Helgi Margeirs er nýr útibússtjóri Landsbankans á Króknum
Sagt er frá því á vef Landsbankans að Króksarinn Helgi F. Margeirsson hefur tekið við sem útibússtjóri Landsbankans á Sauðárkróki. Hann hefur starfað í útibúinu frá árinu 2009, lengst af sem viðskiptastjóri fyrirtækja. Helgi er öllum að góðu kunnur og má sennilega fullyrða að þekktastur sé hann fyrir að setja niður þrista með liði Tindastóls.
„Helgi er með B.Sc.-próf í viðskiptafræði frá Birmingham Southern College í Alabama-ríki í Bandaríkjunum og M.Sc.-próf í fjármálum og alþjóðaviðskiptum frá Háskólanum í Árósum í Danmörku. Hann hefur einnig lokið námi til kennsluréttinda frá Háskólanum á Akureyri og hefur m.a. kennt áfanga í meistaranámi við Fjölbrautaskóla Norðurlands vestra og við Körfuboltaskóla Norðurlands sem hann stofnaði árið 2019.
Alhliða fjármálaþjónusta og öflug starfsemi
Í útibúi Landsbankans á Sauðárkróki er boðið upp á alhliða fjármálaþjónustu fyrir einstaklinga, fjölskyldur, fyrirtæki og stofnanir. Þar er bæði hægt að sækja fjármála- og tryggingaráðgjöf og hraðbanki er aðgengilegur allan sólarhringinn.
Undir útibúið á Sauðárkróki heyra einnig afgreiðslur bankans á Blönduósi, Hvammstanga og Skagaströnd. Alls starfa 12 manns fyrir bankann á þessum stöðum og sinnir starfsfólk bæði störfum í útibúunum og veitir öðrum viðskiptavinum bankans þjónustu, óháð staðsetningu. Markaðshlutdeild Landsbankans á Norðurlandi vestra er sterk og vaxandi.
Þess má geta að Helgi er fæddur og uppalinn á Sauðárkróki. Hann lék sinn fyrsta meistaraflokksleik með Tindastóli aðeins 14 ára gamall og þann síðasta 37 ára með sama liði. Í dag hangir treyjan hans, #8, uppi á heimavelli Tindastóls í Síkinu á Sauðárkróki,“ segir í fréttinni.
Helgi tekur við stjórn útibúsins af Birgi Rafni Rafnssyni, spurngulausum stuðningsmanni Arsenal, sem hafði verið útibússtjóri bankans á Sauðárkróki frá 2010.
Feykir óskar þeim báðum til hamingju með áfangann.
Fleiri fréttir
-
Skagstrendingar á skotskónum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 06.06.2026 kl. 19.28Donni þjálfari U19 landsliðs Íslands í kvennaboltanum leiddi sínar stúlkur til sigurs gegn liði Noregs í vináttulandsleik í dag en leikurinn endaði 2-3. Skagstrendingarnir Birgitta Rún og Elísa Bríet voru báðar í byrjunarliðinu og gerðu sér lítið fyrir og skoruðu báðar sín fyrstu mörk fyrir U19 landsliðið á fjögurra mínútna kafla um miðjan fyrri hálfleik.Meira -
Ég og gæludýrið mitt | Snædís Katrín
feykir.is Lokað efni, Ég og gæludýrið mitt 06.06.2026 kl. 10.00Snædís Katrín Konráðsdóttir er fædd og uppalin í Skagafirði þar sem hún hefur búið á Sauðárkróki allt sitt líf. Hún kláraði sitt annað ár í Fjölbrautaskóla Norðurlands vestra núna í vor og stefnir á að útskrifast vorið 2027.Meira -
Tindastólsmenn heimsækja Vesturbæinn
feykir.is Skagafjörður, Íþróttir, Lokað efni 06.06.2026 kl. 09.12Taplausa lið Tindastóls mætir á KR-Völlinn í dag, laugardaginn 6. júní, kl. 16:00, í sjöttu umferð 3. deildar karla. Eftir fyrstu fimm umferðirnar eru Stólarnir efstir með fjóra sigra og eitt jafntefli.Meira -
La Belle Beauty opnar verslun á Aðalgötunni á Sauðárkróki
feykir.is Skagafjörður, Mannlíf, Lokað efni 05.06.2026 kl. 14.58Pálína Ósk Ómarsdóttir keypti Aðalgötu 10a af Stefáni Pedersen ljósmyndara árið 2021 og ásamt vinkonu sinni Stefaníu Ósk Pálsdóttur sem að keypti sig inn í verkefnið með Pálínu en þær hafa þekkst lengi. Þær gerðu upp húsið og opnuðu snyrti- og fótgerðastofuna Eden. Núna rekur hún fyrirtækið La Belle Beauty sem að var að opna verslun í sama húsi.Meira
