Einar Haukur vill gerast atvinnumaður í golfi
Skagfirski golfarinn Einar Haukur Óskarsson stefnir að atvinnumennsku í golfi í haust í Svíþjóð. Einar Haukur er fæddur og uppalinn á Sauðárkróki þar sem hann hóf sinn golfferil undir leiðsögn Árna Jónssonar golfkennara.
Árna varð fljótt ljóst að hér var upprennandi afburðamaður á ferðinni og hvatti Einar snemma til að velja á milli knattspyrnu og golfs. Golfið varð fyrir valinu.
Einar hefur eytt mestum tíma sínum á golfvelli frá því hann var 12 ára gamall, bæði sem kylfingur og starfsmaður. Einar lærði golfvallarfræði í Skotlandi og vann sem golfvallarstjóri til margra ára ásamt því að æfa og spila golf.
Einar hefur sýnt mikla hæfileika í golfíþróttinni, verið í fremstu röð kylfinga á landinu að undanförnu og er tvímælalaust besti norðlenski kylfingurinn um þessar mundir. Í sumar hefur hann verið meðal efstu manna á fjölmörgum golfmótum, m.a. í mótaröð Eimskipafélagsins, en þar varð hann í öðru sæti á næstsíðasta stigamótinu og bar sigur úr býtum á því síðasta, enda er forgjöfin komin niður fyrir núllið eins og að var stefnt.
Í framhaldi af þessu ætlar hann að reyna fyrir sér í atvinnumennsku í Svíþjóð, en hann er að flytja þangað með fjölskyldu sinni nú í haust. Hann hefur þegar fengið atvinnumannaréttindi en á næstu vikum er framundan mikil og kostnaðarsöm barátta við að komast í gegnum úrtökumót þar sem hart er tekist á um hvert sæti sem gefur þátttökurétt á mótum atvinnumanna á komandi leiktíð.
Þeir sem vilja hlaupa undir bagga og styrkja þennan frábæra kylfing, sem gæti orðið fulltrúi Norðurlands í atvinnumennskunni og fyrirmynd fyrir unga norðlenska golfara, er bent á að hægt er að leggja inn á reikning 0130-15-382924, kt. 051182-4999. Og munið að margt smátt gerir eitt stórt.
Fleiri fréttir
-
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira -
Sundlaugin á Hofsósi opnar klukkan fjögur í dag
feykir.is Skagafjörður, Mannlíf 25.06.2025 kl. 14.23Vakin er athygli á því að sundlaugin á Hofsósi er lokuð í dag, miðvikudaginn 25. júní, fram til kl. 16:00 vegna námskeiðs starfsmanna. Opnunartíminn verður því frá kl. 16:00 - 20:00.Meira -
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira
