Mjór er mikils vísir
Menntaskólinn á Ísafirði varð til vegna framsýni einstaklinga sem höfðu þá sannfæringu að menntunn væri undirstaða byggðar. Hann hóf starfsemi árið 1970 og eru því liðin tæp 40 ár, sem auðvitað er dropi í hafið í sögu lands og þjóðar.
Háskólasetrið á Ísafirði er einnig ung stofnun, sem hefur þó virðist mér áorkað miklu á þessu stutta skeiði, eða um það bil 4 árum. Við erum öll þakklát fyrir þau tækifæri sem það hefur fært hingað til Ísafjarðar. Á tímum kreppu og atvinnuleysis hefur vaxið þörf fyrir menntunn og símenntunn. Krafa Vestfirðinga hefur verið að þeirri þörf verði mætt hér á heimaslóð í æ ríkari mæli.
Í því tilliti er eðlilegt að nýta innviði samfélagsins hér vestra og þróa sambýli öflugs verklegs náms og sérhæfðs háskólanáms. Hér er atvinnulíf um margt sérstætt. Nægir að nefna fyrirtæki eins og 3X, Póls (sem rann inn í Marel) og svo auðvitað öflugan sjávarútveg. Náttúra Vestfjarðar er víðfræg og ekki síður sérstæð. Þar skulum við nefna strandlengjuna, nálægð við gjöful fiskimið og víðáttumiklar óbyggðir. Síðustu misserin hefur verið vinsælt að tala um samþáttun, hvar eigum við að nýta tækifæri til samþáttunnar ef ekki hér?
Íslendingar eru eftirbátar nágranna og vinaþjóða okkar eins og Norðurlandanna og Bretlands, hvað varðar hlutfall háskólamenntaðra af vinnubæru fólki. Gera má ráð fyrir að á Íslandi séu um 20% vinubærra með háskólapróf. Sambærileg tala er áætluð um 30% á Norðurlöndunum. Það er ekki nóg með það, heldur hafa þessi samkeppnislönd okkar sett sér mun hærri markmið fyrir þetta hlutfall.
Hvað er til ráða? Vissulega er það svo, að ekki verði bókvitið ætíð í askana látið, en engu að síður vitum við að hærra menntunnarstig þjóðarinnar kallar á aukna velsæld. Saga nágrannalanda okkar til lengri tíma litið staðfestir þetta og við megum ekki leggja árar í bát þótt við glímum nú við tímabundna niðursveiflu og erfiðleika. Við eigum að halda ótrauð áfram að byggja upp á þeim sviðum sem við vitum að munu skila þjóð okkar fram veginn og færa börnum okkar aukin tækifæri. Við eigum að efla staðbundið háskólanám í skilgreindum kjarnabyggðum landsins og því er rétt að stefna að sérhæfðum og samkeppnishæfum Háskóla Ísafjarðar. Við eigum einmitt nú að taka það skref og þeir fjármunir sem varið verður til þessa munu skila sér margfaldir til baka.
Fleiri fréttir
-
„Einstakt tækifæri til að efla háskólastarf á landsbyggðinni“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.04.2025 kl. 16.12Rektorar Háskóla Íslands (HÍ), Háskólans á Hólum (HH) og háskólaráðherra undirrituðu í dag samkomulag um stofnun háskólasamstæðu með þátttöku þessara tveggja háskóla. Í frétt á heimasíðu Háskólans á Hólum segir að samstæðan taki formlega til starfa þann 1. janúar á næsta ári en henni er ætlað að bæta samkeppnishæfni háskólanna tveggja ásamt því að auka gæði náms, rannsókna, stoðþjónustu og auka tengsl við atvinnulíf og samfélög um land allt. Háskólasamstæðan mun starfa undir nafni Háskóla Íslands.Meira -
Ertu búin/n að pússa golfkylfurnar?
feykir.is Skagafjörður, Íþróttir 25.04.2025 kl. 15.17Það voru gleðitíðindi tilkynnt á Facebook-síðu Golfklúbbs Skagafjarðar í hádeginu í dag þegar Hlynur Freyr Einarsson auglýsti að búið væri að setja upp flöggin góðu á fyrstu fimm flatir vallarins.Meira -
Fögnum vori, sumri og sól
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2025 kl. 15.14Kvennakórinn Sóldís í Skagafirði tekur á móti Freyjukórnum í Borgarfirði á morgun laugardag 26.apríl og saman ætla kórarnir að halda saman tónleika í Miðgarði, kl.16:00Meira -
Leikdagur í dag
feykir.is Skagafjörður, Íþróttir 25.04.2025 kl. 14.47Það er ekki seinna vænna en að óska öllum gleðilegs sumars í leiðinni og við tilkynnum ykkur að það er leikdagur í dag, svona ef þið vissuð það ekki. En Sigríður Inga Viggósdóttir er alltaf með puttann á púlsinum varðandi dagskrá á leikdegi og leyfum við henni að fljóta með þessari tilkynningu.Meira -
Opið hús í Oddfellowhúsinu á Sauðárkróki á laugardaginn
feykir.is Skagafjörður, Aðsendar greinar 25.04.2025 kl. 12.21Laugardaginn 26. apríl milli kl. 14 og 16 verður opið hús í Oddfellowhúsinu að Víðigrund 5 á Sauðárkróki. Þar verður hægt að skoða húsakynnin og þiggja léttar veitingar ásamt því að hægt verður að kynnast starfi Oddfellowreglunar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.