Ágúst Guðmundsson gefur út bók um afmælisár Króksins 1971
Út er komin bókin Á Króknum 1971 en líkt og segir aftan á bókarkápu þá eru „...liðin 150 ár síðan byggð hófst við malarkrókinn á milli Gönguskarðsáróss og þar sem Sauðáin rann til sjávar í fjörunni árið 1871 ... Því fagnar Sauðárkrókur 150 ára byggðarafmæli sínu nú árið 2021 þegar þetta rit kemur út.“ Það var Ágúst Guðmundsson sögugrúskari á Króknum sem tók saman og gefur bókina út í nafni Skín við sólu ehf.
Bókin er 136 síður og skreytt fjölda ljósmynda frá árinu 1971 og raunar árunum í kring. Það var Nýprent sem sá um uppsetningu og myndvinnslu en Prentmiðlun hafði umsjón með prentun.
Það var margt í gangi árið 1971 á Króknum því auk þess sem haldið var upp á 100 ára afmæli byggðar var Landsmót UMFÍ haldið á Sauðárkróki, fyrsti togarinn kom í heimahöfn og Hljómsveit Geirmundar var stofnuð svo eitthvað sé nefnt. Í bókinni er farið yfir Sæluvikuna '71, málefni bæjarstjórnar og rifjað er upp hvaða búðir voru í bænum og hverjir réðu þar ríkjum. Bókin er sem fyrr segir skreytt fjölda mynda og margar þeirra dýrgripir í augum Króksara.
Á baksíðu segir jafnframt: „Óhætt er að segja að afmælisárið 1971 hafi verið sérlega merkilegt og viðburðaríkt í sögu bæjarins. Til dæmis bara í júlí mánuði var haldin glæsileg afmælishátíð og helgina á eftir fór fram Landsmót UMFÍ. Fjölmargir sóttu bæinn heim og gamlir Króksarar voru áberandi á afmælishátíðinni sem var bænum til sóma. Merkilegast verður þetta ár þó að teljast fyrir þau straumhvörf sem urðu í atvinnumálum bæjarins og bærinn byggir núverandi velsæld sína á, svo sem koma fyrsta skuttogarans.“
Bókin verður væntanlega boðin innan skamms til sölu í Skagfirðingabúð og Eymundsson auk þess sem nálagst má ritið hjá höfundi, ýmist með því að hafa samband í síma 862 5907 eða senda póst á ag@simnet.is en þetta verður nánar auglýst síðar. Stefnt er að útgáfuhófi á Kaffi Krók fimmtudaginn 15. júlí nk. kl. 16. Þar verður boðið upp á kaffi og kleinur, bókin kynnt og kannski lesnir stuttir kaflar.
Sveitarstjórn Svf. Skagafjarðar styrkti útgáfu bókarinnar.
Fleiri fréttir
-
Vignir Vatnar varð Íslandsmeistari í skák
feykir.is Austur-Húnavatnssýsla, Íþróttir, Lokað efni 22.06.2025 kl. 17.10Æsispennandi Íslandsmóti í skák lauk í gær á Blönduósi með sigri Vignis Vatnars Stefánssonar, stórmeistara í skák, og hann stóð því uppi sem Íslandsmeistari í skák með sex og hálfan vinning að loknum átta umferðum. Fyrir lokaumferðina voru fjórir skákmenn efstir og jafnir með 5,5 vinning.Meira -
Vogamenn buðu upp á dýfu á Vogaídýfuvelli
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 22.06.2025 kl. 13.58Leikið var á Vogaídýfuvellinum í Vogum á Vatnsleysuströnd í gær í 2. deildinni en þar mættust heimamenn í Þrótti og lið Kormáks/Hvatar. Heimamenn náðu forystunni rétt fyrir hálfleik en einum fleiri jöfnuðu Húnvetningar áður en heimamenn stálu stigunum með sigurmarki þegar langt var liðið á uppbótartíma. Lokatölur 2-1.Meira -
Vaskir Stólar í veseni í Vesturbænum
feykir.is Skagafjörður, Íþróttir, Lokað efni 22.06.2025 kl. 12.03Tindastólsmenn léku við lið KV á KR-vellinum í Vesturbæ Reykjavíkur sl. föstudagskvöld. Stólarnir voru þá ofar í töflunni en Vesturbæingarnir voru skammt undan. Jafnt var í hálfleik eftir jöfnunarmark KV á markamínútunni en næstu tvö mörk voru heimamanna og þó Stólarnir klóruðu í bakkann þá kom jöfnunarmarkið ekki. Lokatölur 3-2.Meira -
Sögusetur íslenska hestsins bætir við nýrri sýningu.
feykir.is Skagafjörður, Hestar, Listir og menning, Mannlíf, Lokað efni 21.06.2025 kl. 12.00Sögusetur íslenska hestsins var opnað aftur 3 júní eftir vetrarlokun. Sögusetrið er sjálfseignarstofnun í eigu Háskólans á Hólum og sveitarfélagsins Skagafjarðar. Í ár er safnið 15 ára en það var opnað 2010. Fyrsti safnvörður var Arna Björg Bjarnadóttir en nú stýrir Kristín Halldórsdóttir safninu. Ný sýning var opnuð á efri hæð sama húsnæðis og hýst hefur safnið og var af því tilefni sérstök opnunarathöfn þar sem mætti margt góðra gesta.Meira -
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira
