Það er líf í landinu
Svo að landsbyggðin vaxi og dafni er mikilvægt að til staðar sé öflug byggðastefna ásamt góðum fjarskiptum og góðu vegakerfi. Íslensk stjórnvöld hafa sett sér metnaðarfull markmið sem finna má í byggða- fjarskipta og samgönguáætlunum. Hægt er að fylgjast með framgangi þessara áætlana á nýrri heimasíðu sem haldið er úti af samgöngu- og sveitarstjórnarráðuneytinu. Vefurinn er undir léninu vegvisir.is og er gagnvirkur upplýsingarvefur þar sem hægt verður að fylgjast með fjármögnun, framvindu og árangri í yfir 500 verkefnum og stöðu 60 árangursmælikvarða.
Á nýja vefnum verður hægt að skoða allar áætlanir í einu, einstaka áætlun eða tiltekinn hluta af áætlun. Sem dæmi er hægt að skoða allar aðgerðir byggðaáætlunar á landsvísu, eða aðgerðir byggðaáætlunar á Vestfjörðum eða Austfjörðum og til að mynda styrki til verslana eða fjarheilbrigðisþjónustu. Það verður því hægt að fylgjast með fleiru á alnetinu en eldgosinu, sem ég veit að margir landmenn sitja spenntir yfir þessa dagana.
Talandi um bættar samgöngur
Þegar farið er inn á vegvísinn sjáum við fljótlega að hrein bylting hefur orðið og er framundan í samgöngumálum á Vestfjörðum. Dýrafjarðargöng eru orðin að veruleika og klára á uppbyggingu á Dynjandisheiði árið 2023. Ný vegur um Gufudalssveit verður orðin að veruleika árið 2024. Með þessum samgöngubótum er verið að færa svæði inn í nútímann sem setið hafa á hakanum alltof lengi. Fleiri vegaframkvæmdir eru í farvatninu og þá verður einnig farið í uppbyggingu og lagfæringu á höfnum svo sem á Tálknafirði, Hólmavík og Brjánslæk.
Þeir sem hafa lagt leið sína um Kjalarnes síðustu mánuði sjá að þar er komin vel á veg tvöföldun Vesturlandsvegar upp í Borgarnes, framkvæmd sem mun stórbreyta tækifærum fyrir fólk á þessum svæði og bæta samkeppnisstöðu landsvæða fyrir vestan og norðan verulega. Sagan hefur kennt okkur að þegar Hvalfjarðargöngin voru opnuð þá leiddi það til fjölbreyttari atvinnutækifæra á Vesturlandi í heild.
Þá má einnig nefna að fyrir norðan er stefnt að uppbyggingu á Blönduósflugvelli. Auk þess eru áætlaðir rúmir tveir milljarðar í uppbyggingu á Þverárfjallsvegi um Refasveit og Skagastrandavegi sem á að vera lokið árið 2024.
Fjarskipti
Eitt af aðal áherslumálum Framsóknarflokksins hefur verið gott fjarskiptanet um land allt, enda hefur flokkurinn staðið fyrir öflugri byggðastefnu allt frá upphafi. Við vitum að samkeppnishæfni samfélaga snýr að tryggu fjarskiptasambandi. Ljósleiðaratæknin er grunnþáttur fyrir öflugri atvinnu og búsetu um allt land. Inn á Vegvísi má finna staðreyndir um mikið og öflugt starf sem unnið hefur verið síðustu ár við að koma dreifðari byggðum í gott og öflugt fjarskiptasamband. Því verkefni er ekki lokið og í fjarskiptaáætlun sem Sigurður Ingi samgönguráðherra lagði fram á Alþingi árið 2019 segir að stefnt skuli að því að aðgengi lögheimila og atvinnuhúsnæðis að ljósleiðara verði 99,9% og gert er ráð fyrir að verkefnið Ísland ljóstengt ljúki fyrir árslok 2021 enda var átakið aftur sett í forgang í núverandi stjórnarsamstarfi. Ég hvet alla þá sem eru að kíkja inn á vegavísi.is. Þetta er stórskemmtilegur og fræðandi vefur. Það er líf í landinu, áfram veginn.
Halla Signý Kristjánsdóttir
Fleiri fréttir
-
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.