Áhersla á áframhaldandi uppbyggingu textíllistamiðstöðvar í Kvennaskólanum
Þekkingarsetrið á Blönduósi hélt ársfund sinn í Kvennaskólanum á Blönduósi um miðjan síðasta mánuð. Á dagskrá fundarins voru venjuleg aðalfundarstörf, þar á meðal kynning á starfsemi setursins árið 2017. Kynninguna má lesa í heild sinni á vef Þekkingarsetursins.
Í kynningunni segir að alls hafi 91 listamaður dvalið í Kvennaskólanum á árinu, þar á meðal styrkhafar á vegum Kulturkontakt Nord auk nemenda frá Listaháskóla Íslands og Håndarbejdes Fremmes UCC í Danmörku.
Starfsemi ársins einkenndist af textíltengdum verkefnum og var lögð áhersla á þróun rannsókna og áframhaldandi uppbyggingu textíllistamiðstöðvar í Kvennaskólanum. Hefur hún verið eitt af meginverkefnum Þekkingarsetursins frá upphafi og er í samstarfi við Textílsetur Íslands. Með henni gefst tækifæri til að uppfylla mörg af markmiðum setranna varðandi eflingu náms, þróun rannsókna og miðlunar á þekkingu til almennings.
Hagnýtt rannsóknaverkefni, „Bridging Textiles to the Digital Future", sem hlaut styrk frá Tækniþróunarsjóði Rannís hófst í byrjun september. Verkefnið felur m.a. í sér skráningu í rafrænan gagnagrunn á vefnaðarmunstrum sem tilheyra Textílsetri Íslands, Vinum Kvennaskólans, Heimilisiðnarsafninu o.fl. ásamt uppsetningu vefsvæðis þar sem mynstrin verða aðgengileg fyrir textíllistamenn, hönnuði og nemendur á sviði textíls og miðlun sérþekkingar á TC2 rafrænum vefstól sem staðsettur er í Kvennaskólanum. Verkefni þetta hefur bæði menningarlegt- og atvinnulegt gildi og er einstakt á landsvísu.
Af öðrum verkefnum má nefna átaksverkefni á sviði ferðamála í samstarfi við Ferðamálafélag Austur-Húnavatnssýslu og tilraunaverkefnið ,,Heimsókn listamanna í skóla". Þá höfðu starfsmenn setursins umsjón með námsveri í Kvennaskólanum í samstarfi við Farskólann á Norðurlandi vestra.
Fleiri fréttir
-
Setning Sæluviku Skagfirðinga 2025 og endurgerð Faxa | Einar E. Einarsson skrifar
feykir.is Skagafjörður, Aðsendar greinar 28.04.2025 kl. 10.25Ég vil byrja á að óska ykkur öllum gleðilegs sumars á þessum fallega degi sem jafnframt er síðasti sunnudagur aprílmánaðar, en hann hefur verið upphafsdagur Sæluviku Skagfirðinga í um 30 ár. Sæluvika Skagfirðinga á sér hins vegar mun lengri sögu, en heimildir herma að Sæluvikan hafi orðið til í framhaldi af svokölluðum sýslunefndarfundum sem haldnir voru einu sinni á ári með Sýslumanni og helstu forsvarsmönnum allra hreppa í Skagafirði.Meira -
Forsætisráðherra heimsækir Skagafjörð
feykir.is Skagafjörður, Mannlíf 28.04.2025 kl. 02.41Kristrún Frostadóttir forsætisráðherra býður til opins fundar í Skagafirði mánudaginn 28. apríl. Ráðherra verður einnig með erindi á kirkjukvöldi á Sauðárkróki sama dag í tilefni Sæluviku. „Það hefur gefið mér mikið síðustu misseri að halda opna fundi með fólki um allt land og ég vil halda því áfram eins og ég get í nýju embætti. Ég hlakka til að koma í Skagafjörðinn og eiga opið og milliliðalaust samtal um það sem brennur helst á heimamönnum,“ segir Kristrún.Meira -
Þungur hnífur á Sauðárkróksvelli
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 27.04.2025 kl. 23.12Það er oft stutt á milli hláturs og gráturs og það á ekki síst við í sportinu. Lið Tindastóls og Stjörnunnar mættust í Bestu deild kvenna á Sauðárkróksvelli í dag og allt stefndi í stórgóðan sigur Stóalstúlkna þegar allt fór í skrúfuna. Það þýðir oft lítið að nöldra undan óheppni í íþróttum en lið Tindastóls var annan leikinn í röð aðeins mínútum frá góðum úrslitum. Garðbæingar rændu stigunum í blálokin með tveimur mörkum, unnu heimastúlkur 1-2.Meira -
Sæluvikan sett og Faxi afhjúpaður á ný
feykir.is Skagafjörður, Listir og menning, Mannlíf, Lokað efni 27.04.2025 kl. 20.20Sæluvika Skagfirðinga var sett við hátíðlega athöfn á Sauðárkróki í dag. Gestir voru flestir mættir tímanlega fyrir kl. 13 eins auglýst hafði verið og voru umsvifalsust sjanghæjaðir út á Faxatorg í ískalt þokuloftið þar sem draugalegur Faxi beið þess að verða afhjúpaðir enn og aftur. Einar E. Einarsson, forseti sveitarstjórnar Skagafjarðar, flutti þar ágæta setningarræðu Sæluviku, sagði síðan nýjustu fréttir af Faxa og sýndi loks lipra takta við að færa listaverkið okkar góða úr plastklæðunum. Eftir stóð Faxi bronshjúpaður á nýjum stalli og hefur sennilega aldrei verið ferskari.Meira -
María og Sigurður hlutu Samfélagsverðlaun Skagafjarðar
feykir.is Skagafjörður, Listir og menning, Mannlíf, Lokað efni 27.04.2025 kl. 19.16Við setningu Sæluviku Skagfirðinga í dag kynnti Hrefna Jóhannesdóttir frá Silfrastöðum og varaformaður atvinnu-, menningar- og kynningarnefndar Skagafjarðar val á þeim sem hlutu Samfélagsverðlaun Skagafjarðar 2025 en þetta var í tíunda sinn sem verðlaunin eru afhent. Þau komu nú í hlut heiðurshjónanna Maríu Guðmundsdóttur og Sigurðar Hansen frá Kringlumýri í Blönduhlíð og eru þau sannarlega vel að heiðrinum komin.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.