Annar fundur sameiningarnefndar Austur-Húnavatnssýslu
Annar fundur sameiningarnefndar Austur-Húnavatnssýslu var haldinn þann 6. desember sl. Meðal málefna fundarins var ráðning ráðgjafafyrirtækis vegna verkefnisins, aðkoma Jöfnunarsjóðs sveitarfélaga að verkefninu og þóknanir til nefndarmanna.
Fyrir fundinum lágu kynningar á ráðgjafafyrirtækjunum KPMG – endurskoðun, RR – ráðgjöf ehf. og Ráðrík ehf. Ekki hafði verið óskað sérstaklega eftir tilboðum og því lá verðsamanburður ekki fyrir í fyrirliggjandi kynningum. Eftir miklar umræður um ráðgjöf og ráðgjafa þar sem sitt sýndist hverjum um hvert leita skyldi var niðurstaða fundarins að hefja viðræður við Ráðrík ehf. um verkefnið.
Rætt var um tímaáætlun verkefnisins og um áhrif sameingarumræðu á sveitarstjórnarkosningar næsta vor. Þá var rætt um nauðsyn þess að hvati til sameiningar komi frá stjórnvöldum í formi sameiginlegra verkefna/hagsmuna í uppbyggingu atvinnulífs eða innviða samfélaganna í Austur-Húnavatnssýslu og var í framhaldi af þeim umræðum ákveðið að kynna málið fyrir sveitarstjórnarráðherra og óska eftir stuðningi við að koma á nýjum möguleikum og tækifærum í héraðinu.
Vinnureglur Jöfnunarsjóðs sveitarfélaga um úthlutun framlaga vegna könnunar á hagkvæmni sameiningar, kynningar á sameiningartillögum og framkvæmd atkvæðagreiðslu lágu fyrir fundinum ásamt samantekt um áætluð framlög vegna sameiningar sveitarfélaganna.
Lagt var til að þóknanir vegna starfa sameiningarnefndar verði sambærileg við kjör nefnda og ráða í byggðasamlögum sveitarfélaganna og var sú tillaga samþykkt.
Þá var ákeðið að skipa fjögurra manna framkvæmdaráð sem í sitji oddvitar sveitarfélaganna undir formennsku Þorleifs Ingvarssonar. Hlutverk framkvæmdaráðsins verði að stýra verkefninu milli funda sameiningarnefndar, annast viðræður við ráðgjafafyrirtæki, viðræður við Jöfnunarsjóð, ráðherra og ráðuneyti og aðra sem sameiningin kann að varða.
Fundargerðir sameiningarnefndar má nálgast hér.
Fleiri fréttir
-
Hestamenn slá botninn í Sæluvikuna
feykir.is Skagafjörður, Íþróttir, Mannlíf, Lokað efni 01.05.2025 kl. 13.51Það fer vel á því að Sæluviku Skagfirðinga endi á hátíð hestamanna en á laugardaginn verður sýningin Tekið til kostanna í Reiðhöllinni Svaðastöðum og hefst kl. 19:00. Kvöldið áður dregur til tíðinda í Mesitaradeild KS þegar lokamótið fer fram í Svaðastaðahöllinni en keppt verður í tölti og Fluguskeiði. Þessu má auðvitað ekki nokkur maður missa af. Feykir lagði nokkrar spurningar fyrir Sigurlínu Erlu Magnúsdóttur sem stjórnar þessu öllu saman.Meira -
Skörungur í sögu verkalýðsbaráttunnar | Álfhildur Leifsdóttir skrifar
feykir.is Skagafjörður, Aðsendar greinar 01.05.2025 kl. 13.001.maí hefur löngum verið dagur samstöðu, baráttu og vonar. Þetta er dagur verkalýðsins sem hefur lengi barist fyrir betri kjörum, styttri vinnudegi, mannsæmandi launum og auknu öryggi á vinnustöðum. En þessi dagur er líka áminning um að baráttan er ekki búin, hún heldur áfram í nýjum myndum, með nýjum áskorunum og nú á Kvennaári 2025 hefur hún aldrei verið mikilvægari.Meira -
Starf skólameistara við FNV laust til umsóknar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 01.05.2025 kl. 10.41Mennta- og barnamálaráðuneytið auglýsir embætti skólameistara Fjölbrautaskóla Norðurlands vestra laust til umsóknar. Skólanum hefur haldist ákaflega vel á sínum skólameisturum sem hafa frá stofnun aðeins verið tveir; fyrst Jón F. Hjartarson en hann stýrði skólanum allt þar til sumarið 2011 að Ingileif Oddsdóttir tók við taumunum.Meira -
Logi vill efla styrki til fjölmiðla á landsbyggðinni
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 30.04.2025 kl. 15.50Í Spursmálum Mbl.is er haft eftir Loga Einarssyni menntamálaráðherra að hann hyggist auka við styrki minni fjölmiðla úti á landi, á kostnað tveggja stærstu einkareknu miðlanna, til þess að styrkja sjálfsmynd fólks á landsbyggðinni.Meira -
Skólahreysti hefst í dag
feykir.is Skagafjörður, Vestur-Húnavatnssýsla 30.04.2025 kl. 15.00Fyrstu tveir riðlar í Skólahreysti 2025 verða í dag miðvikudaginn 30. apríl á Akureyri og fara þeir fram í Íþróttahöllinni kl. 17.00 og kl. 20.00 í beinni útsendingu á RÚV. Í fyrri riðli kvöldsins keppa Árskóli, Varmahlíðarskóli og Gr. Húnaþings vestra ásamt fimm öðrum skólum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.