Öryggisbrestir í fjarskiptum – hvað er til ráða?
Bjarni Jónsson alþingismaður skrifar grein í Feyki 12. nóvember sl. um alvarlegan öryggisbrest í fjarskiptum á Skagaströnd. Brestur sem nútíma samfélag á ekki að þurfa að þola og því rétt að taka undir áhyggjur þingmannsins. Hér verður aðeins lagt inn í þessa umræðu.
Tvítenging ljósleiðarakerfa er öryggismál og í því hefur verið unnið á undanförnum árum. Stærsta verkefnið í þeim efnum var sambandsrof sem íbúar á Vestfjörðum upplifðu 26. ágúst 2014. Þá var heill landshluti sambandslaus um nokkurn tíma. Þar var ráðist í viðamiklar endurbætur og ljósleiðari lagður um Djúp og hringtenging því tryggð. Með aukinni útbreiðslu ljósleiðara hafa hringtengingar verið byggðar, sem hafa bætt öryggi fjarskipta.
En framkvæmdir í þessum efnum þurfa ekki alltaf að vera jafn umfangsmiklar og dýrar og voru í tilfelli norðanverðra Vestfjarða.
Vantar 10 km bút
Í tilefni af sambandsrofi á Skagaströnd má benda að sveitakerfin sem bæði Skagabyggð og sveitafélagið Skagafjörður hafa staðið fyrir uppbyggingu á, getur með einfaldri framkvæmd orðið góð lausn. Með því að tengja kerfin saman, má stórbæta öryggi fjarskipta á Skagaströnd. Þetta er einföld framkvæmd og ekki kostnaðarsöm. Slík samtenging mun einnig auka öryggi mun víðar, en aðeins á Skagaströnd. Það vantar aðeins um 10 km bút á milli kerfa Skagabyggðar og Skagafjarðar, eftir því sem ég veit best.
Ég er þess handviss að eigendur og rekendur þeirra sveitakerfa sem að framan eru nefnd, eru til í að ræða slíka lausn.
Með byggingu ljósleiðarkerfa í sveitum, sveitakerfin, hafa nefnilega opnast stórkostlegir möguleikar á að reka og byggja sterkt kerfi fjarskipta. Næsta skref er að nýta samtengi möguleika þeirra kerfa – ekki bara vegna öryggis – heldur ekki síður til að auka verðmæti þeirra. Sveitafélög og eigendur sveitakerfa eiga inni veruleg tækifæri í að ná meiri verðmætum úr þeim kerfum sem þegar eru byggð.
Bætt fjarskiptaöryggi heimila
Að lokum er rétt að minna á það að notendur fjarskipta um ljósleiðara geta einnig, hver og einn, aukið öryggi sitt á sínum heimilum og fyrirtækjum. Sú breyting að hafa lagt af landlínu símans, og treysta nú á ljósleiðara, þýðir oftast að fjarskipti, á heimilum, detta út í straumleysi. En með einföldum búnaði má tryggja slíkt varaafl og stórauka notkunargildi, þó straumleysi verði. Það er ekki mjög kostnaðarsamt – en bætir mjög öryggi. Það er ástæða til að vekja umræðu um þennan þátt.
Haraldur Benediktsson
alþingismaður
Fleiri fréttir
-
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.