Haustþing leikskóla á Norðurlandi vestra og Strandabyggðar 2021
Í ár var haldið haustþing leikskóla á Norðurlandi vestra og Strandabyggðar. Sveitarfélögin skiptast á að halda þingið og sjá skólastjórnendur í sveitarfélögunum um skipulagningu. Í ár sá Húnaþing vestra um skipulagningu og var haustþingið haldið á Hótel Laugarbakka í september.
Haustþingið sóttu um 120 starfsmenn úr leikskólunum, þátttaka var góð og lögð var áhersla á að vera með hagnýta fræðslu sem hægt væri að nota í daglegu starfi. Þrír fyrirlestrar voru yfir daginn, Aðalfyrirlesarinn var Hlín Magnúsdóttir.
Hlín var með fræðslu um málörvun í leikskólastarfinu og fjölbreyttar leiðir til að styðja við málþroska barna. Hún vinnur sem deildarstjóri við sérkennslu í samreknum leik- og grunnskóla, einnig heldur hún úti vefsíðunni https://fjolbreyttkennsla.is/ þar sem hægt er að sækja sér ýmist efni til notkunar við kennslu leik- og grunnskólabarna.
Eftir hádegi voru tveir fyrirlestrar, sá fyrri var frá Barnaheill þar sem Guðrún Helga Bjarnadóttir hélt fræðsluerindi um forvarnir gegn kynferðisofbeldi á börnum. Seinni fyrirlesturinn flutti Saga Stephensen, verkefnastýra fjölmenningar, fagskrifstofu leikskólamála á skóla- og frístundasviði Reykjavíkur. Fyrirlesturinn bar heitið, Fjölmenning og fjöltyngi í leikskóla, þar sem lögð var áhersla á vinnu með börnum með annað móðurmál en íslensku.
Í lok fyrirlestra gafst tækifæri til samtals um efni dagsins og starf skólaársins.
Fyrir hönd undirbúningsnefndar
Guðný Kristín Guðnadóttir, aðstoðarleikskólastjóri
Guðrún Lára Magnúsdóttir, leikskólastjóri
Fleiri fréttir
-
Samningur undirritaður um styrk til tækniaðstöðu á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 19.01SSNV og Húnaþing vestra hafa undirritað samning vegna styrks til uppsetningar á tæknimiðstöð í anda FabLab smiðju í samfélagsmiðstöð í Félagsheimilinu á Hvammstanga að upphæð 10.500.000 kr. Fram kemur í frétt á síðu SSNV að verkefnið snýst um að koma upp nýsköpunar-, viðgerða- og þróunaraðstöðu fyrir íbúa á svæðinu, sem og aðstöðu fyrir félagsstarf.Meira -
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.