Skemmtileg kvöldstund í Bifröst | Kíkt í leikhús
Undirritaðar brugðu undir sig betri fætinum og renndu á krókinn í vor blíðunni til að sjá uppfærslu Leikfélags Sauðárkróks á farsanum Flæktur í netinu eftir Ray Cooney í leikstjórn Valgeirs Skagfjörð.
Flæktur í netinu er sjálfstætt framhald leikritsins Með vífið í lúkunum. John Smith hefur lifað tvöföldu lífi árum saman, á tvær konur og börn með báðum. Nú er þessum lífsmáta ógnað, þegar börnin hans kynnast á netinu og áforma að hittast. Inn í fjörið fléttast leigjandinn Stanley og aldraður faðir hans og úr verður flækja sem vandséð er hvernig getur raknað úr.
Það er ekki hægt að kvarta yfir hægri framvindu í farsanum “Flæktur í netinu” hjá Leikfélagi Sauðárkróks sem er sex hurða farsi af bestu gerð. Leikarar héldu vel uppi því sem einkennir góðan farsa miklum hraða og þéttri atburðarás. Þeir héldu fullri ferð og spennu alla sýninguna. Allir leikarar stóðu sig vel og sýnilegt að leikarar voru ekki að stíga fyrstu skrefin í því erfiða leikformi sem farsinn er. Leikmyndin var stílhrein með rólegum litatónum og lýsingu og þannig var áherslan aðallega lögð á textann og persónurnar sem skiptu öllu máli og allar tímasetningar steinlágu.
Fínasta útfærsla og skemmtileg kvöldstund.
Ber að hrósa leikfélaginu sérstaklega fyrir þann metnað að setja upp tvö leikverk á leikári og huga bæði að ungu og eldri kynslóðinni. Áfram LS.
Hanna Bryndís Þórisdóttir
Vibekka Arnardóttir
Margrét Konn Kristinsdóttir
stjórnarkonur Leikfélags Fjallabyggðar
Fleiri fréttir
-
Hagnaður KS var 3,3 milljarðar á síðasta ári
feykir.is Skagafjörður, Lokað efni 02.05.2025 kl. 15.28Aðalfundur Kaupfélags Skagfirðinga fyrir rekstrarárið 2024 var haldinn í Menningarhúsinu Miðgarði í Varmahlíð þann 10. apríl 2025 og hófst kl. 12:00 með hádegisverði. Fram kom á fundinum að rekstartekjur síðasta árs voru um 55 milljarðar og höfðu hækkað um tvo milljarða frá fyrra ári. Rekstarhagnaður fyrir afskriftir og fjármagnsliði, svokölluð EBITDA, var 7,4 milljarðar sem er lækkun um tæpan milljarð frá fyrra ári, en það ár var besti rekstrarárangur í sögu félagsins.Meira -
Tengiráðgjafi ráðinn í Húnaþingi vestra
feykir.is Vestur-Húnavatnssýsla, Lokað efni 02.05.2025 kl. 12.00Húnaþing vestra tók þátt í spennandi tilraunaverkefni með ráðningu tengiráðgjafa og er það Elísabet Eir Steinbjörnsdóttir sem er starfandi tengiráðgjafi Húnaþings vestra og vinnur hún einnig að verkefninu Gott að eldast í samstarfi við Heilbrigðisstofnun Vesturlands.Meira -
Fjáröflun - bílaþvottur
feykir.is Skagafjörður, Austur-Húnavatnssýsla, Vestur-Húnavatnssýsla 02.05.2025 kl. 11.40Er þetta ekki eitt af því leiðinlegasta sem að maður gerir sjálfur, að tjöruhreinsa og þrífa bílinn að utan... er þá ekki tilvalið að nýta sér þessa flottu fjáröflun sem Barna og unglingaráðið í knattspyrnudeildinni ætlar að bjóða upp á föstudaginn 8. maí. Pantanir fara fram í gegnum þannan lin hér eða með tölvupósti á e-mailið fotbolti.unglingarad@tindastoll.isMeira -
Uppbygging við Staðarbjargavík fékk ríflega 60 milljón króna styrk
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 02.05.2025 kl. 09.15Hanna Katrín Friðriksson atvinnuvegaráðherra úthlutaði í vikunni úr Framkvæmdasjóði ferðamannastaða fyrir árið 2025. Að þessu sinni hljóta 28 verkefni styrk úr sjóðnum. Heildarúthlutun er 553,2 milljónir króna og dreifast verkefnin um land allt. Næsthæsti styrkurinn, rúmar 60 milljónir króna, fer til uppbyggingar við Staðarbjargavík fyrir neðan sundlaugina góðu á Hofsósi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.