Allir undir 18 ára fá vinnu í sumar
Síðasti skráningardagur í Vinnuskóla Skagafjarðar er á morgun 15. maí en þar verður öllum yngri en 18 ára tryggð vinna í sumar. Vinnuskólinn er fyrir krakka í 7. 8. 9. og 10. bekkjum og þeir sem hafa hugsað sér að sækja um vinnu í sumar en eru ekki búnir að því eru hvattir til að skrá sig á heimasíðu Svf. Skagafjarðar.
Þeir sem fæddir eru árin1994 og 1995 stendur til boða vinna í gegnum VIT- verkefni (atvinnuátak) en þau skilyrði eru þó sett að viðkomandi hafi fengið neitun um aðra vinnu en markmið skólans er að enginn í þessum árgöngum verði atvinnulaus í sumar.
Tímalaun með orlofi fyrir nemendur vinnuskólans 2012 og verða eftirfarandi:
- 7. bekkur kr. 361, heildartímar 40
- 8. bekkur kr. 413, heildartímar 120
- 9. bekkur kr. 491, heildartímar 180
- 10. bekkur kr. 620, heildartímar 240
María Björk Ingvadóttir frístundastjóri sveitarfélagsins segir ekkert annað sveitarfélag á Íslandi hafa tekið jafn afgerandi forystu í atvinnumálum ungmenna og Sveitarfélagið Skagafjörður.
-Ég kynnti þetta á fundi í Menntamálaráðuneytinu á föstudag og kom þar fram mikil ánægja og aðdáun á þessari stefnu. Það er engum blöðum um það að fletta að það að tryggja öllum atvinnu er ein besta forvörn sem hugsast getur yfir sumarið, segir María Björk. Hún segir að margar fyrirspurnir hafi borist frá unglingum annarsstaðar að af landinu sem eiga hér ættingja eða vini og eru að óska eftir vinnu í Skagafirði. Mikil aðsókn er í Vinnuskólann og hefur hún aukist um meira en helming á síðustu 5 árum.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
