Uppfærðar reglur um sérstaka hvatapeninga til barna í Skagafirði
Á vefsíðu Skagafjarðar kom fram að sveitarfélagið Skagafjörður hefur staðfest nýjar reglur um úthlutun sérstakra hvatapeninga sem ætlað er að styðja við þátttöku barna í íþrótta- og tómstundastarfi. Markmið reglnanna er að auka jöfnuð og tryggja að börn frá tekjulágum heimilum hafi jafnan aðgang að skipulögðu frístundastarfi.
Samkvæmt reglunum geta börn á aldrinum 5–18 ára með lögheimili í Skagafirði átt rétt á sérstökum hvatapeningum, að uppfylltum tekjuviðmiðum. Við mat á umsóknum er horft til heildartekna foreldra eða forráðamanna síðustu þriggja mánaða, auk upplýsinga úr nýjasta skattframtali. Tekjuviðmið eru þau sömu og notuð eru við veitingu viðbótarniðurgreiðslna vegna dvalargjalda. Styrkurinn nemur allt að 20.000 krónum á hvert barn á ári og er ætlaður til að mæta kostnaði við þátttöku í skipulögðu íþrótta- og tómstundastarfi. Skilyrði er að almennir hvatapeningar hafi þegar verið nýttir.
Um er að ræða tímabundið verkefni til tveggja ára og gilda þau til 31. desember 2027.
Umsóknir um sérstaka hvatapeninga skulu berast í gegnum Íbúagátt Skagafjarðar.
Umsóknarfrestur er til 31. desember ár hvert og miðast við að viðkomandi starf hafi farið fram innan sama árs.
Fleiri fréttir
-
Umhverfisverðlaun Húnabyggðar 2026
feykir.is Austur-Húnavatnssýsla 13.07.2026 kl. 15.09Nú blómstra garðar eins og enginn sé morgundagurinn. Í Húnabyggð eru Umhverfisverðlaun veitt sem viðurkenning til einstaklinga fyrir fallega og vel hirta garða og fyrir snyrtilegt umhverfi. Umhvefisnefnd Húnabyggðar óskar eftir ábendingum um hverjir eiga að hljóta viðurkenninguna en veittar eru viðurkenningar fyrir garða eða umhverfi í þéttbýli og í dreifbýli.Meira -
Húnvetningurinn Bára Grímsdóttir er tónskáld mánaðarins
feykir.is Austur-Húnavatnssýsla, Mannlíf, Lokað efni 13.07.2026 kl. 15.06Húnvetningurinn Bára Grímsdóttir er tónskáld mánaðarins hjá Tónlistarmiðstöð Íslands. Bára er í dag eitt af fremstu tónskáldum þjóðarinnar og hefur átt stóran þátt í að miðla íslenskri þjóðlagaarfleifð, bæði hér heima og erlendis.Meira -
Lið 3. flokks kvenna hafnaði í öðru sæti á Barcelona Cup fyrr í sumar
feykir.is Skagafjörður, Íþróttir, Lokað efni 13.07.2026 kl. 10.50Dagana 11.-18. júní voru 3. flokks Stólastúlkur í fótbolta, staddar í Barcelona þar sem þær kepptu á Barcelona Cup. Liðið keppti fjóra leiki í heildina, sem hefðu átt að vera fimm en eitt lið mætti ekki til leiks. Þær stóðu sig ótrúlega vel og enduðu mótið í öðru sæti. Feykir heyrði í Benjamín Jóhannesi Vilbergssyni og fékk hann til að segja frá ferðinni.Meira -
Framkvæmt í Húnabyggð
feykir.is Austur-Húnavatnssýsla 12.07.2026 kl. 22.15Það er mikið framkvæmt í Húnabyggð þetta sumarið og það fer ekki framhjá nokkrum manni sem á annað borð fylgist með Valdimar Guðmannssyni á Facebook – eða Valla í Húnabyggð. Hann er alltaf tilbúinn að halda nafni Húnabyggðar hátt á lofti og því datt Feyki í hug á fimmtudaginn að það væri reynandi að plata hann til að safna saman nokkrum nokkrum myndum og útbúa framkvæmdafrétt. Það þurfti ekki spyrja hann tvisvar.Meira
