Ungt fólk til áhrifa
Fyrir um það bil tveimur mánuðum var mér boðið að vera á lista Sjálfstæðisflokksins í Skagafirði. Fyrst var ég efins og fannst ég ekki endilega eiga erindi á lista, ég væri ekki nógu vel að mér í bæjarmálum og hefði kannski ekki mikið til málanna að leggja. Ég ákvað þrátt fyrir þessar efasemdir mínar að slá til og vera í 13. sæti á lista XD í Skagafirði.
Eftir að vera búin að sitja íbúafundi, halda opið kvöld fyrir nýja kjósendur og vera á kosningaskrifstofunni að ræða við áhugavert fólk, sé ég að þessar efasemdir mínar voru óþarfar. Á síðustu vikum hefur mér hlotnast sá heiður að ræða við íbúa sveitarfélagsins um stöðu mála hér í firðinum, hvað hafi verið gert, hvað sé í vinnslu og hvað þurfi að bæta til þess að íbúum líði sem best. Auðvitað er ég ekki komin inn í öll málefni sveitarfélagsins en ég er margs vísari eftir þennan stutta tíma.
Helsta ástæða þess að ég sest niður og skrifa þessa litlu grein er að vekja ungt fólk til umhugsunar og hvetja það til þess að taka þátt í sveitarstjórnarmálum. Það væri óskandi að fleiri hefðu kynnst því hversu gaman það er að taka þátt í stjórnmálum. Mín ágiskun er sú að ungu fólki finnist pólitík aðallega vera rökræður sem ekki fara fram á mannamáli. Fyrir nokkrum árum fannst mér þetta líka. En þetta er ekki svona. Ég hef gert mér grein fyrir því núna hversu mikilvægt er að hafa skoðanir um samfélagið sitt og hversu mikilvægt það er að taka beinan eða óbeinan þátt í að byggja upp betra samfélag fyrir okkur öll. Sveitarstjórnarmál snúast í raun um allt það sem skiptir þig máli, umhverfið, þjónustuna, menningarlíf, atvinnu, félagsstarfsemi og svo mætti lengi telja. Núna er tíminn til þess að velta fyrir sér hvað við getum gert til að gera samfélagið okkar betra, til þess að stuðla að því að öllum líði vel. Þín skoðun og þitt atkvæði skiptir máli, en það er undir þér komið hvort þú viljir koma skoðunum þínum á framfæri. Við í Sjálfstæðisflokknum eru allavega tilbúin að hlusta á þína skoðun.
Ef þú gætir hugsað þér að taka þátt í sveitarstjórnarmálum þá mæli ég hiklaust með því, það er alltaf pláss fyrir fleira ungt fólk og svo er þetta þrælskemmtilegt!
Í lokin hvet ég alla til að kynna sér stefnu Sjálfstæðisflokksins og nýta kosningarétt sinn.
Bryndís Lilja Hallsdóttir, 13. sæti lista Sjálstæðisflokksins
Fleiri fréttir
-
Hestamenn slá botninn í Sæluvikuna
feykir.is Skagafjörður, Íþróttir, Mannlíf, Lokað efni 01.05.2025 kl. 13.51Það fer vel á því að Sæluviku Skagfirðinga endi á hátíð hestamanna en á laugardaginn verður sýningin Tekið til kostanna í Reiðhöllinni Svaðastöðum og hefst kl. 19:00. Kvöldið áður dregur til tíðinda í Mesitaradeild KS þegar lokamótið fer fram í Svaðastaðahöllinni en keppt verður í tölti og Fluguskeiði. Þessu má auðvitað ekki nokkur maður missa af. Feykir lagði nokkrar spurningar fyrir Sigurlínu Erlu Magnúsdóttur sem stjórnar þessu öllu saman.Meira -
Skörungur í sögu verkalýðsbaráttunnar | Álfhildur Leifsdóttir skrifar
feykir.is Skagafjörður, Aðsendar greinar 01.05.2025 kl. 13.001.maí hefur löngum verið dagur samstöðu, baráttu og vonar. Þetta er dagur verkalýðsins sem hefur lengi barist fyrir betri kjörum, styttri vinnudegi, mannsæmandi launum og auknu öryggi á vinnustöðum. En þessi dagur er líka áminning um að baráttan er ekki búin, hún heldur áfram í nýjum myndum, með nýjum áskorunum og nú á Kvennaári 2025 hefur hún aldrei verið mikilvægari.Meira -
Starf skólameistara við FNV laust til umsóknar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 01.05.2025 kl. 10.41Mennta- og barnamálaráðuneytið auglýsir embætti skólameistara Fjölbrautaskóla Norðurlands vestra laust til umsóknar. Skólanum hefur haldist ákaflega vel á sínum skólameisturum sem hafa frá stofnun aðeins verið tveir; fyrst Jón F. Hjartarson en hann stýrði skólanum allt þar til sumarið 2011 að Ingileif Oddsdóttir tók við taumunum.Meira -
Logi vill efla styrki til fjölmiðla á landsbyggðinni
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 30.04.2025 kl. 15.50Í Spursmálum Mbl.is er haft eftir Loga Einarssyni menntamálaráðherra að hann hyggist auka við styrki minni fjölmiðla úti á landi, á kostnað tveggja stærstu einkareknu miðlanna, til þess að styrkja sjálfsmynd fólks á landsbyggðinni.Meira -
Skólahreysti hefst í dag
feykir.is Skagafjörður, Vestur-Húnavatnssýsla 30.04.2025 kl. 15.00Fyrstu tveir riðlar í Skólahreysti 2025 verða í dag miðvikudaginn 30. apríl á Akureyri og fara þeir fram í Íþróttahöllinni kl. 17.00 og kl. 20.00 í beinni útsendingu á RÚV. Í fyrri riðli kvöldsins keppa Árskóli, Varmahlíðarskóli og Gr. Húnaþings vestra ásamt fimm öðrum skólum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.