Bændamarkaður á Hofsósi á morgun
Á morgun laugardag verður haldinn jólamarkaður í gamla Pakkhúsinu á Hofsósi sem standa mun á milli kl 13-16. Lofað er góðri jólastemningu og glæsilegum varningi í alla staði. Í jólablaði Feykis var viðtal við Sigrúnu Indriðadóttur þar sem hún sagði frá markaðnum sem kominn er til að vera.
Í sumar var haldinn svokallaður bændamarkaður á Hofsósi þar sem bændum var gefinn kostur á að kynna og selja sínar framleiðsluvörur. Tókst það vel til að leikurinn var endurtekinn þrisvar. Nú er ætlunin að opna enn á ný þann 8. desember kl. 13-16 í Pakkhúsinu á Hofsósi. Feykir hafði samband við Sigrúnu Indriðadóttur, sem heldur úti Rúnalist á Stórhóli í Lýtingsstaðahreppi hinum forna og forvitnaðist aðeins um markaðinn.
„Í rauninni stöndum við framleiðendur fyrir Jóla-Bændamarkaðnum, sem vorum í honum í sumar, en við Hildur Magnúsdóttir, framleiðandi Pura Natura , tókum að okkur að halda utan um þetta núna.“
Sigrún segir að fyrsti markaðurinn, sem haldinn var 30. júní á bæjarhátíðin var á Hofsósi, hafi tekist mjög vel, margir gestir sem allir voru mjög áhugasamir og salan góð. Síðan voru haldnir tveir markaðir til viðbótar á Hofsósi, vel sóttir og góð verslun. En svo var markaðurinn fluttur til og settur upp á Sveitasælu, sem haldin var í Reiðhöllinni Svaðastöðum við Sauðárkrók.
„Við framleiðendur viljum endilega halda Bændamarkaðinum áfram. Þjóðminjasafnið hefur gefið vilyrði fyrir húsinu áfram, við erum í rauninni að halda menningarverðmætum á lofti, en upprunalega var pakkhúsið geymsla fyrir matvæli meðal annars. Það að fá að gæða þetta tæplega 250 ára gamla hús lífi á ný er bara dásamlegt og sérstaklega viðeigandi. Matís sem fór af stað með verkefnið er einnig mjög ánægt með árangurinn, Þjóðminjasafnið fyrir lífið í húsinu og framleiðendurnir fyrir tækifærið. Bændamarkaðurinn á Hofsósi er klárlega kominn til að vera og mun bara dafna, verða stærri og flottari,“ segir Sigrún.
Fleiri fréttir
-
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira -
Upplýsingafundur Íslandspósts á Hvammstanga
feykir.is Vestur-Húnavatnssýsla 23.04.2024 kl. 09.36Feykir sagði frá því fyrr í vetur að Íslandspóstur hefði tekið ákvörðun um lokun fimm pósthúsa á landsbyggðinni og fimm útibúa að auki. Byggðarráð Húnaþings vestra mótmælti ákvörðun um að loka pósthúsinu á Hvammstanga en fá að öllum líkindum ekki snúið ákvörðuninni. Nú boðar Íslandspóstur til upplýsingafundar í Félagsheimilinu Hvammstanga mánudaginn 29. apríl kl. 17.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.