Brotthvarf Áskels Heiðars vegna skipulagsbreytinganna
Áskell Heiðar Ásgeirsson sem stýrt hefur Markaðs- og þróunarsviði hjá Sveitarfélaginu Skagafirði frá árinu 2003 lítur svo á að honum hafi verið sagt upp störfum hjá Sveitarfélaginu þegar ákveðið var að fara í skipulagsbreytingar í sumar. Hann er óánægður með hvernig staðið var að þessum skipulagsbreytingum þó hann hafi fullan skilning á því að hagræðingar væri þörf.
Áskell Heiðar reiknar með því að setjast á skólabekk og reyna að uppfæra heilabúið og bæta við þekkingu og þroska, eins og hann kemst að orði en þegar því líkur veit hann ekkert hvað tekur við, en það verður örugglega skemmtilegt.
Er tilviljun að þú hættir nú hjá sveitarfélaginu eða hefur uppsögn þín eitthvað með aðgerðir hennar og uppsagnir á launaliðum starfsmanna að gera?
-Já mitt brotthvarf héðan er bein afleiðing af þessum skipulagsbreytingum, ég fékk símtal í mínu sumarfríi þar sem mér var tilkynnt að búið væri að leggja niður mitt starf og mitt svið, síðar fékk ég bréf þar sem mér var boðið upp á að taka þessar breytingar sem uppsögn á mínum ráðningarsamningi, eða hlíta þeim, ég ákvað að líta á þær sem uppsögn. Mín óánægja snýr fyrst og fremst að því hvernig staðið var að þessum skipulagsbreytingum, en það var gert án alls samráðs við mig og að ég held aðra stjórnendur hér. Ég hef fullan skilning á því að það þarf að hagræða og ég er ekki hafin yfir það, en ég kann ekki við þessi vinnubrögð og auk þess hef ég ákveðnar efasemdir um að þessar breytingar séu skynsamlegar gagnvart þeim málaflokkum sem ég hef stýrt.
Hversu lengi hefur þú unnið hjá sveitarfélaginu?
-Ég byrjaði 1. apríl 2003 þannig að þetta eru rúm níu ár.
Hvað er minnisstæðast að þínu mati ef þú lítur um öxl varðandi starf þitt hjá sveitarfélaginu?
-Þetta er búinn að vera frábær tími og mjög margt skemmtilegt og minnisstætt. Allir þeir menningarviðburðir sem ég hef komið að því að skipuleggja, atvinnulífssýningarnar tvær og margt væri hægt að nefna. Vinnan við Rammaskipulagið fyrir Sauðárkrók og íbúaþingið sem við héldum er líka minnistætt og ég hef verið svo heppinn að fá að vinna hér með fullt af frábæru fólki og kynnast frábæru fólki út um allt í mínu starfi.
Eitthvað sem þú vilt koma á framfæri?
Bara þökkum til þeirra sem ég hef kynnst og unnið með á þessum tíma, það er það sem er efst í huga í dag.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
