Drottning stóðrétta um næstu helgi
Viðamikil dagskrá fer að venju fram í tengslum við Laufskálarétt, drottningu stóðrétta landsins, en réttað er laugardaginn 27. september nk. Á vef Svf. Skagafjarðar kemur fram að gleðin hefjist föstudaginn 26. september með stórsýningu og skagfirskri gleði í reiðhöllinni Svaðastöðum kl. 20:30.
Í reiðhöllinni verður boðið upp á hressandi sýningu með flinkum knöpum og góðum hestum, m.a. Króki frá Dalbæ sem er með 10 fyrir skeið. Samkvæmt vefnum verður grín og söngur. Þá mun skeiðhesturinn mikli Fróði frá Laugabóli og Árni Björn Pálsson mæta og Skíma frá Kvistum sýna sig. Þrautakeppnin og skeiðkeppnin eru svo á sínum stað.
Í skeiði eru vegleg verðlaun í boði. Sigurvegarinn fær 50 þús., annað sætið gefur 30 þús. og þriðja sætið 20 þús. Gefendur verðlauna eru Ólafshús, Hótel Tindastóll og Miðgarður. Höllin opnuð kl. 20:00, miðaverð kr. 2000.- „Það verður kátt í höllinni þetta kvöld!“ segir á vefnum.
Réttardagskrá í Laufskálarétt í Hjaltadal hefst með því að stóðið verður rekið úr Kolbeinsdal til Laufskálaréttar uppúr kl. 11:30. Réttarstörf hefjast kl. 13:00. Þátttakendum við stóðrekstur úr Kolbeinsdal er bent á að mæta við Laufskálarétt eða við hesthúsið Ástungu kl. 10:00, á laugardagsmorgunn.
Bækling með dagskránni er hægt að nálgast hér.
Stærsta réttarball norðan heiða
Laufskálaréttarball 2014 verður haldið í Reiðhöllinni Svaðastöðum og hefst það kl. 23. Hljómsveitin Von ætlar að stíga á svið ásamt landsliði söngvara: Matti Matt, Ingó veðurguð og Ernu Hrönn. Einnig kemur fram unga og efnilega hljómsveit kvöldsins með Sigvalda Gunnars í broddi fylkingar.
Miðaverð er kr. 3500. og er forsala aðgöngumiða hjá N1 á Sauðárkróki. Tekið er fram að engin bjórsala verður á staðnum. Aldurstakmark er 16 ár.
Fleiri fréttir
-
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira -
Murr með sigurmark Fram í uppbótartíma
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 23.05.2025 kl. 20.15Þetta hefur verið erfið vika fyrir stuðningsfólk Tindastóls. Tveir tapleikir í röð gegn Stjörnunni í körfunni og í kvöld máttu Stólastúlkur þola enn eitt tapið. Og ekki eru lokamínúturnar að standa með okkur því það lið Fram gerði eina mark leiksins örfáum sekúndum fyrir leikslok og til að bæta gráu ofan á svart var það sjálf Murr sem setti boltann í markið þegar allt leit út fyrir jafntefli. Lokatölur 1-0.Meira -
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira
