Júdó er ekki bara fyrir stráka! :: Íþróttagarpurinn Jóhanna María Íslandsmeistari í júdó
Jóhanna María Grétarsdóttir Noack, varð Íslandsmeistari í júdó í flokki U13 á Íslandsmeistaramóti yngri flokka sem fram fór hjá júdódeild Ármanns í Reykjavík þann 21. maí síðastliðinn. Varð sigurinn einkar glæsilegur þar sem Jóhanna þurfti að glíma við drengi þar sem hún var eina stúlkan í sínum flokki eins og Feykir greindi frá á sínum tíma.
Jóhanna María býr á Sauðárkróki og segist alltaf vera kölluð Hanna Maja. Hún er dóttir Grétars Karlssonar og Anniku Noack sem bæði vinna í FNV en hún er frá Þýskalandi og flutti til Íslands 2000.
Hanna Maja byrjaði ung að æfa júdó eða á vorönn 2015 þá þriggja ára og segir hún að vel hafi gengið síðan. Æfingarnar hafi verið skemmtilegar og segist hún hafa bætt sig mikið í vor enda þjálfarinn góður sem vill svo vel til að er móðir hennar, Annika Noack.
Hanna Maja svarar hér spurningum í Íþróttagarpi Feykis.
Vel gekk hjá þér á Íslandsmeistaramótinu á dögunum, bjóstu við þessum árangri? -Eiginlega ekki, en það mátti vona.
Hvernig er tilfinningin að vera Íslandsmeistari í júdó? -Mjög góð.
Ertu búinn að ákveða hvað á að gera í sumar? -Hafa gaman, bæta mig í júdó og hitta vini og ættingja.
Stundar þú aðrar íþróttir? -Já, ég leik mér á skíðum, fer í sund, hjóla og þess háttar en æfi ekki aðrar íþróttagreinir.
Helstu íþróttaafrek: -Íslandsmeistari í Júdó í U13, -38kg.
Skemmtilegasta augnablikið: -Afhending verðlaunapeninga.
Neyðarlegasta atvikið: -Að ég náði ekki að binda beltið mitt nóg vel í glímu um titillinn og þurfti að binda það aftur og aftur.
Einhver sérviska eða hjátrú? -Nei.
Uppáhalds íþróttamaður? -Elvira Dragemark, júdókona.
Á Jólamóti Tindastóls 2021.
Myndin tók Katharina Sommermeier.
Ef þú mættir velja þér andstæðing, hver myndi það vera og í hvaða grein mynduð þið spreyta ykkur? -Kökubakstur á móti pabba.
Hvernig myndir þú lýsa þeirri rimmu? -Það væri rosalega fyndið og á endanum er bara hægt að borða eina köku, mína!
Helsta afrek fyrir utan íþróttirnar? -Að sigra lofthræðsluna mína með því að stökkva niður af þriggja metra bretti í sundi.
Lífsmottó: -Aldrei gefast upp!
Helsta fyrirmynd í lífinu: -Mamma mín, af því að hún er æði.
Hvað er verið að gera þessa dagana? -Hafa gaman með vinum.
Hvað er framundan? -Júdónámskeið í sumar og svo Haustmót JSÍ.
Eitthvað sem þú vilt koma á framfæri? -Júdó er ekki bara fyrir stráka!
Fleiri fréttir
-
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.