónsson á bassa og Valtýr Sigurðsson á trommur. Þá mun Þórarinn Grétarsson leika á munnhörpu. Einsöngvarar kvöldsins eru Arna Rún, Sóley Sif, Ólafur Þór, Jón Ólafur, Halldór Gunnar, Hallbjörg, Snæfríður Dögg og Lilja Guðlaug.
Tónleikarnir eru tækifæri til að koma saman, njóta tónlistar og leggja góðu málefni lið. Eftir tónleika ætla samstarfskonur Bergrósar að bjóða upp á upprúll- aðar pönnukökur. Öll eru hjartanlega velkomin í Hólaneskirkju þetta kvöld. /tilkynning
Fleiri fréttir
-
Vel heppnaður Bangsaleikur skilaði 1,1 milljón til Einstakra barna
feykir.is Skagafjörður, Íþróttir, Mannlíf, Lokað efni 10.11.2026 kl. 10.56Líkt og Feykir hefur sagt frá þá bar lið Tindastóls sigurorð af ÍR-ingum í Bangsaleiknum sem fram fór í Síkinu. Við lögðum nokkrar spurningar fyrir Arnar þjálfara nú í morgunsárið, spurðum út í leikinn, meiðsli Péturs fyrirliða og leikinn gegn Lausanne á fimmtudaginn. Þá kom fram að það safnaðist 1,1 milljón króna til stuðnings Einstökum börnum á leiknum í gærkvöldi.Meira -
Breiðhyltingar lagðir í Bangsaleiknum
feykir.is Skagafjörður, Íþróttir, Lokað efni 10.11.2026 kl. 09.36Lið Tindastóls var ekki sannfærandi þegar það tók á móti ÍR-ingum í Síkinu í gærkvöldi. Leikurinn var full sveiflukenndur fyrir smekk stuðningsmanna Stólanna og ÍR-liðið sauðþrátt og nýtti hvert tækifæri, þegar heimamenn slökuðu á klónni, til að klóra í bakkann. Einhvernveginn var þó tilfinningin sú að stigin tvö yrðu Stólanna og það gekk eftir. Lokatölur 94-87.Meira -
Handverkssýning og sölubasar á Dagdvöl aldraðra
feykir.is Skagafjörður, Mannlíf 10.11.2026 kl. 09.35Laugardaginn 14. nóvember kl. 14:00–17:00 verður sannkölluð jólastemning á handverkssýningu notenda Dagdvalar aldraðra og sölubasar. Sýningin verður í samverusal HSN og anddyri Dagdvalar.Meira -
Það er lykilatriði að bera virðingu fyrir nemendum
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 09.11.2026 kl. 15.26Nú nýverið sendi Króksarinn Sölvi Sveinsson skólamaður frá sér bók sem hann kallar Skólabók – er leikur að læra? en það er Ugla útgáfa sem gefur út. Sölvi hóf sína skólagöng í Barnaskóla Sauðárkróks, kláraði grunnskólann á Króknum og fór síðan í Menntaskólann á Akureyri. Hóf síðan nám í íslensku og sögu við Háskóla Íslands en til að eiga fyrir helstu nauðsynjum – eins og skrölti á skemmtistaðnum Glaumbæ og jafnvel út að borða á Sælkeranum – þá sótti hann um vinnu sem kennari í Hagaskóla.Meira
