Tengill styrkir stöðu sína á Eyjafjarðarsvæðinu
Tengill hefur keypt Ljósgjafann á Akureyri. Frá þessu segir á Akureyri.net en þar staðfestir Gísli Sigurðsson framkvæmdastjóri Tengils kaupin en tekur fram að viðskiptin hafi verið send til umsagnar hjá Samkeppniseftirlitinu, sem þarf að staðfesta kaupin. Á heimasíðu Ljósgjafana segir að Ljósgjafinn ehf. búi yfir áratuga reynslu í öllu því sem snýr að rafmagni og raftæknibúnaði og þjónusti bæði fyrirtæki og einstaklinga á Eyjafjarðarsvæðinu af metnaði og alúð.
Starfsmenn Ljósgjafans eru liðlega tuttugu og velta félagsins á síðasta ári var um 400 milljónir króna, samkvæmt ársreikningi. Félagið telst vera með sterka stöðu á Eyjafjarðarsvæðinu á sviði raf- og tæknilausna.
Fram kom í frétt Feykis í júlí að hjá Tengli starfa að jafnaði um 100 manns og er félagið með starfsstöðvar á Sauðárkróki, Blönduósi, Hvammstanga, Akureyri, Reykjavík og í Þorlákshöfn en í fréttinni var verið að segja frá opnun útibúsins þar. Velta Tengils á síðasta ári var nærri 1,8 milljarðar króna, samkvæmt ársreikningi.
„Með þessum kaupum sjáum við ýmis sóknarfæri enda er hér um að ræða tvö öflug fyrirtæki með afar hæft starfsfólk á sínu sviði. Bæði eru þessi fyrirtæki rótgróin og hafa þjónustað breiðan hóp viðskiptavina við fjölbreytt og krefjandi verkefni. Þessi kaup styrkja reksturinn án efa. Ég hlakka því til að byggja upp enn frekari starfsemi á Akureyri. Sóknarfærin liggja sannarlega víða,“ segir Gísli í samtali við Akureyri.net og tekur einnig fram að öllum starfsmönnum Ljósgjafans verði boðið að starfa áfram gangi kaupin eftir.
Fleiri fréttir
-
Ég myndi keppa við Indriða afa í spretthlaupi
feykir.is Íþróttir, Vestur-Húnavatnssýsla, Lokað efni 24.10.2026 kl. 14.30Íþróttagarpur í síðasta tölublaði Feykis var Herdís Erla Elvarsdóttir sem verður 14 ára 29. desember n.k. og er búsett á Hvammstanga. Hestamennskugen standa að Herdísi í báðar ættir en foreldrar hennar eru Fanney Dögg Indriðadóttir frá Grafarkoti í vestur Hún. og Elvar Logi Friðriksson frá Varmalæk í Skagafirði. Herdís Erla hefur því alist upp með hestum og er núna farin að láta að sér kveða á keppnisvellinum.Meira -
Starfsmenn LNV leggjast gegn sameiningu lögregluembætta
feykir.is Skagafjörður, Austur-Húnavatnssýsla, Vestur-Húnavatnssýsla 24.10.2026 kl. 14.15Samkvæmt frétt á vef RÚV hafa starfsmenn Lögreglustjórans á Norðurlandi vestra skilað inn umsögn um frumvarp til laga um breytingar á lögreglulögum. Þar kemur fram að þeir leggjast gegn þeim hugmyndum um sameiningu og skipulag lögregluembætta sem birtast í frumvarpsdrögum. Það er mat starfsmanna að ekki hafi verið sýnt fram á nauðsyn þess að fækka lögregluembættum úr níu í þrjú eða að fyrirhuguð sameining muni bæta löggæslu á Norðurlandi vestra.Meira -
Stórskemmtileg sýning í Laugardalshöllinni
feykir.is Skagafjörður, Ljósmyndavefur, Mannlíf, Lokað efni 24.10.2026 kl. 11.26Stórsýningin Íslenskur landbúnaður 2026 var haldin í Laugardalshöll-inni í Reykjavík 9.-11. október 2026. Feykir komst ekki hjá því að uppgötva að Króksarinn Benedikt Rúnar Egilsson (sem flestir þekkja sem Benna í Bílabúðinni þó hann vinni þar ekki lengur) væri einn af þeim aðilum sem ætlaði að kynna vörur og þjónustu á sýningunni. Á leiðinni suður bárust honum því skilaboð þar sem hann var spurður hvort hann gæti tekið að sér að smella myndum af sýningunni fyrir Feyki og ekki síst ef hann rækist á kunnugleg andlit. Það reyndist sjálfsagt mál og þegar myndirnar bárust í tugatali þá varð ekki hjá því komist að spyrja hann aðeins út í bissnesinn og sýninguna.Meira -
Tölum saman | Leiðari 40. tölublaðs Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.10.2026 kl. 17.12Leiðarinn er skrifaður á sunnudagskvöldi og suðvestanvindurinn gnauðar á herbergisglugganum. Það er búið að vera hvasst í allan dag og verður það væntanlega eitthvað áfram. Og mikið lifandi skelfing er rokið nú leiðinlegt.Meira
