Áhrif ferðamanna á seli rannsökuð
Á heimasíðu Selaseturs Íslands segir að sumarið 2008 hafi setrup tekið þátt í rannsóknarverkefni sem bar nafnið “Áhrif ferðamanna á atferli villtra dýra”. Yfir markmið rannsóknarinnar var að skoða hvort aukning náttúruferðamennsku á Íslandi hefði áhrif á atferli dýra í náttúrulegu umhverfi sínu.
Markmið Selasetursins með þessari rannsókn voru að:
telja seli og finna svör við hvaða þættir hafa áhrif á möguleika að sjá seli á landi
kanna áhrif ferðamanna á fjölda sela
kanna sambandið á milli fjölda sela og þátta eins og mismunandi tímabil sumars, tíma dags og sjávarfalla
kanna hvernig selir verja tíma sínum á landi.
Rannsóknin fór fram á Illugastöðum á Vatnsnesi, en þar eru látur á 3 skerjum 100 – 200 m frá landi. Einnig voru taldir selir víðar á Vatnsnesinu, þ.á.m. á Svalbarði og í Hindisvík.
Niðurstöður rannsóknarinnar voru þær að selir í látrum á Illugastöðum virtust, til skemmri tíma, ekki verða fyrir mikilli truflun af völdum ferðamanna. Ástæður fyrir því eru taldar nokkrar, m.a. sú staðreynd að ferðamenn komast ekki nær selunum en þessa 100 m sem eru á milli látursins á viðkomandi skeri og skoðunarstaðarins sjálfs. Þetta ber vitni um einstaklega hagstæðar aðstæður til selaskoðunar á Illugastöðum, bæði fyrir menn og dýr. Þessar niðurstöður segja þó ekki til um langtíma áhrifa ferðamanna á stofninn í heild, til þess þarf frekari rannsóknir sem ráðist verður í á svæðinu næstu 3 sumur.
Samstarfsaðilar verkefnisins voru Rannsóknarsetur Háskóla Íslands á Húsavík, sem skoðaði hvali á Skjálfandaflóa og Melrakkasetrið á Súðavík, sem skoðaði refi á Hornströndum. Verkefnið, sem er undirbúningsrannsókn fyrir hið alþjóðlega Wild North verkefni, var styrkt af Nýsköpunarsjóði námsmanna. Starfsmaður rannsóknarinnar var Sandra M. Granquist, líffræðingur.
Fleiri fréttir
-
Laufey ráðin í stöðu aðstoðarskólameistara við FNV
feykir.is Skagafjörður, Mannlíf, Lokað efni 18.07.2025 kl. 13.56Laufey Leifsdóttir hefur verið ráðin í stöðu aðstoðarskólameistara við Fjölbrautaskóla Norðurlands vestra og tekur til starfa þann 1. ágúst næstkomandi.Meira -
Körfuknattleiksdeild Tindastóls er iðin við kolann
feykir.is Skagafjörður, Íþróttir, Lokað efni 18.07.2025 kl. 11.55Í nýrri tilkynningu segir: „Tindastóll styrkir kvennaliðið. Körfuknattleiksdeild Tindastóls hefur samið við Oceane Konkou, fransk-kanadískan framherja. Martin þjálfari segir Oceane vera þekkta fyrir hraða, varnarleik og að vera góð þriggja stiga skytta, eiginleika sem munu styrkja liðið verulega fyrir komandi tímabil. „Hún er að spila í Ástralíu núna og stendur sig mjög vel, við hlökkum mikið til að fá hana til liðsins“Meira -
HÚNAVAKA : „Það verður fullt hús hjá okkur hjónunum“
feykir.is Austur-Húnavatnssýsla, Mannlíf 18.07.2025 kl. 11.04Það er víst ótrúlega oft hægt að plata Auðun Sigurðsson í að gera hitt og þetta. Því plataði Feykir hann til að svara örfáum spurningum um Húnavökuna. „Ég bý á Blönduósi og hef gert það lungan úr mínu lífi. Þessa dagana er ég einna helst að sinna minni vinnu, ditta að heima hjá mér og leika golf í frístundum,“ segir þessi fyrrum markvörður Hvatar í fótboltanum.Meira -
Fimmtán íbúðir bætast við á Hvammstanga
feykir.is Vestur-Húnavatnssýsla, Lokað efni 18.07.2025 kl. 09.31Byggðarráð Húnaþings vestra tók þann 7. júlí fyrir umsókn um byggingarleyfi fyrir tveggja hæða fjölbýlishús að Norðurbraut 15 á Hvammstanga. Húsið er fyrirhugað með samtals 10 íbúðum, fimm á hvorri hæð. Að sögn Unnar Valborgar Hilmarsdóttur sveitarstjóra í Húnaþingi vestra eru að fara í gang tvö verkefni í tengslum við húsnæðisuppbyggingu á Hvammstanga.Meira -
Hugmyndir um styttingu þjóðvegar 1 enn á sveimi
feykir.is Skagafjörður, Austur-Húnavatnssýsla, Lokað efni 18.07.2025 kl. 09.15Á fundi byggðarráðs Skagafjarðar þann 16.7 var m.a. lagt fram bréf frá Samgöngufélaginu, dags. 7.7. 2025, stílað á Vegagerðina og sveitarfélögin Skagafjörð og Húnabyggð, þar sem ýmsum spurningum er beint að Vegagerðinni og jafnframt óskað eftir að sveitarfélögin Húnabyggð og Skagafjörður geri ráð fyrir styttingu þjóðvegs 1 um svokallaða Húnavallaleið í Húnabyggð og Vindheimaleið í Skagafirði. Byggðarráð samþykkir samhljóða að hafna hugmyndum um styttingu þjóðvegar 1 framhjá Varmahlíð.Meira
