Bókakaffi, spiladagar og lestrarátak á bókasafninu á Blönduósi
Í júlímánuði verður bryddað upp á skemmtilegum nýjungum á Hérðasbókasafni A-Húnaavatnssýslu á Blönduósi í því skyni að lífga upp á sumarið.
Á mánudögum verða „bókakaffi-dagar“. Þá er hægt að líta við og kynna sér nýútkomnar og valdar bækur milli kl. 16:00 og 18:00 og fá sér kex og kaffi meðan gluggað er í bækurnar.
Á þriðjudögum og fimmtudögum er lestrarátak þar sem börn á öllum aldri geta sótt stimplapassa á bókasafnið og fá þau svo stimpil fyrir hverja bók sem þau skila þessa daga. Með þessu móti er hægt að vinna sér inn verðlaun (það er skilyrði að lesa bækurnar til að fá stimpil og eru foreldrar hvattir til að aðstoða við lesturinn eða lesa fyrir börnin). Lestrarátakið mun standa út ágústmánuð.
Á miðvikudögum verða „spiladagar“. Þá verður kynnt nýtt spil í hverri viku kl. 16:30 og gefst gestum tækifæri til að prófa spilin og spila önnur spil á eftir.
Sumardagskráin stendur út júlímánuð og er fólk hvatt til að fylgjast með á Facebooksíðu safnsins, Héraðsbókasafn A-Hún, en þar verður nánar sagt frá uppákomum hverju sinni.
Opnunartímar safnsins eru á mánudögum, miðvikudögum og fimmtudögum kl. 14:00-18:00 og á þriðjudögum kl. 10:00-16:00.
Héraðsbókasafn Austur-Húnavatnssýslu er staðsett að Hnjúkabyggð 30 á Blönduósi.
Forstöðumaður safnsins er Katharina Angela Schneider.
Netfang safnsins er bokasafn@blonduos.is og síminn er 452 4415
Fleiri fréttir
-
Flóðin tóku með sér hreiður og egg
feykir.is Skagafjörður, Lokað efni 09.05.2025 kl. 15.40Einar Ó. Þorleifsson náttúrufræðingur var staddur í Skagafirði við rjúpnatalningar í Hegranesi og líka talningar á vatnafuglum (öndum, álftum, gæsum, himbrim, flórgoða) í gær fimmtudag og sagði í samtali við Feyki að ansi margt hefði farið í gegnum hugann þegar hann sá þessi miklu flóð sem nú eru í Skagafirðinum og eru að hafa áhrif á ansi margt.Meira -
æææææjjjiiiiii og allir komnir á sumardekkin er það ekki....
feykir.is Skagafjörður, Austur-Húnavatnssýsla, Vestur-Húnavatnssýsla 09.05.2025 kl. 12.08Veðurstofan hefur gefið út gula veðurviðvörun á Norðurlandi vestra í dag vegna élja, einkum á fjallvegum. Í dag verður suðvestanátt 8-15 m/s og slydda eða snjóél, t.d. á Holtavörðuheiði. Lítið skyggni getur verið í éljum og krapi og hálkublettir geta myndast á vegum. Því er æskilegt að bílar séu búnir til vetraraksturs. Viðvörunin gildir til miðnættis.Meira -
Umhverfisverðlaun Skagastrandar
feykir.is Austur-Húnavatnssýsla, Vestur-Húnavatnssýsla 09.05.2025 kl. 11.55Sveitarfélagið Skagaströnd hefur ákveðið að efna til umhverfisverðlauna í sveitarfélaginu. Þá verða þrenn verðlaun veitt og er fólk hvatt til þess að taka höndum saman og gera fallega bæinn enn fallegri.Meira -
Truflanir á afhendingu á hitaveituvatni á Sauðárkróki og Skarðshreppi
feykir.is Skagafjörður 09.05.2025 kl. 11.18Í tilkynningu frá Skagafjarðarveitum segir að vegna endurbóta á virkjunarsvæði í Borgarmýrum verður truflun á afhendingu hitaveituvatns frá kl. 16:00, mánudaginn 12. maí og fram eftir nóttu. Búast má við að efri hluti Túnahverfis og Hlíðarhverfis verði vatnslaus á meðan unnið er, en reynt verður að hafa rennsli á neðri bænum. Vinsamlegast munið eftir að loka fyrir krana á töppunarstöðum og huga að dælum fyrir upphitun í gólfhita- og bílaplönum.Meira -
Met þátttaka á Umhverfisdegi Fisk Seafood
feykir.is Skagafjörður, Mannlíf 09.05.2025 kl. 09.29Umhverfisdagur FISK Seafood var haldinn laugardaginn 3. maí síðastliðinn í frábæru veðri. Markmið þessa dags er að sameinast í útiveru með fjölskyldu og vinum með það að markmiði að fegra nærumhverfið og í leiðinni að styðja við það frábæra íþróttastarf sem fer fram í Skagafirði. FISK hét því að greiða fyrir hvern þátttakanda 12.000 kr. sem myndu renna til þess skagfirska íþróttafélags/deildar sem þátttakandi óskaði eftir. Í tilkynningu sem kom frá Fisk Seafood segir að enn eitt metið hafi verið slegið í ár þ.e. að alls mættu 927 einstaklingar fyrir 16 aðildafélög og/eða deildir innan UMSS í Skagafirði til að plokka og í heildina var 21.4 tonn af rusli tínt upp þennan daginn.Meira
