Áform um endurbyggingu mylluhússins í Kirkjuhvammi
Til stendur að endurbyggja mylluhúsið í Kirkjuhvammi við Hvammstanga næstu misserin og stendur áhugahópur um mylluna að þeim framkvæmdum. Myllan sem nú stendur uppi í Kirkjuhvammi var endursmíðuð af Jóni Ágústssyni og Birni Þ. Sigurðssyni, Bangsa, árið 1996.
Á 19. öld var kornmylla í Syðsta-Hvammi, knúin af vatni úr Syðri Hvammsá. Í myllunni var malað korn fyrir bændur í nágrenninu en hún var aflögð um aldamótin 1900 þar sem hætt var að flytja inn ómalað korn. Þeir Jón og Bangsi endursmíðuðu svo mylluna og mylluhúsið, sem þá var löngu hrunið. Mylluhúsið er á sama stað og af sömu stærð og áður var en mylluverkið sjálft smíðuðu þeir upp á nýtt eftir teikningu, sem til var á Þjóðminjasafni Íslands, frá þeim tíma sem kornmyllur knúnar af vatnsrennsli voru í notkun hér á landi.
Ástand mylluhússins er orðið svo að það kallar á nauðsynlegar lagfæringar. Síðastliðinn vetur sendi Þorvaldur Böðvarsson, f.h. áhugahópsins, dreifibréf á heimili á Hvammstanga þar sem verkefninu var lýst og þeim sem áhuga hefðu á málinu og vildu styðja verkefni með fjárframlagi og/eða vinnu gefinn kostur á að taka þátt.
Laugardaginn 13. ágúst s.l. hófst fyrsti leggur verkefnisins, þegar áhugasamir einstaklingar mættu upp á sunnanverðan ásinn fyrir ofan Hvammstanga og stungu klömbruhnaus, sem veggir mylluhússins verða hlaðnir úr, undir dyggri leiðsögn Benjamíns Kristinssonar. Myndir frá þeim degi er að finna á vef Norðanáttar.
Á vef Norðanáttar er þeim sem áhuga á að taka þátt í verkefninu með einum eða öðrum hætti er bent á að hafa samband við Þorvald Böðvarsson í síma 893 8504, 451 2396 eða á netfangið thb@simnet.is.
Fleiri fréttir
-
Spennandi Íslandsmót í straumkajak fór fram um helgina
feykir.is Skagafjörður, Íþróttir, Lokað efni 29.07.2025 kl. 15.28Íslandsmótið í straumkajak fór fram í Tungufljóti í Biskupstungum um helgina. Þetta er í fyrsta sinn í 15 ár sem haldið er Íslandsmót í straumkajak. Þrír keppendur úr Skagafirði voru mættir til leiks en það voru þau Eskil Holst, Freyja Friðriksdóttir og Máni Baldur Mánason. Þau kepptu undir merkjum Ungmennafélagsins Smára.Meira -
Graskerssúpa og ofureinfaldar hafraköku | Matgæðingur Feykis
feykir.is Skagafjörður, Í matinn er þetta helst, Lokað efni 29.07.2025 kl. 15.14Matgæðingur vikunnar í tbl. 12 var Pála Margrét Gunnarsdóttir en hún fékk áskorun frá frænku sinni Malen Áskelsdóttur sem var í tbl. 10. Pála Margrét er gift Sveinbirni Traustasyni sem er ættaður frá Flateyri og Skálholtsvík í Hrútafirði og saman eiga þau tvær dætur, Signýju Rut, þriggja ára, og Bergdísi Lilju, eins árs. Til að svala ættfræðiþyrstum einstaklingum þá er Pála Margrét elsta dóttir Guðnýjar Guðmunds og Gunna Gests í Eyrartúninu á Króknum.Meira -
Spennandi námskeið fyrir framtíðar leikara
feykir.is Skagafjörður, Listir og menning 29.07.2025 kl. 10.30Leikfélag Sauðárkróks stendur fyrir leiklistarnámskeiði fyrir börn fædd 2011-2016 dagana 11. - 12. ágúst. Möguleiki er á hlutverki í haustsýningu Leikfélagsins fyrir áhugasama þátttakendur að námskeiði loknu.Meira -
Aðsend grein: Gjöf kvenna á Íslandi til kvenna á Nýja Íslandi
feykir.is Skagafjörður, Mannlíf 29.07.2025 kl. 08.15Í ágúst 2023 fór hópur á vegum Annríkis-þjóðbúningar og skart í ferð á íslendingaslóðir í Norður Dakóta í Bandaríkjunum og Manitoba í Kanada. Með í för voru Íslenskir þjóðbúningar af ýmsum stærðum og gerðum sem hópurinn spókaði sig í við hin ýmsu tækifæri, gjarnan í yfir 30 stiga hita. Hápunkturinn var þegar Íslenskar konur stóðu heiðursvörð þegar fjallkona íslendingahátíðarinnar í Gimli gekk inn á svæðið.Meira -
Miðfjörðurinn mun nötra
feykir.is Vestur-Húnavatnssýsla, Listir og menning, Mannlíf 28.07.2025 kl. 15.38Um verslunarmannahelgina verður Norðanpaunk, ættarmót paunkara, haldið í 11. sinn á Laugarbakka í Miðfirði. Áhersla hátíðarinnar frá upphafi hefur ávallt verið á óvanalega íslenska jaðartónlist, en nokkrar erlendar sveitir hafa einnig mætt á svæðið og spilað fyrir gesti. Hægt að sjá nánar um hátíðina á facebook-Norðanpaunk.Meira
