Fallið sakar þá minnst sem fljúga lægst
Skagfirðingurinn og hestamaðurinn Ólafur Guðmundsson, eða Óli Katt eins og hann er gjarnan nefndur, til heimilis á Akranesi vann sér inn páskaegg með því að bera sigur úr býtum þegar fulltrúar hestamannafélaganna kepptu í dekkjarallýi á Vesturlandssýningu sem haldin var fyrir skömmu. Ekki vildi betur til en svo að Óli fótbrotnaði í keppninni og má segja að málshátturinn sem fylgdi egginu hafi verið vel við hæfi: Fallið sakar þá minnst sem fljúga lægst.
Óli segir aðspurður um slysið að hann hafi haldið að hann væri tvítugur ennþá og þar af leiðandi jafn fimur og í þá daga. -Málið er að ég var að taka þátt í svokölluðu dekkjaralli sem fólst í því að startað var fjórum hestum og knöpum öðrumegin í höllinni og hinumegin voru þrjú dekk og áttu menn að ríða að dekkjunum. Þar átti að fara af baki og stíga inn í dekk og féll einn út í hverri umferð nema í loka umferðinni varð kappið of mikið hjá mér. Ég var ákveðinn í að vinna svo ég stökk af baki á fullri ferð og lenti bara á hlið en ekki beint áfram svo ég datt á rassinn í dekkið og vann, segir Óli sem tvíbraut á sér ökklann í fallinu með þeim afleiðingum að hann þurfti að fara í aðgerð til að skrúfa ökklann saman. Óli segir keppnisskapið sé aðeins of mikið stundum og líklega tekur hann málsháttinn alvarlega næst þegar hann þarf að flýta sér af baki.
Fleiri fréttir
-
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira
