Breyting á útsendingu hitaveitureikninga hjá Skagafjarðarveitum
Skagafjarðarveitur hafa ákveðið að hætta að senda út hitaveitureikningana á pappírsformi og einnig rafrænni birtingu í heimabanka. Í stað þess munu Skagafjarðarveitur birta alla hitaveitureikninga á „Mínum síðum“ sem eru aðgengilegar á heimasíðu Skagafjarðarveitna „skv.is“ og í íbúagátt Svf. Skagafjarðar á heimasíðunni „skagafjordur.is“ ásamt því að krafa stofnast í heimabanka.
Í tilkynningu frá Veitunum segir að þegar komið er inn á Skv.is er hnappur sem heitir MÍNAR SÍÐUR ORKA og í íbúagáttinni er hnappurinn MÍNAR SÍÐUR ORKA undir flipanum „GJÖLD“. Þegar smellt er á þessa hnappa kemst viðskiptavinurinn á Mínar síður þar sem reikningarnir eru vistaðir.
MÍNAR SÍÐUR ORKA eru nú þegar virkar og þar hægt að sjá hitaveitureikninga, hreyfingaryfirlit, viðskiptastöðu og notkun og þar er einnig hægt að skrá álestur.
Þeir viðskiptavinir sem eru 70 ára og eldri og hafa fengið reikninga senda til sín í pósti fá þá áfram senda heim til sín.
Sjáðu yfirlit yfir notkun á þínu heimili
Inn á MÍNUM SÍÐUM ORKA er auðvelt að fylgjast með notkun heimilisins með því að skrá álestur og mynda þannig álestrasögu. Bæði er hægt að senda inn eftirlitsálestur sem hefur ekki áhrif á áætlun, eða uppgjörsálestur og greiða þá fyrir raunnotkun t.d. mánaðarlega eða eftir ákveðnum tímabilum.
Það er mikið öryggi í því að fylgjast vel með notkuninni, til að koma í veg fyrir umfram eyðslu með tilheyrandi kostnaði.
Náttúran nýtur vafans
Með þessum breytingum eru Skagafjarðarveitur að nýta sér tækni nútímans til að spara pappír, sendingar- og birtingarkostnað, og auka þjónustu við viðskiptavini sína sem kaupa heitt vatn eftir mæli og munu nú geta fylgst betur með notkun sinni.
Fleiri fréttir
-
Allir að róa í sömu átt
feykir.is Skagafjörður, Íþróttir, Lokað efni 06.05.2025 kl. 15.38Í gærkvöldi varð ljóst hverjir andstæðingar Tindastóls verða í einvíginu um Íslandsmeistaratitilinn í körfunni. Þá áttust Stjarnan og Grindavík við í oddaleik en leikir liðanna höfðu verið æsispennandi og það varð engin breyting á því í gær. Það var lið Stjörnunnar sem hafði betur eftir dramatík í lokin. Fyrsti leikurinn í einvígi Tindastóls og Stjörnunnar verður í Síkinu á fimmtudaginn.Meira -
Háholt er ekki heldur inni í myndinni hjá Guðmundi Inga
feykir.is Skagafjörður, Lokað efni 06.05.2025 kl. 13.24Ráðherra barnamála, Guðmundur Ingi Kristinsson, er á sömu skoðun og fyrrverandi barnamálaráðherra, Ásthildur Lóa Þórsdóttir, varðandi vistun barna í Háholti í Skagafirði og telur Háholt ekki koma til greina sem meðferðarheimili fyrir börn. Í frétt á vef RÚV segir að neyðarvistun, afplánun og gæsluvarðhald verði áfram á Stuðlum.Meira -
Söngskemmtun á Löngumýri
feykir.is Skagafjörður, Austur-Húnavatnssýsla, Vestur-Húnavatnssýsla 06.05.2025 kl. 08.28Sönghópur félags eldri borgara í Skagafirði heldur söngskemmtun á Löngumýri í Skagafirði sunnudaginn 11. maí 2025 kl. 15:00. Aðgangur kr. 3.000,- enginn posi. Verið velkomin. StjórninMeira -
Grunnskóli Húnaþings vestra í úrslit
feykir.is Skagafjörður, Vestur-Húnavatnssýsla, Lokað efni 05.05.2025 kl. 15.27Það má segja að mjótt hafi verið á munum þegar Grunnskóli Húnaþings vestra sigraði í sínum riðli í Skólahreysti í síðustu viku. Lið skólans hlaut 42 stig og komst áfram í úrslit Skólahreystis.Meira -
Umhverfisdagur á Skagaströnd 8. maí
feykir.is Austur-Húnavatnssýsla, Mannlíf, Lokað efni 05.05.2025 kl. 15.21Fimmtudaginn 8. maí kl. 16:00 - 18:00 ætla Skagstrendiingar að taka saman höndum og týna rusl í bænum sínum. „Við ætlum að hittast í áhaldahúsinu þar sem skipað verður í leitir (ruslaleitir) og afhentir pokar. Allir sem vettlingi geta valdið, fullorðnir sem börn, eru hvattir til að koma og taka þátt,“ segir í skilaboðum frá Helenu Mara, Sigríði Björk og Gígju Heiðrúnu á vef Skagastrandar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.