Könnun um sameiningu verkalýðsfélaga
Formenn Verslunarmannafélags Skagafjarðar, Öldunnar og Samstöðu hafa undanfarið kannað möguleika á sameiningu þessara þriggja félaga. Búið er að ræða stöðu og getu sjóða félaganna og möguleika á að standa við skuldbindingar ef af sameiningu yrði. Engin atriði hafa komið upp sem eru líkleg til að standa í vegi fyrir sameiningu.
Áður en lenga er haldið, hefur verið ákveðið að kanna almennan vilja félagsmanna til sameiningar. Reynist hann til staðar, verður sett vinna í að skrifa drög að lögum og reglugerðum sjóða.
Hugmyndin um að sameina þessi félög snýst ekki um peningalegan sparnað, heldur hitt að með samlegð sé mögulegt að fá enn meira fyrir þá fjármuni sem eru til ráðstöfunar fyrir félagsmenn. Ekki er gert ráð fyrir því að fækka starfsstöðvum né starfsfólki. Það er álit formannanna að sameinað félag yrði öflugra á flestan hátt og gæti veitt enn meiri og betri þjónustu en félögin sitt í hverju lagi.
Sendur hefur verið kynningarbæklingur til allra félagsmanna. Hann er jafnframt að finna á heimasíðum þeirra allra, auk þýðinga á ensku og pólsku.
Könnun á heimasíðum
Sett hefur verið af stað könnun um vilja félagsfólks til sameiningar. Könnunin fer fram rafrænt á vef hvers félags fyrir sig. Til að taka þátt þarf að skrá sig inn með rafrænum skilríkjum. Svör eru ekki persónugreinanleg. Verði niðurstaða úr könnuninni jákvæð, verður vinnunni haldið áfram. Afraksturinn verður þá lagður fyrir í formlegri atkvæðagreiðslu í hverju félaganna þriggja.
Könnunin er farin í loftið og ráðgert er að henni ljúki fimmtudaginn 28. maí, kl. 13:00.
Allt félagsfólk er hvatt til að kynna sér hvað fyrirliggjandi gögn og taka síðan þátt í könnuninni.
www.vmf.is
www.aldan.is
www.samstada.is
Formenn Öldunnar, Verslunarmannafélags Skagafjarðar og Samstöðu
Fleiri fréttir
-
Húnvetningar með sterkan sigur í fyrsta leik á Blönduósi
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2026 kl. 21.28Lið Kormáks/Hvatar og Tindastóls spiluðu bæði gær í fótboltanum. Húnvetningar gátu loks spilað á Blönduósi og þar lögðu þeir lið Kára frá Akranesi 4-1 eftir að hafa lent undir um miðjan fyrri hálfleik. Stólarnir töpuðu sínum fyrstu stigum á Egilsstöðum þar sem þeir gerðu markalaust jafntefli við lið Hattar.Meira -
Hadda opnar sýningu í Heimilisiðnaðarsafninu annan í hvítasunnu
feykir.is Austur-Húnavatnssýsla, Listir og menning 24.05.2026 kl. 20.49Sumarsýning eða sérsýning Heimilisiðnaðarsafnsins á Blönduósi þetta sumarið, Hadda – leikur með þræði, verður opnuð 25. maí (annan í hvítasunnu) kl. 15:00.Meira -
Maríu var boðið í Varmahlíð í Prins Póló og Appelsín
feykir.is Skagafjörður, Mannlíf, Lokað efni 24.05.2026 kl. 11.13Eitt af stærstu kúabúum í Skagafirði er Kúskerpi í Blönduhlíð. Það reka og eiga María Jóhannsdóttir og maður hennar Einar Halldórsson ásamt sonum tveimur, Sigurði og Halldóri og Kolbrúnu Grétarsdóttur konu hans. 120 mjólkandi kýr eru í fjósi, tveir mjaltaþjónar og framleiðsluréttur u.þ.b. 800.000 lítrar. Nautgripir til manneldis eru um það bil 100. Kornrækt er talsverð. Lítilsháttar sauðfjárrækt og hrossarækt er stunduð að ógleymdri skógræktinni. María er fædd og uppalin á Kúskerpi. Foreldrar hennar voru Sigurlína Magnúsdóttir og Jóhann Lúðvíksson Korshamn en hann var norskur. María er því hálfur Nojari og telur hún að norsku genin hafi reynst henni notadrjúg í lífinu hvað sem það nú þýðir. Blaðamaður Feykis leit við í kaffi hjá Mæju á dögunum og spjallaði við hana um búskapinn og lífið í sveitinni.Meira -
„Ég var ansi ánægð með júgrið sem ég prjónaði á Faxa hérna um árið“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Handverk 24.05.2026 kl. 10.54Berglind Inga Guðmundsdóttir er að mestu uppalin á Sauðárkróki og var í hinum stórkostlega ‘83 árgangi. Berglind er búsett í fjallabæ í Noregi með manni, tveimur börnum og litlum hundi. Hún vinnur sem sérfræðingur hjá Norska heilbrigðisskjalasafninu þar sem sjúkraskrám látinna Norðmanna er komið á stafrænt form, miðlað til rannsókna og þær varðveittar að eilífu.Meira
