Arnór og Allan luku pílagrímagöngunni í gær
Í gær lauk pílagrímagöngu þeirra Langhyltinga í Skagafirði Sveins Allans Morthens og Arnórs Gunnarssonar en þeir hafa lagt að baki nokkra kílómetrana á Jakobsveginum svonefnda. Ferðin hófst þann 8. mars og á laugardaginn náðu þeir þeim áfanga að fá aflátsbréf í hendurnar sem staðfestir að þeir séu syndlausir til 18. júlí 2019 samkvæmt Fésbókarfærslu þeirra.
Jakobsvegur eða Vegur heilags Jakobs er ein þekktasta pílagrímaleið í Evrópu, endar í dómkirkjunni í Santiago de Compostela í héraðinu Galisíu á Spáni en hefst þar sem pílagrímurinn leggur af stað. Á Wikipedia segir að snemma hafi skapast helgisögn um tengsl Jakobs postula við norðvestur Spán og á 9. öld var álitið að líkamsleifar hans hefðu fundist þar sem nú er borgin Santiago de Compostela og er hún nefnd eftir Jakobi. Fljótlega fóru trúaðir víðsvegar að úr Evrópu að fara í bótgerðar og þakkargöngur til borgarinnar og varð hún þriðji mikilvægasti ákvörðunarstaður kristinna pílagríma á eftir Jerúsalem og Róm.
Þann 26. mars er færð inn skemmtileg færsla á Fésbókinni þar sem sagt er frá kraftaverki sem þeir urðu vitni að en fæst líklega ekki skráð í kirkjubækur.
„Allan hélt að hann hefði orðið vitni að kraftaverki i klaustrinu sem við gistum í sl. nótt, St- Klara i Carriaon de los Condes. Lykla-Pétur klaustursins rak mig í kirkju og barði í hnésbætur mínar uns ég gaf eftir og féll á skeljarnar. Stóð hann síðan yfir mér meðan ég hugsaði minn gang. Á eftir fór ég á safn um Jesúbarnið og voru líkneskin dýrðleg. Þar sem ég stóð fyrir framan líkneski af barninu i faðmi móðurinnar lagði sætan ilm af barnableyju fyrir vit mér og var augljóst að nú þurfti að skifta á barninu. Ég hrópaði upp og kallaði á Lykla-Pétur sem kom með harðneskjusvip að en þá sá ég um leið hvar Arnór laumaði sér út með skömmustusvip. Kraftaverkið er ekki viðurkennt. Annars er þetta stórkostlega gaman en varla á færi annarra en heljarmenna segir fyrrverandi fjallskilastjóri“.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
