Rótarýklúbburinn færir HSN á Sauðárkróki þrjú þrekhjól að gjöf

feykir.is Skagafjörður, Aðsendar greinar 29.05.2026 kl. 19.45
Frá afhendingunni – Rótarýfélagar ásamt starfsfólki HSN á Sauðárkróki. MYNDIR AÐSENDAR
Frá afhendingunni – Rótarýfélagar ásamt starfsfólki HSN á Sauðárkróki. MYNDIR AÐSENDAR
Félagar í Rótarýklúbbi Sauðárkróks komu færandi hendi í heimsókn í aðsetur sjúkraþjálfunar og endurhæfingar HSN á Sauðárkróki þann 21. maí síðastliðinn. Það er markmið félaga að láta gott af sér leiða sem víðast í samfélaginu. Gjöfin í ár eru þrjú þrekhjól, hugsuð fyrir alla þá fjölmörgu einstaklinga sem njóta þjálfunar og endurhæfingar hjá stofnuninni.

 

Það voru sjúkraþjálfararnir Sveinn Sverrisson, Helena Magnúsdóttir, Árný Lilja Árnadóttir og Fanney Ísold Karlsdóttir ásamt þeim Sigurbjörgu Ólafsdóttur, yfirlækni á Sauðárkróki, Erni Ragnarssyni, lækni og Rótarýfélaga, og Kristrúnu Snjólfsdóttur, yfirhjúkrunarfræðingi, sem veittu hjólunum móttöku. Þess má geta að hjólin voru sérstaklega valin af Fanney Ísold og þykja einstaklega góð.

Það er von Rótarýklúbbs Sauðárkróks að nýju hjólin komi að góðum notum en þau leysa af hólmi þrekhjól sem voru virkilega komin til ára sinna.

Rótarýklúbbur Sauðárkróks var formlega stofnaður 26. september 1948 og hefur óslitið allar götur síðan stutt við samfélagið með margvíslegum hætti. Starfið er virkilega skemmtilegt, fjölbreytt og gefandi. Félagar eru með ýmsa árlega viðburði, s.s jólahlaðborð Rótarý, árshátíð og makaferð svo eitthvað sé nefnt. Tilvalinn félagsskapur fyrir þá sem vilja fræðast og hafa áhrif á sitt nærumhverfi og í leiðinni að njóta góðrar samveru. Öll eru hjartanlega velkomin að gerast félagar í Rótarýklúbb Sauðárkróks.

/fréttatilkynning

Til baka

Fleiri fréttir

  • Fulltrúar Byggðalistans pg Sjálfstæðisflokks við undirritun í Litla skógi á Sauðárkróki í hádeginu í dag. MYND: PALLI FRIÐRIKS

    Málefnasamningur Byggðalista og Sjálfstæðisflokks

    feykir.is Skagafjörður 29.05.2026 kl. 20.47 oli@feykir.is
    Eins of Feykir greindi frá fyrr í dag liggur nú fyrir að Byggðalistinn og Sjálfstæðisflokkur hafa myndað nýjan meirihluta í sveitarfélaginu Skagafirði. Í fréttinni kom fram að Magnús Barðdal, oddviti Sjálfstæðisflokksins, tekur við af Sigfúsi Inga Sigfússyni sem sveitarstjóri en Sigfús Ingi gegndi embættinu í 12 ár. Nýr meirihluti hefur nú kynnt málefnasamning sinn og var hann birtur á heimasíðu Skagafjarðar í dag. Lesa má hann hér að neðan.
    Meira
  • Hugmynd Stoð ehf að viðbyggingu við verknámshús FNV en þessari mynd var varpað á skjá við brautskráningu skólans í dag.

    Stefnt að framkvæmdum við verknámshús FNV næsta vetur

    feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.05.2026 kl. 20.28 oli@feykir.is
    Sagt var frá því á heimasíðu Skagafjarðar í dag að í vikunni skrifuðu Inga Sæland mennta- og barnamálaráðherra, Sigfús Ingi Sigfússon sveitarstjóri Skagafjarðar og Selma Barðdal Reynisdóttir skólameistari Fjölbrautaskóla Norðurlands vestra undir viljayfirlýsingu um stækkun verknámshúss Fjölbrautaskóla Norðurlands vestra. Áætlað er að framkvæmdir hefjist næsta vetur og gert er ráð fyrir að húsið verði reist í tveimur áföngum.
    Meira
  • Brautskráningarhópur FNV sem var viðstaddur í dag. MYND: PÉTUR INGI

    161 nemandi útskrifaðist frá Fjölbrautaskóla Norðurlands vestra í dag

    feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 29.05.2026 kl. 20.03 oli@feykir.is
    Fjölbrautaskóla Norðurlands vestra var slitið í 47. skipti við hátíðlega athöfn í dag, föstudaginn 29. maí, í íþróttahúsinu á Sauðárkróki. Alls útskrifaðist 161 nemandi frá skólanum og var ríflega helmingur þeirra viðstaddur athöfnina. Selma Barðdal, skólameistari, setti athöfnina en í máli hennar kom fram að í vikunni hefði verið undirrituð viljayfirlýsiing milli ríkisins, Skagafjarðar og skólans um stækkun verknámsaðstöðu sem lengi hefur verið beðið eftir.
    Meira
  • Oddvitarnir Eyþór og Magnús handsala samkomulagið. MYND: PALLI FRIÐRIKS

    Nýr meirihluti Byggðalista og Sjálfstæðisflokks í Skagafirði

    feykir.is Skagafjörður, Sveitarstjórnarkosningar, Lokað efni 29.05.2026 kl. 14.50 bladamadur@feykir.is
    Meirihlutasamkomulag á milli Byggðalistans og Sjálfstæðisflokksins var undirritað í Skagafirði í dag en samræður á milli flokkanna hafa staðið yfir síðan skömmu eftir kosningar.
    Meira
Yfirlit frétta