Vinnuvikan stytt til reynslu í leikskólum Skagafjarðar
Það er mikið framfaramál að Sveitarfélagið Skagafjörður stefni að styttingu vinnuvikunnar á sínum vinnustöðum og vel til fundið að hefja slíkt verkefni í leikskólunum. Það lögðum við í VG og óháðum til vorið 2018 og ennfremur að vinnuvika starfsmanna yrði stytt í 36 stundir á viku, án þess þó að skerða þjónustu á nokkurn hátt. Í áformum VG og óháðra lögðum við áherslu á sveigjanleika fyrir starfsfólk og að komið væri til móts við hvern og einn starfsmann eins og hægt sé. Þannig væru fundnar leiðir sem allir gætu sæst á.
Nú hefur starfshópur sem skipaður var starfsfólki sveitarfélagsins lagt til að farið verði í afmarkað tilraunaverkefni með styttingu vinnuvikunnar. Fræðslunefnd hefur verið falið að koma með frekari útfærslur á framkvæmdinni ásamt öðrum úrbótum.
Sjálf átti ég samtal við leikskólastjóra sveitarfélagsins um styttingu vinnuvikunnar á vinnustöðum þeirra vorið 2018 og viðbrögð þeirra mjög jákvæð. Þeirra mat var að með vilja væri þetta leysanlegt á farsælan hátt og ávinningurinn algjörlega þess virði.
Erfiðlega hefur gengið að manna leikskóla hér í sveitarfélaginu með leikskólakennurum. Mannabreytingar eru því tíðar á vinnustöðum þar sem stöðugleiki skiptir börnin okkar máli. Laun leikskólakennara eru skammarlega lág miðað við ábyrgð og vinnuálag. Stytting vinnuvikunnar án launaskerðingar er ákveðin launauppbót og það ásamt sveigjanleika vinnutímans gerir vinnustaðina eftirsóknarverðari.
Rannsóknir sýna að á þeim vinnustöðum sem stytt hafa vinnuvikuna telja starfsmenn sig afkasta meiru í vinnunni en finna þó um leið minna fyrir álagi og stressi. Að auki fækkar skammtíma veikindadögum og líkur á kulnun í starfi minnkar. Styttri vinnuvika skilar sér einnig í fleiri gæðastundum fjölskyldunnar.
Þó tillaga starfshópsins feli í sér tilraun á afmörkuðu tímabili er ég bjartsýn á að styttingin sé komin til að vera, í ljósi reynslu annarra vinnustaða í kjölfar styttingu vinnuvikunnar. Gefist þetta verkefni vel, þá gætu aðrir vinnustaðir sveitarfélagsins fylgt í kjölfarið með styttri vinnuviku.
Við í VG og óháðum viljum þakka starfsfólki sveitarfélagsins og umræddum starfshóp fyrir þeirra vinnu og undirbúnings að styttingu vinnuviku leikskólanna. Um er að ræða eitt af áherslumálum VG og óháðra eins og ítarlega var farið yfir í grein undirritaðar sem birt var á feykir.is, þann 17. maí 2018. Sjá HÉR
Álfhildur Leifsdóttir, sveitarstjórnarmaður VG og óháðra
Fleiri fréttir
-
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.