Hvað með þetta menningarhús? | Gunnar Bragi Sveinsson skrifar
Það er full þörf fyrir menningarhús á Sauðárkróki. Ástæðuna þekkja flestir, söfnin okkar eru í óboðlegu húsnæði og eitt elsta leikfélag landsins býr við fádæma lélega aðstöðu svo eitthvað sé nefnt. Ýmsar hugmyndir hafa komið fram í gegnum árin, t.a.m var skoðað fyrir rúmum áratug að byggja austan við Árskóla (þar sem strompurinn er) sal með hallandi gólfi sem nýtast myndi skólanum, tónlistarskólanum, sviðslistum, kvikmyndum og til ráðstefnuhalds. Jafnframt var þá rætt um að stækka og laga safnahúsið að nútíma kröfum.
Í dag er staðan sú að rifist er um væntanlegt menningarhús. Það er sorglegt að umræðan skuli vera komin á þann stað að fólki er skipt upp í hópa, með eða á móti. Ég leyfi mér að fullyrða að fáir ef nokkur er á móti menningarhúsi.
Sveitarstjórn ber megin ábyrgð á því hvert umræðan er komin og ber einnig ábyrgð á að ná íbúum saman. Búið er að ofnota menningarhús sem kosningaloforð og ekki er gerð nokkur tilraun til að ávarpa áhyggjur þeirra sem spyrja eðlilegra spurninga um kostnað, rekstur, útlit ofl. í stað þess eru þeir sagðir á móti.
Það að spyrja ekki, setja undir sig hausinn og segja „þetta reddast“ er óábyrgt.
Það er á ábyrgð sveitarstjórnar að þjappa íbúum saman um framkvæmd sem þessa. Framkvæmd sem löngu er orðin nauðsynleg, þ.e. að koma höfuðsöfnum héraðsins ásamt sviðslistum og annarri menningu í húsnæði sem er til sóma.
Á sama hátt er það á ábyrgð sveitarstjórnar að ná íbúum saman um verkefnið og upplýsa um allt sem við kemur framkvæmdinni.
Það er á ábyrgð sveitarstjórnar að leggja fram nýjar og raunhæfar tölur og áætlun sem sýnir með skýrum hætti byggingarkostnað, rekstrarkostnað og hvernig fyrirkomulag á nýtingu hússins verður.
Það liggur hjá sveitarstjórn að sýna áhrif á fjárhag sveitarsjóðs og ef þau eru einhver þá hvaða áhrif það hefur t.d. á aðrar nauðsynlegar framkvæmdir, áhrif á skattbyrði íbúa og fyrirtækja os.frv.
Við höfum séð það í gegnum framkvæmd eftir framkvæmd að áætlanir standast ekki. Það má ekki gerast í svo mikilvægri framkvæmd sem þessari. Ef nýjar framreiknaðar tölur sýna að verkefnið er of dýrt þá bara lögum við það en hættum ekki við. Lögum það að okkar veruleika án þess að fórna notagildi eða mikilvægi. Það er ábyrgt.
Undirritaður er mjög hlynntur menningarhúsi en við verðum líka að geta rekið söfnin okkar og menningarstarfsemina því það er tómahljóð í húsi sem ekki er fullt af lífi.
Gunnar Bragi Sveinsson
Höfundur er 100% Króksari og Skagfirðingur.
Fleiri fréttir
-
Nauta enchiladas og einfaldur eftirréttur | Matgæðingar Feykis
feykir.is Skagafjörður, Í matinn er þetta helst, Lokað efni 12.04.2026 kl. 11.22Matgæðingar í tbl. 43, 2025, voru að þessu sinni Guðrún Eik Skúladóttir og Óskar Már Jónsson. Guðrún og Óskar fluttu á Krókinn fyrir tæpum tveimur árum síðan en þau bjuggu áður í Hrútafirðinum þar sem þau voru kúabændur í tíu ár. Í dag vinnur Guðrún sem ráðunautur hjá Ráðgjafarmiðstöð landbúnaðarins og Óskar vinnur hjá Vegagerðinni. Saman eiga þau þrjár dætur, Bjarnveigu Önnu og Þóreyju Sunnu 11 ára og Hjördísi Eddu 4ja ára.Meira -
Vængbrotnir Breiðhyltingar áttu ekki séns í Síkinu
feykir.is Skagafjörður, Íþróttir, Lokað efni 12.04.2026 kl. 00.49Þriðji leikur Tindastóls og ÍR í 8 liða úrslitum Bónus deildar karla í körfubolta fór fram í Síkinu í kvöld og ljóst að honum loknum fleiri leiki þarf ekki til að útkljá einvígið. Gestirnir gerðu vel að halda í við Stólana í fyrri hálfleik en í síðari hálfleik léku Stólarnir á alsoddi og þá sérstaklega í þriðja leikhluta. Lokatölur 125-87 og Tindastólsmenn þar með fyrstir til að tryggja sér sæti í undanúrslitum.Meira -
Brúum bilið fyrir fjölskyldur í Skagafirði | Elfa Björk og Sædís Bylgja skrifa
feykir.is Skagafjörður, Aðsendar greinar 11.04.2026 kl. 14.49„Í leikskóla er gaman“ er setning sem flest okkar þekkja. Leikskólinn er einn mikilvægasti staður í lífi barna og fjölskyldna. Hann er sá staður þar sem börn stíga sín fyrstu skref í samfélaginu utan heimilisins, mynda vináttu, læra í gegnum leik og byggja upp grunn sem fylgir þeim alla ævi.Meira -
Núðluréttur og einföld ostakaka | Matgæðingar Feykis
feykir.is Skagafjörður, Í matinn er þetta helst, Lokað efni 11.04.2026 kl. 11.13Matgæðingar vikunnar í tbl. 42, 2025, voru Selma Björt Magnúsdóttir og makinn hennar Daníel Máni Róbertsson. Selma og Daníel eru búsett á Sauðárkróki en hún er alin upp á Króknum en Daníel á Blönduósi. Þau eignuðust sitt fyrsta barn í byrjun september og voru því í fæðingarorlofi þegar þessi þáttur var birtur en annars starfar Selma sem iðjuþjálfi og Daníel sem rafvirki.Meira
