Jákvæð rekstrarniðurstaða í fjárhagsáætlun Húnabyggðar fyrir 2026
Fjárhagsáætlun Húnabyggðar fyrir árið 2026, sem og þriggja ára áætlun áranna 2027-2029, var samþykkt á sveitarstjórnarfundi á mánudaginn. Í frétt á Húnahorninu segir að áætlað er að heildartekjur A og B hluta verði 2.883 milljónir króna árið 2026, rekstrargjöld 2.423 milljónir og afskriftir rúmar 161 milljón. Rekstrarniðurstaða fyrir fjármagnsliði er áætluð jákvæði um 299 milljónir en að teknu tilliti til þeirra, jákvæð um 124 milljónir. Veltufé frá rekstri er áætlað rúmar 362 milljónir en afborganir langtímalána tæpar 274 milljónir.
Áætlað er að nýjar lántökur á árinu 2026 verði um 150 milljónir og að fjárfestingar verði um 400 milljónir. Verkefnin verða svipuð þ.e. uppbygging og viðhald þeirra grunninnviða sem sveitarfélagið er með til að veita þá þjónustu sem sveitarfélaginu ber. Stærri verkefni eru t.d. vatnsveitu- og fráveituverkefni, gatnagerð, framkvæmdir við fasteignir og fleira, að því er segir í fundargerð sveitarstjórnar.
Þar kemur einnig fram að útgönguspá þessa árs gerir ráð fyrir tapi upp á um 50 milljónir króna en fjárhagsáætlun ársins 2025 gerði ráð fyrir um 19 milljóna króna tekjuafgangi.
Breytingar á gjaldskrám voru einnig samþykktar á fundinum á mánudaginn m.a. gjaldskrá fasteignagjalda. Sveitarstjórn ákvað að 10,6% hækkun sem lendir á íbúum vegna hækkunar fasteignamats verði ekki fleytt óbreytt út í álögur sveitarfélagsins á íbúa. Í stað þess hækka fasteignagjöld að jafnaði um 3,8%. Sorphirðugjöld hækka þó um 17,9% en sveitarfélagið vinnur að því að greiða ekki með sorphirðu. Aðrar gjaldskrár hækka að jafnaði um 3,8%.
Frétt af Húni.is
Fleiri fréttir
-
David og Manu framlengja við Tindastól!
feykir.is Skagafjörður, Íþróttir, Lokað efni 19.12.2025 kl. 16.02Tindastóll hefur náð samkomulagi við David Bercedo og Manuel Ferriol um framlengingu á samningum þeirra við félagið til næstu tveggja ára! Í yfirlýsingu frá knattspyrnudeildinni segir að báðir leikmenn hafi verið lykilmenn í Meistaraflokki karla og lagt sitt af mörkum bæði innan vallar sem utan. Framlengingarnar eru liður í áframhaldandi uppbyggingu liðsins og undirstrika metnað félagsins fyrir komandi ár.Meira -
Jólatónleikar í Hóladómkirkju
feykir.is Skagafjörður 19.12.2025 kl. 11.05Föstudaginn 19.desember verða jólatónleikar Skagfirska kammerkórsins í Hóladómkirkju, tónleikarnir hefjast kl.20. Á dagskrá eru gömul og góð jólalög í bland við nýrri, m.a. verður nýtt fallegt jólalag frumflutt sem var samið fyrir kórinn í tilefni af 25 ára afmæli kórsins, lagið er eftir Auði Guðjohnsen og ljóðið eftir okkar ástæla skáld Sigurð Hansen í Kringlumýri Skagafirði.Meira -
Fyrstu meistarar Tindastóls heiðraðir í gærkvöldi
feykir.is Skagafjörður, Íþróttir, Lokað efni 19.12.2025 kl. 10.18Í hálfleik á leik Tindastóls og KR í Síkinu í gærkvöldi var þess minnst að 50 ár eru síðan Tindastóll eignaðist sína fyrstu Íslandsmeistara í körfubolta. Gömlu kempurnar sem áttu heimangengt voru mættir til leiks og kynntir fyrir áhorfendum í hálfleik og veittar viðurkenningar. Ágúst Ingi Ágústsson, sem er manna fróðastur um sögu körfuboltans á Króknum, flutti smá tölu við athöfnina og má lesa hana hér.Meira -
247 stiga jólaveisla í Síkinu
feykir.is Skagafjörður, Íþróttir, Lokað efni 19.12.2025 kl. 09.10Það voru hálfgerð litlujól í Síkinu í gærkvöldi þegar Vesturbæingar mættu vel stemmdir til leiks gegn stigaóðu liði Tindastóls í síðustu umferð Bónus deildar karla fyrir jól. Leikurinn var spilaður á ofsahraða og má eiginlega segja að liðin hafi varla náð að stilla upp í vörn í leiknum – það var bara búið að skjóta áður. Gestirnir byrjuðu leikinn betur en heimamenn tóku völdin þegar á leið og lönduðu öruggum sigri. Lokatölur 130-117 en sjö leikmenn Tindastóls gerðu öll 130 stig liðsins og skoruðu þeir allir meira en tíu stig.Meira
