Eyþór Ingi verður í stuði í Höfðaborg í kvöld
Bæjarhátíðin Hofsós heim hófst í gær, fimmtudaginn 18. júní, með grillveislu í Höfðaborg. Dagskráin í dag, föstudaginn 19. júní, hefst kl. 16:00 á gönguferð. Seinna í kvöld stígur Eyþór Ingi á svið í Höfðaborg og þar má búast við mikilli stemningu.
Góð mæting var á sameiginlega grillið í gær þar sem íbúar og gestir komu með eitthvað á grillið og íbúarsamtökin Byggjum upp Hofsós og nágrenni buðu upp á meðlæti. Einnig nýtti fólk gærdaginn í að skreyta bæinn.
Á morgun, laugardaginn 20. júní er stöppuð dagskrá en hún hefst á fótboltamóti á Neistavelli kl. 09:30 og henni lýkur ekki fyrr en um kvöldið þegar hljómsveitin Mannamót heldur kúrekaball í Höfðaborg. Nóg er um að vera fyrir alla en svo eitthvað sé nefnt þá verða markaðir í Höfðaborg og á Óslandi, Brúðubíllinn sýnir sýninguna Afmælisveislan, Björnsins brunabangsi og Hvolpasveitin koma í heimsókn og Sigvaldi verður með brekkusöng. Sánuvagn Mæju verður einnig á svæðinu og því er um að gera að bóka sig í gusu.
Á sunnudeginum, 21. júní verður því tekið rólega en hægt er að skrá sig í jóga með Daníel eða fara í Lautarferð. Hátíðinni líkur síðan með helgistund í Grafarkirkju.
Hægt er að segja að skemmtileg helgi sé í vændum á Hofsósi en bæjarhátíðin er hafin og því um að gera að skella sér á Hofsós.
Fleiri fréttir
-
Elín Dögg hefur verið ráðin í starf fjármálastjóra Skagafjarðar
feykir.is Skagafjörður 19.06.2026 kl. 14.06Elín Dögg Väljaots Gunnarsdóttir hefur verið ráðin í stöðu fjármálastjóra Skagafjarðar. Elín Dögg er með BS- og MS-gráðu í viðskiptafræði frá Háskólanum á Akureyri með áherslu á stjórnun og alþjóðlegt rekstrarumhverfi. Í frétt á heimasíðu Skagafjarðar segir að hún hafi víðtæka reynslu á sviði rekstrar, fjármála og stjórnunar og hefur meðal annars gegnt stöðu rekstrar- og fjármálastjóra hjá Dekkjahöllinni, auk þess sem hún var einn eigenda fyrirtækisins.Meira -
Emma Katrín og landslið U19 í badminton á leið á stórmót í Englandi og Ungverjalandi í sumar
feykir.is Skagafjörður, Íþróttir, Aðsendar greinar 19.06.2026 kl. 13.14Fyrr í dag kom fram á Facebook síðu Badmintondeildar Tindastóls að Emma Katrín Helgadottir, badmintonkona frá Badmintondeild Tindastóls, hefur verið valin í U19 ára landslið Íslands í badminton.Meira -
Þjóðhátíðardeginum var vel fagnað
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 19.06.2026 kl. 08.25Þjóðhátíðardagur Íslendinga var haldinn hátíðlegur á miðvikudaginn, 17. júní og haldið var upp á daginn um landið. Margt var um að vera á Norðurlandi vestra en á Blönduósi, Hvammstanga og á Sauðárkróki var haldið upp á daginn með skemmtilegum dagskrám.Meira -
Miðgarður Café hefur opnað í Miðgarði
feykir.is Skagafjörður, Mannlíf, Lokað efni 19.06.2026 kl. 08.09Í gær opnaði Miðgarður Café í Menningarhúsinu Miðgarði í Varmahlíð fyrir gestum en það eru Sigga Jóna og Snorri, húsráðendur í Miðgarði, sem reka kaffihúsið. „Opnunardagurinn gekk virkilega vel, það var rennerí allan daginn og um 100 manns litu við hjá okkur, allir virkilega ánægðir með þetta framtak,“ sagði Sigga Jóna þegar Feykir spurði hvernig gekk.Meira
