Með atkvæðaseðilinn í vasanum – setti tossalista í kjörkassann
Geir Gunnarsson á Sauðárkróki lenti í því á kjördag að setja tossalista frá eiginkonunni í kjörkassann í stað atkvæðaseðilsins sem hann fékk þegar hann nýtti kosningarétt sinn. - Ég uppgötvaði þetta þegar ég kom upp í Hlíðakaup, sagði Geir í samtali við feykir.is.
- Konan lét mig fá tossalista þar sem ég ætlaði í búðina þegar ég væri búinn að kjósa og á einhvern óskiljanlegan hátt þá setti ég tossalistann í kjörkassann en stakk atkvæðaseðlinum inn á mig. Mér brá því heldur betur í brún þegar ég sá hvað var í gangi og í staðinn fyrir að sjá þarna skyr og mjólk, sá ég bara Sigurjón Þórðar, Jón Magg og þá félaga alla efsta á lista.
Geir snéri þegar í stað aftur á kjörstað og reyndi að fá kjörstjórn til að opna kassann og sækja tossalistann en við því var ekki hægt að verða eðlilega því kassana má aðeins opna þegar atkvæðin eru talin. Ekki gat hann heldur skilað inn atkvæðinu þar sem ekki má fara með það út úr húsi. – Mér var svo sem slétt sama um þennan atkvæðaseðil, en það var verra með tossalistann og ég keypti bara einhverja helvítis vitleysu, sagði Geir að lokum.
/Dreifarinn
Fleiri fréttir
-
Lið Tindastóls jafnaði metin með sigri liðsheildarinnar
feykir.is Skagafjörður, Íþróttir 29.04.2024 kl. 22.05Lið Tindastóls og Aþenu mættust í annað sinn í einvígi sínu um sæti í Subway-deildinni í Síkinu í kvöld. Lið Aþenu fór illa með haltrandi Stólastúlkur í fyrsta leik sem var aðeins spennandi fyrstu mínúturnar. Það var annað uppi á teningnum í kvöld því leikurinn var æsispennandi en að þessu sinni var það lið Tindastóls sem leiddi lungann af leiknum. Gestirnir voru aðeins yfir í 20 sekúndur en voru annars í stöðugum eltingaleik við baráttuglatt lið Tindastóls. Það fór svo að taugar heimastúlkna héldu og sigur hafðist, lokatölur 67-64 og staðan í einvíginu 1-1.Meira -
Gunnari Þór afhent Gullmerki ÍSÍ fyrir mikil og góð störf
feykir.is Skagafjörður, Íþróttir 29.04.2024 kl. 20.45Ungmennasamband Skagafjarðar (UMSS) hélt ársþing sitt í félagsheimilinu Tjarnabæ laugardaginn 27. apríl síðastliðinn. Fulltrúi ÍSÍ á þinginu var Viðar Sigurjónsson en hann notaði tækifærið og veitti Gunnari Þór Gestssyni, formanni UMSS, Gullmerki ÍSÍ á þinginu fyrir mikil og góð störf í þágu íþrótta en Gunnar Þór hefur m.a. setið í fjölmörgum nefndum og starfshópum ÍSÍ.Meira -
Skagaströnd fékk rúmlega 41 milljón króna styrk vegna Spákonuhöfða
feykir.is Austur-Húnavatnssýsla 29.04.2024 kl. 19.31Lilja Dögg Alfreðsdóttir, menningar- og viðskiptaráðherra, úthlutaði í fyrir helgi úr Framkvæmdasjóði ferðamannastaða fyrir árið 2024. Tvö verkefni á Norðurlandi vestra hlutu styrki og annað þeirra var merkt Sveitarfélaginu Skagaströnd, styrkur að upphæð kr. 41.105.000 vegna verkefnisins Spákonufellshöfðu: Aðgengi fyrir alla.Meira -
Lokamót í Skagfirsku mótaröðinni
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 29.04.2024 kl. 15.06Á heimasíðu Hestamannafélagsins Skagfirðings segir að lokamótið í Skagfirsku mótaröðinni hafi verið haldið á dögunum þar sem keppt var í gæðingakeppni, tölti og skeiði en hér að neðan eru úrslitin:Meira -
Kirkjukvöld Kirkjukórs Sauðárkrókskirkju í kvöld
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 29.04.2024 kl. 14.55Kirkjukvöld Kirkjukórs Sauðárkróks er að venju haldið mánudag í Sæluviku nánar tiltekið í kvöld 29. apríl kl. 20:00.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.