Heita vatnið hækkar í verði í Austur-Húnavatnssýslu
Húnahornið segir frá því að um síðustu mánaðamót hækkaði Rarik gjaldskrá sína fyrir sölu á heitu vatni. Fyrir meðalheimili á Blönduósi og Skagaströnd nemur hækkunin 6,8%. Á vef Rarik kemur fram að markmið hækkunarinnar sé að fylgja almennri verðlagsþróun og tryggja eðlilega endurheimt fjárfestinga, ásamt því að stuðla að jafnræði viðskiptavina eftir því sem unnt sé.
Verð hækkar líka á Siglufirði og í Dalabyggð en á Höfn í Hornafirði helst það óbreytt. Í Dalabyggð hækkar verð um 6,8% líkt og í Austur-Húnavatnssýslu og á Siglufirði hækkar verð um 4%. Á vef Rarik kemur fram að ástæða þess að hækkanir á Blönduósi, Skagaströnd og í Dalabyggð eru meiri en á Siglufirði eru miklar fjárfestingar í hitaveitukerfinu á Blönduósi og Skagaströnd á síðustu árum auk þess sem mikil fjárfesting sé framundan í Dalabyggð.
Þar segir einnig að unnið sé að því að fastagjald hitaveitu verði sambærilegt milli svæða, þannig að það endurspegli betur fastan kostnað við rekstur hitaveitna. Breytingar verði teknar í skrefum fyrir Siglufjörð, þar sem fastagjald þar hafi verið umtalsvert lægra en annars staðar. Jafnframt sé gert ráð fyrir að sama gjaldskrá gildi á Höfn, Blönduósi, Skagaströnd og í Dalabyggð, sem einnig verði jafnað í skrefum.
Fleiri fréttir
-
Ákveðið að semja við Fúsa Ben og Sigurlaugu Vordísi um að taka við Bifröst
feykir.is Skagafjörður, Listir og menning, Lokað efni 29.12.2025 kl. 16.19Eins og fram hefur komið í Feyki þá höfðu húsverðirnir í félagsheimilinu Bifröst á Sauðárkróki, Bára Jónsdóttir og Sigurbjörn Björnsson, tekið þá ákvörðun að nú væri rétti tíminn til að rétta öðrum húsvarðarkeflið og bónkústinn góða. Á fundi sínum þann 19. desember sl. samþykktu fulltrúar atvinnu-, menningar- og kynningarnefndar Skagafjarðar að ganga til samninga við Sigurlaugu Vordísi Eysteinsdóttur og Sigfús Arnar Benediktsson til og með 31. desember 2027 með möguleika á árs framlengingu.Meira -
Árni Björn hlaut Samfélagsviðurkenningu Molduxa
feykir.is Skagafjörður, Íþróttir 29.12.2025 kl. 14.09Jólamót Molduxa er einn af þessum föstu punktum í lífinu sem margur bíður spenntur eftir og það fór venju samkvæmt fram á annan í jólum í Síkinu. Við setningu mótsins hefur frá árinu 2015 verið veitt Samfélagsviðurkenning Molduxa en hana hlýtur einstaklingur sem innt hefur af hendi dugmikið og óeigingjarnt starf til heilla samfélaginu í Skagafirði. Í ár var ákveðið að hana ætti skilið Árni Björn Björnsson, jafnan kenndur við veitingastað sinn Hard Wok.Meira -
BIFRÖST 100 ÁRA | Var algjörlega heilluð og hugfangin á Kardemommubænum
feykir.is Skagafjörður, Listir og menning, Lokað efni 29.12.2025 kl. 12.55„Í stuttu máli já …hummmm ég hef eiginlega fært lögheimili mitt í Bifröst nokkra mánuði á ári í nærri 30 ár. Byrjaði að anda að mér tónlist og leiklist á unglingsaldri og fór að leika með Leikfélagi Sauðárkróks þegar ég var 16 ára og lék því allavega í tveimur leikritum á ári,“ segir Sigurlaug Vordís Eysteinsdóttir, kennari, tónlistarmaður og leikstjóri, þegar Feykir spyr hana út í tengslin við Bifröst.Meira -
Árlega Gamlárshlaupið á sínum stað
feykir.is Skagafjörður 29.12.2025 kl. 11.15Hið árlega Gamlárshlaup á Sauðárkróki hefur heldur betur fest sig í sessi og orðin hefð hjá ansi mörgum. Hlaupið verður á sínum stað í ár og hefst á slaginu kl. 12:30 á sjálfan Gamlársdag. Mæting og ræs við íþróttahúsið (á bílastæði Árskóla). Vegalengd er sem fyrr að eigin vali en öll þurfa að vera komin til baka í íþróttahúsið kl. 13:30 þegar happdrættið hefst.Meira
