Bjarni og Soffía til liðs við knattspyrnudeild Tindastóls
feykir.is
Skagafjörður, Íþróttir
03.09.2025
kl. 14.45
Bjarni Stefán Konráðsson og Soffía Helga Valsdóttir. MYND FACEBOOK
Í tilkynningu frá barna og unglingaráði knattspyrnudeildar Tindastól segir að nú hafi borist liðsauki við það frábæra fólk sem fyrir starfar við deildina en það eru þau Bjarni Stefán og Soffía Helga sem eru mætt aftur í fjörðinn og kominn til starfa.
Bjarni Stefán Konráðsson er snúinn aftur á heimaslóðir og mun gegna hlutverki yfirþjálfara þar sem hann ætlar að miðla þeirri miklu reynslu sem hann hefur öðlast í í gegnum tíðina í sínum störfum. Bjarni hefur áratugareynslu af þjálfun, stefnumótun og ráðgjöf fyrir knattspyrnufélög vítt og breitt um landið auk þess sem hann hefur starfað fyrir KSÍ svo eitthvað sé nefnt.
Þá hefur Soffía Helga Valsdóttir, sem einnig er snúin aftur í Skagafjörðinn, verið ráðin í hlutastarf á skrifstofu barna-og unglingaráðs, þar sem hún mun hafa umsjón með samskiptum, upplýsingagjöf og Abler svo eitthvað sé nefnt. Soffía hefur víðtæka starfsreynslu og verður kærkomin viðbót í starfsmannahóp barna-og unglingaráðs.
Eins og áður hafði verið kynnt þá hefur Rabbý látið af störfum sem yfirþjálfari til að einbeita sér frekar að þjálfun einstakra flokka, auk þess sem hún mun hafa umsjón með styrktarþjálfun og sinna sérverkefnum.
Knattspyrnudeildin vill minna á að samskipti og upplýsingar vegna æfinga eða málefna sem snúa að einstaka flokkum skal beina til þjálfara flokksins í gegnum Abler. Einnig er hægt að senda okkur tölvupóst á fotbolti.unglingarad@tindastoll.is og að lokum viljum þau minna á að dagana 1.-12. sept. er frítt fyrir alla krakka að prófa að mæta á æfingar í fótboltanum. Allir krakkar eru boðin velkomin og tekið er sérstaklega vel á móti nýjum iðkendum!
Fleiri fréttir
-
Stefnt á að vegaframkvæmdum í Hjaltadal verði lokið fyrir mánaðamót
feykir.is Skagafjörður, Lokað efni 03.09.2025 kl. 14.26Um mitt sumar ákvað ríkisstjórnin að spýta í lófana varðandi vegaframkvæmdir og meðal annars lofaði Eyjólfur Ármannsson innviðaráðherra að ráðist yrði í lagfæringar á veginum í Hjaltadal í Skagafirði sem var að margra mati hreinlega hættulegur. Átti framkvæmdum að vera lokið áður en Landsmót hestamanna yrði flautað á næsta sumar. Feykir spurðist í morgun fyrir um hvort einhver hreyfing væri á málum og sagði Stefán Öxndal Reynisson, vegtæknir hjá Vegagerðinni á Sauðárkróki að sannarlega væri komin hreyfing á málin.Meira -
Straumlaust verður sólarhring fyrr en áður var auglýst
feykir.is Austur-Húnavatnssýsla 03.09.2025 kl. 13.30Rarik hefur flýtt áður auglýstu straumleysi í stórum hluta Húnabyggðar og á Skagaströnd, sem vera átti frá klukkan 23:00 fimmtudaginn 4. september og til 05:00 föstudaginn 5. september, um sólarhring.Meira -
Nóg um að vera hjá Skagfirðingasveit og nýr formaður
feykir.is Skagafjörður, Lokað efni 03.09.2025 kl. 11.15Það var nóg um að vera hjá björgunarsveitinni Skagfirðingasveit um helgina en helgin hófst á afmælishátið sveitarinnar sl. föstudag. Upphaflega planið var þó að halda hátíðina í vor en vegna veikinda varð lítið úr störfum afmælisnefndar og því frestaðist viðburðurinn. Daginn eftir afmælisveisluna hélt sveitin svo með veltibílinn á Sveitasæluna í reiðhöllina Svaðastaði við mjög miklar vinsældir gesta sælunnar.Meira -
Haustþing leikskólastarfsmanna á Norðurlandi vestra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 03.09.2025 kl. 09.15Haustþing starfsfólks leikskóla á Norðurlandi vestra var haldið á Blönduósi þann 29. ágúst síðastliðinn. Þingið er haldið annað hvert ár og nú var komið að leikskólastjórum leikskóla í Húnavatnssýslum að halda þingið með dyggri aðstoð Farskólans. Þingið sóttu alls um 116 starfsmenn leikskólanna.Meira
