Út um græna og hreina grundu
Þessa dagana ekur maður um Skagafjörð í vímu. Víman er af ýmsum toga. Fyrst ber að nefna blessað vorið sem hefur leikið við okkur síðustu vikurnar og glætt náttúruna lífi og lit. Í öðru lagi er það hinn mishöfgi ilmur húsdýraáburðar sem um þessar mundir er dreift á tún í héraðinu. Í þriðja lagi er það svo spenningur og gleði í vinnu fyrir komandi sveitarstjórnarkosningar.
Það er indælt að vera í stórum hópi fólks sem þessa dagana hugsar um fátt annað en hvernig vinna megi héraðinu okkar sem mest gagn, því til blessunar og framdráttar á öllum sviðum. Það er sama hvaða bókstafur er á barmmerkinu okkar, öll eigum við það sameiginlegt að vilja hag Skagafjarðar sem mestan og bestan.
Við Skagfirðingar erum líka flestir, ef ekki allir, sammála um það að varla geti að líta fegurra og búsældarlegra hérað á gjörvöllu Íslandi og þótt víðar væri leitað.
Sannarlega má taka undir það að almættið hafi vandað sig sérlega þegar það skóp Skagafjörð. Náttúran er stórbrotin og vekur með þeim er eiga leið um, lotningu og gleði yfir sköpunarverkinu.
Fátt er skemmtilegra en að aka um blómlegar sveitir, þorp og bæi landsins. Snyrtileg sveitabýli og vel hirtir bæir og þorp kalla oft fram þá tilfinningu að hér myndi maður gjarnan vilja búa. En því miður er sumstaðar pottur brotinn í umgengni mannskepnunnar við sitt nánasta umhverfi. Allt of víða má sjá ryðgað járnadrasl, ónýtar heyrúllur, spýtnarusl og ýmislegt fleira sem hvergi á heima nema á haugunum. Slæm umgengni, hvort heldur í bæ eða sveit getur eyðilagt upplifunina af annars fallegu umhverfi. Draslaralegt umhverfi laðar ekki að fólk.
Héraðið okkar er því miður ekki alveg laust við draslaraskap þó víðast hvar séu hlutirnir í góðu lagi. Því þarf að gera átak, taka til á þeim stöðum sem verst eru útlítandi. Hvetja þarf eigendur þessara staða til að hreinsa til hjá sér. Sveitarfélagið þarf að ganga á undan með góðu fordæmi og sjá til þess að svæði á þess vegum séu vel hirt og gæti jafnvel aðstoðað þá, sem á þurfa að halda, við tiltekt með einhverjum hætti. En að sjálfsögðu er það fyrst og fremst okkar sjálfra, íbúanna, að halda umhverfinu okkar hreinu. Það er allra hagur.
Löðum að ferðamenn og nýja íbúa með fyrirmyndar umgengni.
Björg Baldursdóttir
skipar 3. sæti V lista, Vinstri grænna og óháðra
Fleiri fréttir
-
Hestamenn slá botninn í Sæluvikuna
feykir.is Skagafjörður, Íþróttir, Mannlíf, Lokað efni 01.05.2025 kl. 13.51Það fer vel á því að Sæluviku Skagfirðinga endi á hátíð hestamanna en á laugardaginn verður sýningin Tekið til kostanna í Reiðhöllinni Svaðastöðum og hefst kl. 19:00. Kvöldið áður dregur til tíðinda í Mesitaradeild KS þegar lokamótið fer fram í Svaðastaðahöllinni en keppt verður í tölti og Fluguskeiði. Þessu má auðvitað ekki nokkur maður missa af. Feykir lagði nokkrar spurningar fyrir Sigurlínu Erlu Magnúsdóttur sem stjórnar þessu öllu saman.Meira -
Skörungur í sögu verkalýðsbaráttunnar | Álfhildur Leifsdóttir skrifar
feykir.is Skagafjörður, Aðsendar greinar 01.05.2025 kl. 13.001.maí hefur löngum verið dagur samstöðu, baráttu og vonar. Þetta er dagur verkalýðsins sem hefur lengi barist fyrir betri kjörum, styttri vinnudegi, mannsæmandi launum og auknu öryggi á vinnustöðum. En þessi dagur er líka áminning um að baráttan er ekki búin, hún heldur áfram í nýjum myndum, með nýjum áskorunum og nú á Kvennaári 2025 hefur hún aldrei verið mikilvægari.Meira -
Starf skólameistara við FNV laust til umsóknar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 01.05.2025 kl. 10.41Mennta- og barnamálaráðuneytið auglýsir embætti skólameistara Fjölbrautaskóla Norðurlands vestra laust til umsóknar. Skólanum hefur haldist ákaflega vel á sínum skólameisturum sem hafa frá stofnun aðeins verið tveir; fyrst Jón F. Hjartarson en hann stýrði skólanum allt þar til sumarið 2011 að Ingileif Oddsdóttir tók við taumunum.Meira -
Logi vill efla styrki til fjölmiðla á landsbyggðinni
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 30.04.2025 kl. 15.50Í Spursmálum Mbl.is er haft eftir Loga Einarssyni menntamálaráðherra að hann hyggist auka við styrki minni fjölmiðla úti á landi, á kostnað tveggja stærstu einkareknu miðlanna, til þess að styrkja sjálfsmynd fólks á landsbyggðinni.Meira -
Skólahreysti hefst í dag
feykir.is Skagafjörður, Vestur-Húnavatnssýsla 30.04.2025 kl. 15.00Fyrstu tveir riðlar í Skólahreysti 2025 verða í dag miðvikudaginn 30. apríl á Akureyri og fara þeir fram í Íþróttahöllinni kl. 17.00 og kl. 20.00 í beinni útsendingu á RÚV. Í fyrri riðli kvöldsins keppa Árskóli, Varmahlíðarskóli og Gr. Húnaþings vestra ásamt fimm öðrum skólum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.