Loksins ný jarðgöng milli Fljóta og Siglufjarðar?
Nú er í umræðunni nýr vegur og jarðgöng milli Fljóta og Siglufjarðar og hefur stór hópur fólks sent Alþingi áskorun um að koma þeim göngum fyrir á samgönguáætlun næstu ára. Það er virkilega gott og vonandi að málið fái jákvæða niðurstöðu og endi með góðum jarðgöngum og leysi þar með af veginn um Almenninga sem öllum er ljóst, a.m.k. þeim sem um hann fara reglulega, að hann er löngu kominn framyfir síðasta notkunardag. Reyndar stórhættulegur ef öllu er haldið til haga.
Í ljósi þess að baráttan stendur nú um að fá þessi jarðgöng má rifja upp að barátta fyrir nýjum jarðgöngum milli Fljóta og Siglufjarðar er ekki nýtilkomin. Þegar undirbúningur stóð sem hæst um vegabætur á utanverðum Tröllaskaga um og upp úr aldamótunum síðustu voru tvær hugmyndir í gangi. Annars vegar núverandi tvenn göng milli Ólafsfjarðar og Siglufjarðar gegnum Héðinsfjörð, almennt kölluð Héðinsfjarðarleið, hinsvegar tvenn göng milli Ólafsfjarðar og Siglufjarðar gegnum Fljót, almennt kölluð Fljótaleið. Baráttuhópur fyrir Fljótaleiðinni benti á marga kosti hennar m.a. að losna við veginn um Almenninga og koma á góðum og öruggum samgöngum milli Fljóta, Siglufjarðar og Ólafsfjarðar.
Fljótaleiðin hefði þar með opnað góðan hringveg um Tröllaskagann. Síðan aðrir hlutir, en ekki síður mikilvægir, eins og að láta náttúruperluna Héðinsfjörð vera ósnortna fyrir komandi kynslóðir. Eins var bent á að Siglfirðingar myndu losna við mikla umferð um þéttbýlið hjá sér sem hlýtur að vera kostur og bara allt í lagi að vera á enda vegarins ef örstutt er í Tröllaskagahringveginn. Reyndar getur fólk haft margar skoðanir á því t.d. þeir sem stunda verslun og ferðaþjónustu.
Vissulega hefur Héðinsfjarðarleiðin góða kosti og þá helst að mjög stutt er á milli þéttbýlanna í Ólafsfirði og Siglufirði og nokkuð styttra en samkvæmt Fljótaleiðahugmyndinni. En stærsti ókostur Héðinsfjarðarleiðarinnar er sá að enn er óleyst með bættar samgöngur milli Fljóta og Siglufjarðar sem einmitt núna er verið að berjast fyrir. Því miður hafði Fljótaleiðahugmyndin ekki nægjanlegt fylgi né stuðning innan stjórnkerfis beggja vegna Tröllaskaga á þessum árum. Ekki er ætlunin að fara nánar út í hvernig baráttan milli þessara tveggja hugmynda var á sínum tíma en nokkuð greinilegt að búið var að ákveða af ráðamönnum í upphafi að Héðinsfjarðarleiðin yrði ofan á. Og þar við sat.
Ef fólk hefði tekið höndum saman um Fljótaleiðina á sínum tíma er líklegt að Almenningsvegur hefði verið aflagður fyrir mörgum árum og sá slæmi vegarkafli löngu úr sögunni. Til margra ára hefði fólk keyrt eftir öruggum nútíma vegi og nýtísku göngum milli Fljóta og Siglufjarðar öllum vegfarendum til hagsbóta. En það er nú allt önnur saga.
Hjalti Þórðarson
Fleiri fréttir
-
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.