Ákveðið að peningar frá Héraðsnefnd Strandasýslu renni í Riis-húsið
Húnaþing vestra hefur ákveðið að verja þeim fjármunum sem sveitarfélagið fékk við slit Héraðsnefndar Strandasýslu til endurbyggingar Riis-hússins á Borðeyri. Í frétt á Húnahorninu segir að Héraðsnefnd Strandasýslu hafi nýverið verið slitið en Húnaþing vestra varð aðili að nefndinni við sameiningu sveitarfélagsins við Bæjarhrepp. Við slitin var bankainnistæðum nefndarinnar skipt á milli þeirra sveitarfélaga sem áttu aðild að henni.
Hlutur Húnaþings vestra, að frádregnum kostnaði vegna endurskoðunar við slit nefndarinnar, nam alls 648.686 krónum. Byggðarráð Húnaþings vestra telur eðlilegt að fjármunirnir renni til verkefnis á svæðinu sem var hluti af héraðsnefndinni á meðan hún var starfandi. Á fundi ráðsins fyrir jól var því samþykkt að styrkja Áhugamannafélag um endurbyggingu Riis-húss á Borðeyri um þá fjárhæð sem sveitarfélaginu hlotnaðist, eða 648.686 krónur.
Riis-húsið er eitt af helstu menningar- og söguminjum Borðeyrar og hefur endurbygging þess verið í höndum áhugamanna undanfarin ár.
Frétt af Húni.is
Fleiri fréttir
-
Fyrsta meistararitgerðin frá Hestafræðideildinni á Hólum varin
feykir.is Skagafjörður, Lokað efni 30.12.2025 kl. 10.18Þann 12. desember síðastliðinn varði Johannes Amplatz Meistararitgerð sína frá Hestafræðideild Háskólans á Hólum. Sagt er frá því á heimasíðu skólans að þessi meistaravörn hafi markað tímamót við deildina þar sem Johannes varð fyrsti neminn til að ljúka meistaragráðu frá deildinni en hann mun formlega útskrifast í maí í vor.Meira -
Ákveðið að semja við Fúsa Ben og Sigurlaugu Vordísi um að taka við Bifröst
feykir.is Skagafjörður, Listir og menning, Lokað efni 29.12.2025 kl. 16.19Eins og fram hefur komið í Feyki þá höfðu húsverðirnir í félagsheimilinu Bifröst á Sauðárkróki, Bára Jónsdóttir og Sigurbjörn Björnsson, tekið þá ákvörðun að nú væri rétti tíminn til að rétta öðrum húsvarðarkeflið og bónkústinn góða. Á fundi sínum þann 19. desember sl. samþykktu fulltrúar atvinnu-, menningar- og kynningarnefndar Skagafjarðar að ganga til samninga við Sigurlaugu Vordísi Eysteinsdóttur og Sigfús Arnar Benediktsson til og með 31. desember 2027 með möguleika á árs framlengingu.Meira -
Árni Björn hlaut Samfélagsviðurkenningu Molduxa
feykir.is Skagafjörður, Íþróttir 29.12.2025 kl. 14.09Jólamót Molduxa er einn af þessum föstu punktum í lífinu sem margur bíður spenntur eftir og það fór venju samkvæmt fram á annan í jólum í Síkinu. Við setningu mótsins hefur frá árinu 2015 verið veitt Samfélagsviðurkenning Molduxa en hana hlýtur einstaklingur sem innt hefur af hendi dugmikið og óeigingjarnt starf til heilla samfélaginu í Skagafirði. Í ár var ákveðið að hana ætti skilið Árni Björn Björnsson, jafnan kenndur við veitingastað sinn Hard Wok.Meira -
Heita vatnið hækkar í verði í Austur-Húnavatnssýslu
feykir.is Austur-Húnavatnssýsla 29.12.2025 kl. 13.56Húnahornið segir frá því að um síðustu mánaðamót hækkaði Rarik gjaldskrá sína fyrir sölu á heitu vatni. Fyrir meðalheimili á Blönduósi og Skagaströnd nemur hækkunin 6,8%. Á vef Rarik kemur fram að markmið hækkunarinnar sé að fylgja almennri verðlagsþróun og tryggja eðlilega endurheimt fjárfestinga, ásamt því að stuðla að jafnræði viðskiptavina eftir því sem unnt sé.Meira
