Æfir mikið og keppir flestar helgar - Íþróttagarpurinn Eva Rún Dagsdóttir
Það má segja að Eva Rún Dagsdóttir á Sauðárkróki sé ein efnilegasta íþróttakonan í röðum Tindastóls, bæði hvað varðar fótbolta sem og körfubolta. Hún er fædd árið 2003, uppalin á Sauðárkróki, utan eitt ár á Akureyri árið 2012, svo framtíðin er ung og björt fyrir Evu í íþróttunum. Foreldrar Evu Rúnar eru þau Þyrey Hlífarsdóttir, kennari í Varmahlíðarskóla og Dagur Þór Baldvinsson, yfirhafnarvörður hjá Sveitarfélaginu Skagafirði. Eva Rún er íþróttagarpur Feykis að þessu sinni.
Íþróttagrein: -Ég spila körfubolta og fótbolta.
Íþróttafélag/félög: -Tindastóll.
Helstu íþróttaafrek: -Þegar ég spilaði með liðinu mínu til úrslita um Íslandsmeistaratitil í 9. fl. kvenna í körfubolta. Og svo bara þær viðurkenningar sem ég hef fengið:
Leikmaður ársins 7. fl. kvk 2014-2015
Leikmaður ársins 8. fl. kvk 2015-2016
Leikmaður ársins 4. fl. kvk fótbolta 2016
Ungur og efnilegur íþróttamaður skagafjarðar 2016
Leikmaður ársins 8. fl. kvk 2016-2017
Leikmaður ársins 9. fl. kvk 2017-2018
Efnilegasti leikmaður 2. fl. kvk fótbolta 2018
Skemmtilegasta augnablikið: -Til dæmis þegar við unnum Njarðvík í undanúrslitum og komumst í úrslitin. Og leikurinn þegar við unnum Stjörnuna og komumst upp í A riðil. Og margir góðir fótboltaleikir: T.d. þegar við vorum búnar að vera 1-0 undir á móti Haukum allan leikinn og svo skorðum við tvö mörk á seinustu fimm mínútunum og unnum leikinn.
Neyðarlegasta atvikið: -Örugglega þegar ég var að spila fótbolta og var að fara að sparka í boltann og hitti hann ekki og datt, eða þegar ég klúðra layupi eða geri airball.
Einhver sérviska eða hjátrú? -Ég klæði mig alltaf fyrst í hægri skóinn og fæ mér banana fyrir hvern leik.
Uppáhalds íþróttamaður? -Þeir eru nú fleiri en einn. Myndi allavega segja Martin Hermannsson, Sara Björk Gunnarsdóttir, Kyrie Irving, því hann er númer 11, og svo er Pétur Rúnar Birgisson líka einn af mínum uppáhalds.
Ef þú mættir velja þér andstæðing, hver myndi það vera og í hvaða grein mynduð þið spreyta ykkur? -Góð spurning... kannski bara forsetann í one on one í körfubolta.
Hvernig myndir þú lýsa þeirri rimmu? -Ég myndi rústa að sjálfsögðu.
Helsta afrek fyrir utan íþróttirnar? -Úff, nú veit ég ekki.
Lífsmottó: -Þú getur allt sem þú ætlar þér.
Helsta fyrirmynd í lífinu: -Á margar góðar fyrirmyndir en enga svona eitthvað aðal. En annars hefur Ólína Sif Einarsdóttir, frænka mín, alltaf verið góð fyrirmynd. Mér finnst hún svo flott, dugleg og hæfileikarík og líka bara yndisleg manneskja.
Hvað er verið að gera þessa dagana? -Í skólanum, æfingar allan daginn, bæði með 10. flokki og meistaraflokki í körfunni og svo æfi ég fótbolta með meistaraflokki og keppi flestar helgar.
Hvað er framundan? -Framundan er skemmtilegt og lærdómsríkt tímabil, úrtaksæfingar fyrir U-16 í körfuboltanum núna á milli jóla og nýárs og bara verða betri og betri með hverjum deginum í því sem mér þykir skemmtilegast.
Áður birst í 48. tbl. Feykis 2018
Fleiri fréttir
-
Sigurður Örn til PLAY
feykir.is Austur-Húnavatnssýsla, Mannlíf 16.04.2024 kl. 15.32Flugfélagið PLAY hefur ráðið Sigurð Örn Ágústsson, frá Geitaskarði í Langadal, sem framkvæmdastjóra viðskiptaþróunar. Fram kemur í fréttatilkynningu á netsíðu PLAY að um er að ræða nýtt svið innan flugfélagsins en Siggi mun hafa það hlutverk að leiða frekari þróun þvert á öll svið flugfélagsins.Meira -
Fyrri umferð biskupskosninga lokið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 16.04.2024 kl. 14.02Kosning biskups Íslands fór fram dagana 11.- 16. apríl og kosningu lauk á hádegi í dag, 16. apríl og niðurstaða kosninganna liggur fyrir þrjú voru í kjöri og féllu atkvæði þannig:Meira -
Háskólinn á Hólum hlýtur viðurkenningu fyrir framsækið og metnaðarfullt háskólastarf
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 16.04.2024 kl. 13.50Háskólinn á Hólum hlaut á dögunum Byggðagleraugu Samtaka sveitarfélaga á Norðurlandi vestra fyrir framsækið og metnaðarfullt starf. Námið við háskólann er sértækt að því leyti að það byggir á traustum grunni fyrir mikilvægar framtíðar atvinnugreinar í samfélaginu þar á meðal íslenska hestinn, ferðaþjónustu í dreifbýli og fiskeldi, en skólinn hefur dregið til sín nemendur víðsvegar að úr heiminum. Í Háskólanum á Hólum er öflugt háskólastarf sem er í stöðugum vexti og nýsköpun.Meira -
Synjun Skagabyggðar um efnistöku í sveitarfélaginu stendur
feykir.is Austur-Húnavatnssýsla 16.04.2024 kl. 13.45Kröfu Vegagerðarinnar um að snúa við synjun Skagabyggðar um efnistöku í sveitarfélaginu var hafnað af Úrskurðarnefnd umhverfis- og auðlindamála nú í byrjun apríl. Málavextir voru þeir að í október 2023 óskaði Vegagerðin eftir heimild Skagabyggðar til efnistöku á unnu efni í námu norðan Hvammkotsbruna sem nýtt yrði í sjóvarnir við Réttarholt á Skagaströnd. Heildarmagn grjóts og sprengds kjarna í verkið var áætlað allt að 1.500 rúmmetrar. Þrátt fyrir synjun Skagabyggðar um efnistöku í sveitarfélaginu hefur Vegagerðin nú þegar hafið flutninga á efni úr námunum.Meira -
Ólíkir tónlistarheimar mætast á ferðalagi um landið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 16.04.2024 kl. 11.52Marína Ósk kemur úr heimi djass og Ragnar Ólafsson úr rokki. Þau leggja nú saman af stað í tónleikaferðalag saman um allt land 16.-28. apríl. Þau kynntust í Húsi máls og menningar, þar sem þau spila flest kvöld vikunnar fyrir fullu húsi. Semja nú saman söngvaskáldatónlist og gáfu meðal annars út lagið Er kólna fer ekki alls fyrir löngu. Þau heimsækja Gránu á Sauðárkróki á morgun – miðvikudaginn 17.apríl og hefjast tónleikarnir kl.20.30.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.