Algjörlega frábært Hrekkjavökuball – Lokadagur Skúnaskralls á morgun
Hrekkjavökuballið mikla fór fram á Hofsósi síðastliðið föstudagskvöld. Alls konar lið dreif að víða af Norðurlandi þó krakkar af Norðurlandi vestra væru í meirihluta. Ballið var liður í Skúnaskralli, barnamenningarhátíð Norðurlands vestra, og þegar Feykir spurði Konráð Frey Sigurðsson hjá Félagsmiðstöðinni Friði í Skagafirði hvernig til hefði tekist á Hofsósi var svarið: „Algjörlega frábærlega!“
„Viðburðurinn sló í gegn og myndaðist alveg mögnuð stemning í Höfðaborg,“ sagði Konni. Feykir fékk nokkrar ansi skuggalegar myndir til birtingar frá Grunnskólanum austan Vatna og Félagsmiðstöðinni Friði og eru þær bæði frá undirbúningi viðburðarins, sem nemendur GaV höfðu veg og vanda af, og frá ballinu sjálfu sem Feykir sagði frá fyrir helgi.
Skúnaskralli lýkur á morgun en þá verður hellingur um að vera í Húnavatnssýslunum því Páll Óskar mætir og syngur og spjallar við grunnskólanemendur. Fyrst í kirkjunni á Skagaströnd, síðan í Félagsheimilinu á Blönduósi og strax eftir hádegi í Grunnskóla Húnaþiings vestra á Hvammstanga. Klukkan fimm verður síðan Hrekkjavökuball fyrir nemendur miðstigs á Norðurlandi vestra í Félagsheimilinu á Blönduósi en þar er reiknað með yfir 200 krökkum. Áfram Skúnaskrall!
Fleiri fréttir
-
„Erum með flottan og hæfileikaríkan hóp“
feykir.is Skagafjörður, Íþróttir, Lokað efni 03.11.2026 kl. 11.44„Ég var ánægður með karakterinn sem að liðið sýndi og baráttuna. Við leggjum mikla áherslu á það að gefa okkur allar í verkefnin og gerðu þær það í gær,“ sagði Hlynur Freyri í samtali við Feyki í morgun en hann var að stýra sinum fyrsta leik eftir að hafa tekið við liði Tindastóls fyrir helgi. Hann þekkir að sjálfsögðu liðið vel, enda búinn að vera aðstoðarþjálfari hjá Israel MartinMeira -
Naumt tap Stólastúlkna í Vesturbænum í baráttuleik
feykir.is Skagafjörður, Íþróttir, Lokað efni 03.11.2026 kl. 09.27Það var spilað í Bónus deild kvenna í körfubolta í gær og fyrsti leikur Hlyns Freys sem aðalþjálfara Tindastóls var í Vesturbænum gegn spræku KR-liði. Þrátt fyrir að mæta fáliðaðar til leiks og án Maddíar (sem er ekki komin) þá börðust okkar stúlkur eins og hetjur og var leikurinn spennandi og jafn í fjórða leikhluta. Heimaliðið hafði þó betur á endanum og sigraði 83-78.Meira -
Hætta skapast ef gröfin opnast
feykir.is Austur-Húnavatnssýsla, Lokað efni 03.11.2026 kl. 09.03Mbl.is skýrði frá því um helgina að við Stafnsrétt í Svartárdal í Austur-Húnavatnssýslu hafi Svartá brotið land upp að veginum og því hafi verið gripið til þess ráðs að keyra um 300 rúmmetrum af sprengdu grjóti til að verja veginn og jafnframt gamla gröf þar sem rúmlega 400 kindur eru grafnar.Meira -
Snörp sunnanátt og hlýindi fram yfir hádegi á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 03.11.2026 kl. 08.37Nokkuð kröpp lægð röltir nú yfir landið og má reikna með talsverðum vindi hér á Norðurlandi vestra. Ekki eru neinar veðurviðvaranir í boði í dag frá Veðurstofunni enda er hlýtt, um tíu stiga hiti, og lítil eða engin úrkoma í kortunum. Þegar þessi frétt er skrifuð er bálhvasst við Stafá en þar er vindur 24 m/sek og slær í 40! Það kólnar aðeins þegar líður á daginn og dregur úr vindi.Meira
