Dögun á landsbyggðaflakki
Dögun, stjórnmálasamtök, gera nú víðreist um landsbyggðina á gamalli ráðherrarútu sem gerð hefur verið upp og sérútbúin til útbreiðslu fagnaðarerinda. Í ferðinni munu liðsmenn Dögunar kappkosta við að kynna nýja stjórnarskrá og hvetja sem flesta til að mæta á kjörstað þann 20. október nk. Ráðherrarútan verður á Sauðárkróki þann 26. september og samkvölda flautað til fundar á Kaffi Króki, klukkan 20. Molasopi í boði og allir velkomnir.
Rútumálaráðherra er hinn kunni kosningasmali, Guðmundur Jón Sigurðsson, og að sögn Lýðs Árnasonar sem situr í framkvæmdaráði hreyfingarinnar hafa margir gist þinggeymzlur fyrir hans tilstilli. Hann segir fleiri áhugamenn um nýja stjórnarskrá verða með í för og má þar nefna Þorvald Gylfason, Sigurjón Þórðarson og Skerjafjarðarskáldið, Kristján Hreinsson.
Þingmenn Hreyfingarinnar, sem einnig eru í Dögun, verða innanborðs og í aftaníkerru stjórnlagaráðsmennirnir Lýður Árnason og Gísli Tryggvason.
-Þetta er því einvala lið enda munu samkomur Dögunar bjóða upp á bæði líf og yndi. Fólk er því hvatt til að fylgjast með rútunni og láta í sér heyra á fundum, segir Lýður.
Fleiri fréttir
-
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira -
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira
