Eivør byrjar útgáfutónleikaferðalag sitt á Gærunni
Eivør hefur útgáfutónleikaferðalag sitt á tónlistarhátíðinni Gærunni sem haldin verður á Sauðárkróki 23. – 25. ágúst. Þetta kemur fram í viðtali við skipuleggjendur Gærunnar í nýjasta tölublaði Feykis sem kom út í dag.
Breiðskífan „Room“ kemur út þann 21. ágúst nk. í kjölfarið fer Eivør Pálsdóttir í tónleikaferðalag sitt og spilar á nokkrum stöðum á Íslandi, Danmörku, Sviss og loks í Færeyjum.
Í Feyki segir Stefán Friðrik Friðriksson, einn skipuleggjandi Gærunnar, frá því hvernig það atvikaðist að Eivør kemur til með að hefja tónleikaferðalag sitt á hátíðinni þegar SSNV atvinnuþróun bauð þeim taka þátt í ráðstefnu í Færeyjum.
„Þar var einnig fólk sem stendur að G-festival hátíðinni í Færeyjum og ég hitti umboðsmann Eivarar. Við áttum saman gott spjall og hún sagði mér að Eivør væri að gefa út plötu og það þróaðist þannig að hún ætlar að hefja túrinn á Gærunni,“ segir Stefán í Feyki.
Samkvæmt heimasíðu Eivarar sótti hún innblástur fyrir efnið í nýju plötuna í æsku sína, ástir og tómleikann sem ástvinamissir skilur eftir í hjartanu en hún missti föður sinn í fyrra.
Hér má hlusta á fyrsta smáskífu af plötunni „Room“.
http://www.youtube.com/watch?v=Bi5bitI7DpA&feature=player_embedded
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
