Kurteisi kostar ekkert | Leiðari 18. tölublaðs Feykis
Flokkspólitísk dagblöð voru lenskan framan af síðustu öld. Stjórnmálaflokkarnir voru lengi vel fjórir og hver og einn hafði sína málpípu þar sem réttu skoðanirnar voru predikaðar – í raun bergmálshellir þeirra tíma. Framsóknarmenn lásu Tímann, kratar Alþýðublaðið, kommar Þjóðviljann og íhaldið Moggann.
Sennilega þykir flestum lítil eftirsjá í flokkspólítískum blöðum og því margir sem urðu ánægðir þegar þau lögðu upp laupana hvert af öðru. Öll nema auðvitað Mogginn. Í staðinn komu frjálsir og óháðir miðlar á borð við Dagblaðið, Vísi, Helgarpóstinn, Eintak og síðar Fréttablaðið sem hafa nú öll lagt upp laupana. Nema Mogginn. Það má hins vegar kannski segja að nú skipti fjölmiðlar þúsundum hér á landi, þar sem skautun og þröngsýni viðgengst á stundum, með tilkomu samfélagsmiðlanna.
Raunin er sú að flestir landsmenn eiga eigin fjölmiðil. Það er nánast undantekning ef einhver er ekki á Facebook, Insta, SnapChat eða TikTok. Margir hafa sterkar skoðanir á öllu milli himins og jarðar, láta þær í ljós á sínum vegg og skilja eftir skilaboð á veggjum annarra. Oft má lesa athyglisverð spjöll en stundum helgispjöll. Það eru nefnilega margir sem eru með vitlausar skoðanir sem veggeigendur kæra sig ekki um. Umburðarlyndi gagnvart vitlausum skoðunum er oft lítið og fólk stundum beðið – ekki endilega kurteisislega – að halda sig fjarri því skoðanir þeirra eru ekki veggfóðrara að skapi.
Það kemur jafnvel fyrir að fólk sem telur sig umburðarlynt – gott fólk með heilbrigðar skoðanir (!) – nenni ekki öðru fólki og þeirra skítlegu skoðunum. Það má til dæmis nefna að það sé erfitt þessa dagana að segjast ætla að horfa á Eurovision eða gefa til kynna að Kata Jakobs fái þitt atkvæði í forsetakosningunum. Maður gæti nefnilega fengið það óþvegið í netheimum. Umræðan um forsetaframbjóðendur síðustu vikur hefur oft verið fyrir neðan allar hellur og sérstaklega sú árátta samfélagsmiðlara og virkra í athugasemdum að tala illa um þá frambjóðendur sem þeir hyggjast ekki kjósa.
Þó ekki standi til að predika skerðingu málfrelsis hér þá er það auðvitað svo að það er ekki sama hvað við setjum frá okkur á samfélagsmiðlum, í skilaboðum eða bara í lífinu. Það hefur sjaldan sakað að draga andann djúpt, telja upp að tíu og lesa skilaboðin yfir áður en þau eru send út í netheima – já, og lagfæra þau fyrst ef farið er yfir strikið.
Umburðarlyndi hlýtur að vera dyggð og Gummi Ben segir að kurteisi kosti ekkert. Við getum auðvitað öll gert betur – vöndum okkur í lífinu.
ritstjóri Feykis
Fleiri fréttir
-
Valdís Ósk Óladóttir ráðin í starf ráðgjafa í barnavernd hjá Skagafirði
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 13.07Á vef Skagafjarðar segir að Valdís Ósk Óladóttir hefur verið ráðin í starf ráðgjafa í barnavernd á fjölskyldusviði hjá sveitarfélaginu Skagafirði. Valdís er með BSc. gráðu í viðskiptalögfræði frá Háskólanum á Bifröst og ML gráðu í lögfræði frá Háskólanum í Reykjavík. Valdís Ósk hefur góða þekkingu á barnaverndarlögunum og skrifaði meistaraprófsritgerð sína um réttindi barna og þvingunarúrræði skv. barnaverndarlögum. Samhliða námi sínu hefur Valdís Ósk starfað hjá Barna- og fjölskyldustofu og á meðferðarheimilinu Krýsuvík og öðlast þar reynslu í ráðgjöf og vinnslu barnaverndarmála.Meira -
Forvarnaráætlun fyrir leik/grunn og framhaldsskóla á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 11.44Félags- og skólaþjónusta Austur-Húnvetninga fékk styrk upp á fjórar milljónir frá Sprotasjóði Rannís í maí 2023 til að vinna að forvarnaráætlun fyrir börn á leik/grunn og framhaldsskólaaldri. Markmið verkefnisins var að búa til sameiginlega forvarnaáætlun fyrir Norðurland vestra til fjögurra ára sem stuðla myndi að farsæld og forvörnum allra barna á svæðinu. Forvarnir eru til alls fyrst og er áætlunin öllum aðgengileg á heimasíðum sveitarfélaganna á Norðurlandi vestra.Meira -
Frítt inn á Byggðasafn Húnvetninga og Strandamanna sunnudaginn 28. júlí
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 11.11Í tilefni af hátíðinni Eldur í Húnaþingi sem haldin er þessa dagana verður frítt inn á Byggðasafn Húnvetninga og Strandamanna sunnudaginn 28. júlí. Safnið er opið milli kl. 9-17 og er staðsett á Reykjum í Hrútafirði í Húnaþingi vestra, tæpum kílómeter frá þjóðvegi eitt og leggur safnið áherslu á líf og störf fólks og síðari hluta 19. aldar og byrjun þeirrar 20.Meira -
Andri Már stígur á stokk í Mexíkó
feykir.is Skagafjörður, Listir og menning, Mannlíf 26.07.2024 kl. 10.32Feykir hefur aðeins fylgst með ævintýrum Andra Más Sigurðssonar / Joe Dubious á mexíkanskri grundu. Andra kannast margir við sem tónlistarmann og hann var eftirminnilega í framlínu hljómsveitarinnar dáðu, Contalgen Funeral, sem margir sakna. Andri flutti til Mexíkó árið 2019 og bjó í þorpinu La Erre í Guajajuato-fylki síðast þegar Feykir tók á honum púlsinn. Í fyrra sögðum við frá því að Andri væri farinn að láta á sér kræla í tónlistinni í Mexíkó og nú spilaði hann á virtri menningarstofnun, El Museo de la Independencia en Dolores Hidalgo – hvorki meira né minna!Meira -
Sigtryggur og Þórir boðaðir til æfinga fyrir undankeppni Eurobasket 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 26.07.2024 kl. 10.29Karlalandsliðið Íslands í körfuknattleik verður við æfingar núna síðustu daga júlí mánaðar. Æfingarnar er liður í undirbúningi fyrir síðustu leikina í undankeppni EuroBasket 2025 sem verða spilaðir í nóvember og febrúar. Tveir leikmenn Tindastóls voru boðaðir til æfinga, þeir Sigtryggur Arnar Björnsson og Þórir Þorbjarnarson.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.