Leyfir illa upplýstum vinnufélögum bara að pústa :: Liðið mitt Alex Már Sigurbjörnsson Liverpool
Alex Már Sigurbjörnsson, veitukall hjá Skagafjarðarveitum, er fæddur og uppalinn á Króknum en flutti sig fram í Varmahlíð og býr þar í dag með fyrirliða meistaraflokksliðs Tindastóls. Ekki fer miklum sögum af afrekum Alex á völlum fótboltans á síðu KSÍ annað en að hann hafi skipt úr Tindastól í Drangey og fengið leikheimild um miðjan júlí 2017. Alex er þekktari fyrir fimi sína á bassagítarinn þar sem hann er m.a. meðlimur Hljómsveitar kvöldsins. Hann vill þakka Halldóru frænku sinni fyrir þessa áskorun og dembir sér í spurningarnar.
Hvert er uppáhalds liðið þitt í enska boltanum og af hverju? -Ég er búinn að halda með Liverpool frá því að ég man eftir mér. Líklega hefur rauði liturinn heillað mig þegar ég mátti kaupa fyrsta gallann.
Hvernig spáir þú gengi liðsins á tímabilinu? -Þeir munu líklega eiga ágætis tímabil í ár. Sé þá fyrir mér í topp fjórum. Enn er líklega fullsnemmt að fara koma með einhverjar titilóskir þar sem það hefur nú komið í bakið á manni stundum.
Ertu sáttur við stöðu liðsins í dag? -Já, mjög svo. Vel þjálfað og mannað lið sem spilar skemmtilegan sóknarbolta. Mættu samt kannski bæta við einum framherja.
Hefur þú einhvern tímann lent í deilum vegna aðdáunar þinnar á umræddu liði? -Það vill nú þannig til að ég vinn á þannig vinnustað að meirihlutinn heldur með Júnæted. Þar að leiðandi er það eiginlega óumflýjanlegt að lenda stundum í rifrildi við þá, en maður veit svo sem að þeir vita ekki betur og leyfir þeim því oft bara að pústa.
Hver er uppáhaldsleikmaðurinn fyrr og síðar? -Væri auðvelt að segja Gerrard, en ég hef alltaf haldið mikið upp á danska varnartröllið Daniel Agger. Einnig var ég líka alltaf mjög hrifinn af Bendtner, leikmanni Arsenal. Svoleiðis slúttarar sjást ekki oft í dag.
Hefur þú farið á leik með liðinu þínu? -Hef ekki enn gerst svo frægur að fara á leik með þeim og skammast mín þokkalega fyrir það. Það er samt búið að vera á stefnuskránni síðustu ár, vantar bara kjarkinn.
Áttu einhvern hlut sem tengist liðinu? -Á nokkrar treyjur og trefla og þess háttar dót.
Hvernig gengur að ala aðra fjölskyldumeðlimi upp í stuðningi við liðið? -Náði nú bróður mínum með mér í samfélagið, þó að foreldrarnir séu Arsenal fólk. Einnig á ég einn frænda sem heldur með Arsenal sem er farinn að suða um inngöngu í klúbbinn.
Hefur þú einhvern tímann skipt um uppáhalds félag? -Aldrei dottið það í hug.
Uppáhalds málsháttur? -Illt er að kljást við kollóttan.
Einhver góð saga úr boltanum? -Maður lenti nú örugglega oft í einhverju skemmtilegu í boltanum, en annars stendur alltaf upp úr hjá manni þegar við í 3. flokk karla fórum út til Danmerkur að keppa á móti þar og enduðu í 2. sæti. Þar vorum við alltaf að snáðast og lentum í ýmsum uppákomum.
Einhver góður hrekkur sem þú hefur framkvæmt eða orðið fyrir? -Maður hefur nú ekkert mikið verið að hrekkja en það kemur svona annað slagið fyrir að maður er plataður í eitthvað, misgóðir hrekkir að sjálfsögðu og kannski ekki allt prentvænt.
Spurning frá Halldóru Andrésdóttur: -Ef þú gætir farið aftur í tímann og farið á hvaða leik sem er í ensku, hvaða leik myndir þú velja og af hverju? Yrði líklega að velja Liverpool-AC milan 2005, það var einn stórgóður leikur.
