Árni Björn hlaut Samfélagsviðurkenningu Molduxa
Jólamót Molduxa er einn af þessum föstu punktum í lífinu sem margur bíður spenntur eftir og það fór venju samkvæmt fram á annan í jólum í Síkinu. Við setningu mótsins hefur frá árinu 2015 verið veitt Samfélagsviðurkenning Molduxa en hana hlýtur einstaklingur sem innt hefur af hendi dugmikið og óeigingjarnt starf til heilla samfélaginu í Skagafirði. Í ár var ákveðið að hana ætti skilið Árni Björn Björnsson, jafnan kenndur við veitingastað sinn Hard Wok.
„Árni hefur af sinni einstöku framtakssemi sýnt mikinn velvilja þegar eitthvað bjátar á hjá samborgurum sínum og er óþreytandi við að leggja hönd á plóg þegar þess er þörf. Hefur hann m.a. komið að stofnun góðgerðarfélaginu Englum Skagafjarðar sem ætlað er að safna í sjóð sem yrði notaður til að aðstoða fólk sem á þurfa að halda.
Árna var að sjálfsögðu afhentur blómvöndur ásamt skjali til staðfestingar viðurkenningunni. Palli Friðriks setti mótið og afhenti Árna viðurkenninguna og í ræðu hans sagði m.a.: „Sá sem hlýtur viðurkenninguna í ár er ekki aðeins körfuboltafólki að góðu kunnur heldur samfélaginu öllu. Hann hefur sýnt mikinn velvilja þegar eitthvað bjátar á hjá samborgurum og er óþreytandi við að leggja hönd á plóg þegar þess er þörf og hefur m.a. komið að stofnun góðgerðarfélaginu Englum Skagafjarðar. ... Árni kemur í Skagafjörðinn 2007 þegar þau skötuhjú, hann og Ragnheiður fluttu á Hofsós úr Grindavík. Hann segist hafa átt frumkvæðið af því að flytja, ekki Skagfirðingurinn konan hans.
Fyrst við erum hér í Síkinu í dag að leika körfubolta er ekki úr vegi að nefna að Árni stundaði sjálfur íþróttir, júdó, smá fótbolta en aðalega körfubolta. Lék hann með yngri flokkum Grindavíkur og segist vera ægilega montinn af því að hafa verið valinn 14 ára í 50 manna hóp stráka til að fara á landsliðsæfingu á Selfossi. Þar voru strákar eins og Halli Leifs, Kalli Jóns og bræðurnir Eyjólfur og Sverrir Sverrissynir héðan úr Firðinum fagra.
Árni er eðlilega oftast spyrtur við veitingastaðinn sinn Hard Wok sem opnaði 1. maí 2011 og það nafn kemur einnig upp í hugann þegar samfélagshjálp ber á góma. Þau hjónin hafa vakið athygli í samfélaginu þegar kemur að því að styrkja og styðja við fólk sem hefur staðið frammi fyrir erfiðum aðstæðum í lífinu.“ Ræðuna í heild sinni má lesa á Facebook-síðu Molduxa.
Feykir óskar Árna til hamingju með heiðurinn.
Fleiri fréttir
-
Þetta er sauna – ekki hefðbundið gufubað
feykir.is Vestur-Húnavatnssýsla, Lokað efni 31.12.2025 kl. 15.07Sigrún Davíðsdóttir er menntaður hárgreiðslumeistari, iðnkennari og saunagusumeistari, hefur alla tíð haft mikinn áhuga á vellíðan, sköpun og því að byggja upp góðar upplifanir fyrir fólk. Sigrún starfar í dag bæði sem hárgreiðslumeistari og sem rekstraraðili Saunasetursins á Hvammstanga – en það er verkefni sem hún hefur unnið að, af mikilli ástríðu og trú á að það geti bætt líðan fólks og styrkt samfélagið hér fyrir norðan eins og hún segir sjálf.Meira -
BIFRÖST 100 ÁRA | Lengi lifi Bifröst!
feykir.is Skagafjörður, Listir og menning, Lokað efni 31.12.2025 kl. 13.03„Fæddur 21. október 1956 og skírður Helgi og varð fljótt úr því ,,Helgi Gunn”, löngu seinna tók ég svo upp nafnið Dagur og úr því varð „helgidagur” eða Helgi Dagur,“ segir Helgi Dagur Gunnarsson, fyrrverandi framkvæmdastjóri Bifrastar, þegar hann er beðinn að gera grein fyrir sér. Eðlilega fékk Feykir Helga til að rifja upp minningar úr Bifröst.Meira -
Molduxar sigurvegarar Jólamóts 2025 með Forsetann í fararbroddi
feykir.is Skagafjörður, Íþróttir, Lokað efni 31.12.2025 kl. 09.44Jólamót Molduxa fór fram á öðrum degi jóla þar sem 13 lið öttu kappi í körfubolta „af mikilli fegurð og yfirvegun“ eins og segir í tilkynningu á Facebook-síðu Molduxa. Það var stuttbuxnadeild Molduxa sem bar sigur úr bítum í úrslitaleik gegn ungum og sprækum piltum í liði Hágæða dráttarvéla en Hús Frítímans fékk flest stigin í B flokki.Meira -
Stórgóð þátttaka í Jólamyndagátu Feykis 2025
feykir.is Skagafjörður, Austur-Húnavatnssýsla, Vestur-Húnavatnssýsla 30.12.2025 kl. 18.42Starfsfólk Feykis lét hendur standa langt fram úr ermum í dag og var því dregið úr réttum lausnum í Jólamyndagátu Feykis 2025. Hátt í 40 lausnir bárust, sem verður að teljast ansi gott, en vinningshafarnir voru aðeins þrír.Meira -
Áramótabrennur og flugeldasýningar á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 30.12.2025 kl. 15.16Gamlársdagur er á morgun og það má reikna með að margur hugsi sér gott til glóðarinnar og fíri upp flugeldum af miklum móð. Björgunarsveitirnar eru með sölu á slíkum varningi víðast hvar á þéttbýlisstöðum – ef ekki hreinlega öllum. Engir eru snjóskaflarnir til að stinga flugeldunum í áður en þeim er skotið á loft en það er jákvætt að útlit er fyrir skaplegt veður annað kvöld.Meira
