Ágætis veður áfram í kortunum
Það er miðvikudagurinn 12. nóvember í dag, styttist óðfluga í aðventuna og fólk þarf að fara að grafa upp jólalagalistana sína fyrr en varir. Jafnaðargeð hefur helst einkennt Vetur konung síðustu vikuna og útlit er fyrir að lítil breyting verði á því fram yfir helgi. Þó gæti aðeins bætt í vind seinni partinn á morgun - fimmtudag - og jafnvel boðið upp á lítils háttar snjókomu. Á föstudag lægir og sólin brýst fram.
Spá Veðurstofunnar fyrir Strandir og Norðurland vestra fyrir daginn í dag er á þessa leið: „Norðaustan 5-10 m/s og stöku él, en 3-8 og þurrt inn til landsins. Norðaustlæg eða breytilega átt 3-8 á morgun og skýjað með köflum. Frost 0 til 7 stig.“ Reyndar er þetta nú heldur leiðinlegri spá en spákortin sjálf gefa til kynna.
Þegar kíkt er á umferðarkort Vegagerðarinnar má sjá að þjóðvegur 1 er ýmist greiðfær eða með hálkublettum. Éljagangur er aftur á móti á Öxnadalsheiði og snjóþekja á vegi. Éljagangur er sömuleiðis á Þverárfjallsvegi og á veginum milli Blönduóss og Skagastrandar. Hálka eða hálkublettir eru annars að mestu á öðrum vegum á Norðurlandi vestra.
Fleiri fréttir
-
Hlutur tónlistar í menningarhúsi á Sauðárkróki og nýtni hússins | Aðsend grein
feykir.is Skagafjörður, Aðsendar greinar, Listir og menning 12.11.2025 kl. 11.27Boðuð hefur verið bygging húss skagfirskrar lista- og safnastarfsemi á Sauðárkróki sem á að vera tilbúin á næstu árum. Það er spennandi verkefni og mun efla samfélagið á Sauðárkróki og víðar. Varðandi starfsemi hússins hefur verið tekið fram að það verði leik- og safnahús en ekki aðstaða til tónlistarflutnings og að Miðgarður í Varmahlíð hafi það hlutverk.Meira -
Atvinnuleysi lægst á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 12.11.2025 kl. 10.36Atvinnuleysi er lægst á landinu á Norðurlandi vestra, eða aðeins 1,3%, samkvæmt nýjum tölum Vinnumálastofnunar. Í frétt Húnahornsins segir að skráð atvinnuleysi á landinu öllu í október hafi verið 3,9% og hafði þá aukist um 0,4% frá mánuðinum á undan. Í október 2024 var atvinnuleysið hins vegar 3,4%. Að meðaltali voru 8.030 atvinnulausir í október síðastliðnum, 4.661 karl og 3.369 konur. Meðalfjöldi atvinnulausra fjölgaði um 682 manns milli mánaða.Meira -
Glæstur sigur á Manchester í spennuleik í Síkinu
feykir.is Skagafjörður, Íþróttir, Lokað efni 12.11.2025 kl. 10.08Annar heimaleikur Tindastóls í ENBL Evrópukeppninni var spilaður í Síkinu í gærkvöldi fyrir framan um 600 áhorfendur. Frábær stemning var í Síkinu og buðu Stólarnir og gestir þeirra frá Manchester á Englandi upp á frábæra skemmtun, spennandi körfuboltaleik, dramatískar lokasekúndur og þá var auðvitað frábært að sigurinn lenti okkar megin. Lokatölur 100-96.Meira -
Íbúum í Skagafirði fjölgaði um 69 milli ára
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 11.11.2025 kl. 13.19Fjölda íbúa í sveitarfélögum á Íslandi fjölgaði um 1,3% milli ára samkvæmt tölum Þjóðskrár en miðað er við tímabilið frá 1. nóvember 2024 til 1. nóvember 2025. Á Norðurlandi vestra fjölgaði íbúum um 60 milli ára, eða um 0,8%, en mest var fjölgunin í Skagafirði. Þar töldust íbúar vera 4.500 nú í byrjun mánaðar og hafði fjölgað um 69 frá fyrra ári en það er 1,6% fjölgun. Þá fjölgaði sömuleiðis í Húnaþingi vestra um 1% og teljast íbúar þar nú vera 1.362 en voru ári áður 1.249.Meira