Hvern myndir þú vilja sjá svara þessum spurningum? -Arnór Guðjónsson
Hvaða spurningu viltu lauma að viðkomandi? -Kann Tommi Tuchel ekki að nota Lukaku eða er þetta sprungin blaðra ?
Áður birst þi 42. tbl. Feykis 2021
Fleiri fréttir
-
Setning Sæluviku Skagfirðinga 2025 og endurgerð Faxa | Einar E. Einarsson skrifar
feykir.is Skagafjörður, Aðsendar greinar 28.04.2025 kl. 10.25Ég vil byrja á að óska ykkur öllum gleðilegs sumars á þessum fallega degi sem jafnframt er síðasti sunnudagur aprílmánaðar, en hann hefur verið upphafsdagur Sæluviku Skagfirðinga í um 30 ár. Sæluvika Skagfirðinga á sér hins vegar mun lengri sögu, en heimildir herma að Sæluvikan hafi orðið til í framhaldi af svokölluðum sýslunefndarfundum sem haldnir voru einu sinni á ári með Sýslumanni og helstu forsvarsmönnum allra hreppa í Skagafirði.Meira -
Forsætisráðherra heimsækir Skagafjörð
feykir.is Skagafjörður, Mannlíf 28.04.2025 kl. 02.41Kristrún Frostadóttir forsætisráðherra býður til opins fundar í Skagafirði mánudaginn 28. apríl. Ráðherra verður einnig með erindi á kirkjukvöldi á Sauðárkróki sama dag í tilefni Sæluviku. „Það hefur gefið mér mikið síðustu misseri að halda opna fundi með fólki um allt land og ég vil halda því áfram eins og ég get í nýju embætti. Ég hlakka til að koma í Skagafjörðinn og eiga opið og milliliðalaust samtal um það sem brennur helst á heimamönnum,“ segir Kristrún.Meira -
Þungur hnífur á Sauðárkróksvelli
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 27.04.2025 kl. 23.12Það er oft stutt á milli hláturs og gráturs og það á ekki síst við í sportinu. Lið Tindastóls og Stjörnunnar mættust í Bestu deild kvenna á Sauðárkróksvelli í dag og allt stefndi í stórgóðan sigur Stóalstúlkna þegar allt fór í skrúfuna. Það þýðir oft lítið að nöldra undan óheppni í íþróttum en lið Tindastóls var annan leikinn í röð aðeins mínútum frá góðum úrslitum. Garðbæingar rændu stigunum í blálokin með tveimur mörkum, unnu heimastúlkur 1-2.Meira -
Sæluvikan sett og Faxi afhjúpaður á ný
feykir.is Skagafjörður, Listir og menning, Mannlíf, Lokað efni 27.04.2025 kl. 20.20Sæluvika Skagfirðinga var sett við hátíðlega athöfn á Sauðárkróki í dag. Gestir voru flestir mættir tímanlega fyrir kl. 13 eins auglýst hafði verið og voru umsvifalsust sjanghæjaðir út á Faxatorg í ískalt þokuloftið þar sem draugalegur Faxi beið þess að verða afhjúpaðir enn og aftur. Einar E. Einarsson, forseti sveitarstjórnar Skagafjarðar, flutti þar ágæta setningarræðu Sæluviku, sagði síðan nýjustu fréttir af Faxa og sýndi loks lipra takta við að færa listaverkið okkar góða úr plastklæðunum. Eftir stóð Faxi bronshjúpaður á nýjum stalli og hefur sennilega aldrei verið ferskari.Meira -
María og Sigurður hlutu Samfélagsverðlaun Skagafjarðar
feykir.is Skagafjörður, Listir og menning, Mannlíf, Lokað efni 27.04.2025 kl. 19.16Við setningu Sæluviku Skagfirðinga í dag kynnti Hrefna Jóhannesdóttir frá Silfrastöðum og varaformaður atvinnu-, menningar- og kynningarnefndar Skagafjarðar val á þeim sem hlutu Samfélagsverðlaun Skagafjarðar 2025 en þetta var í tíunda sinn sem verðlaunin eru afhent. Þau komu nú í hlut heiðurshjónanna Maríu Guðmundsdóttur og Sigurðar Hansen frá Kringlumýri í Blönduhlíð og eru þau sannarlega vel að heiðrinum komin.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.