Auglýst eftir læknum á Blönduós
Heilbrigðisstofnun Norðurlands auglýsir eftir yfirlækni og lækni til starfa á starfstöð stofnunarinnar á Blönduósi. Á Húnahorninu segir Helga Margrét Jóhannesdóttir, yfirhjúkrunarfræðingur svæðis og staðarumsjónarmaður HSN á Blönduósi, að verið sé að leita að metnaðarfullum og framsæknum læknum sem vilja taka þátt í að byggja upp öfluga og stöðuga læknamönnun til framtíðar. „Markmið okkar er að tryggja samfellu í þjónustu, bæta aðgengi íbúa að heilbrigðisþjónustu og viðhalda okkar faglega, styðjandi og eftirsóknarverða vinnuumhverfi,“ segir Helga Margrét.
Hún bendir á að hjá HSN gefist tækifæri til að vinna fjölbreytt og krefjandi störf þar sem faglegur vöxtur, samvinna og sveigjanleiki séu í fyrirrúmi. Starfsumhverfið sé persónulegt og samheldið, og stutt í ákvarðanatöku og umbætur. Þá segir hún að einnig gefist færi á að hafa raunveruleg áhrif á þróun þjónustunnar og velferð samfélagsins.
„Það eru margir kostir við að búa á landsbyggðinni en Blönduós býður upp á rólegt og öruggt umhverfi, stuttar vegalengdir og sterka samfélagskennd. Náttúran er alltaf nálægt og tækifæri eru til útivistar, sem styður við betra jafnvægi milli vinnu og einkalífs. Lífsgæðin eru mikil fyrir þá sem vilja meiri ró, tengsl og rými í daglegu lífi. Ég hvet samfélagið í heild til að hafa vakandi augu og að þau sem þekkja lækna bendi þeim á þessar auglýsingar,“ segir Helga Margrét.
Lesa má um störfin á Starfatorgi, staða yfirlæknis hér og staða læknis hér.
Fleiri fréttir
-
Fá ríkjandi bikarmeistara í heimsókn
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 27.05.2026 kl. 09.07Í 32-liða úrslitum Gatorade bikarsins fá Kormákur/Hvöt lið Víkings Ólafsvíkur í heimsókn. Víkingur Ólafsvík er ríkjandi bikarmeistari en á síðustu leiktíð hét þessi bikarkeppni Fótbolti.net bikarinn. Leikurinn fer fram á Blönduósvelli klukkan 18:00 í kvöld, 27. maí.Meira -
Skólaferðalag yngstu nemenda Varmahlíðarskóla á Krókinn
feykir.is Skagafjörður, Mannlíf, Lokað efni 27.05.2026 kl. 08.50Mánudaginn 18. maí héldu nemendur 1. - 3. bekkjar Varmahlíðarskóla af stað í skólaferðalagið. Að þessu sinni voru það 28 nemendur ásamt umsjónarkennurum og tveimur stuðningsfulltrúum sem ferðuðust saman.Meira -
Gatorade bikarinn hefst í dag
feykir.is Skagafjörður, Íþróttir, Lokað efni 27.05.2026 kl. 08.42Gatorade bikarinn hefst í dag. Tindastólsmenn halda suður og spila þar við lið Hvíta Riddarans klukkan 19:15. Frítt er inn á leikinn og því eru allir stuðningsmenn Tindastóls fyrir sunnan hvattir til þess að skella sér á leik í Malbiksstöðinni að Varmá.Meira -
Sjónhorn og Feykir fara í dreifingu á fimmtudegi
feykir.is Skagafjörður, Austur-Húnavatnssýsla, Vestur-Húnavatnssýsla 27.05.2026 kl. 08.32Þar sem hvítasunnuhelgin dróst að venju aðeins inn í vikuna þá fóru Sjónhorn og Feykir ekki suður í prentun fyrr en seinni partinn í gær og ættu því að fara í dreifingu á morgun, fimmtudag. Bæði blöðin eru þó að detta inn á netið og þeir sem eru með rafræna áskrift geta lesið Feyki á netinu og Sjónhornið er að sjálfsögðu öllum opið.Meira
