Fékk mikinn meðbyr í Miðgarði
Snorri Már Snorrason kom við í Menningarhúsinu Miðgarði í Varmahlíð í gær á ferðalagi sínu hringinn í kring um landið en hann ætlar að hjóla hringinn í júní. Hann ákvað að leggja í ferðalagið sem hann kallar „Skemmtiferðin, þín hreyfing – þinn styrkur“ til að minna á gildi líkamsræktar en hann greindist með Parkinson-sjúkdóminn fyrir átta árum.
„Ég er ekki að safna áheitum í formi peninga heldur loforðum ykkar um að þið hreyfið ykkur sjálf. Styrkið mig í minni skemmtiferð með því að hreyfa ykkur meira en þið eruð vön,“ sagði Snorri.
Hópur fólks biðu komu kappans í Miðgarði og tóku á móti honum með lófataki og faðmlögum. „Við skulum segja að ég sé eins og vindþurrkaður þorskur,“ svaraði Snorri aðspurður um líðan sína. Hann hafði þá lokið þriðja degi en ferðin hófst þann 3. júní og ætlar hann að loka hringnum þann 23. júní.
Snorri sagðist hafa fengið mikinn mótbyr sl. tvo daga og lýsti því hvernig hann þurfti að hafa sig allan við að hjóla á móti vindi niður Holtavörðuheiðina á mánudag en hann hjólaði í 10 klukkustundir þann daginn.
Eftir átta og hálfra klukkustunda streð á þriðjudag játaði hann sig sigraðan og keyrði síðasta spölinn frá Blönduósi til Varmahlíðar til að hitta stuðningsmenn sína sem biðu hans þar. Hann segist þó ekki ætla að skorast undan þessum kílómetrum frá Blönduósi til Varmahlíðar, því í dag ætlaði hann að keyra aftur á Blönduós og halda áfram hjólreið sinni þaðan. „En næst á dagskrá er heit sturta og svefn,“ sagði Snorri en hann fékk næturgistingu á Syðstu-Grund í Blönduhlíð.
Ólíkt veðrum og vindum mætti Snorri miklum meðbyr í Miðgarði en ásamt þeim Skagfirðingum sem tóku þar á móti honum, lögðu nokkrir stuðningsmenn hans frá Parkinsonsamtökunum á Íslandi leið sína að sunnan. Þar á meðal var Hrönn Ágústsdóttir ráðgjafi hjá samtökunum.
„Það er svo gaman að sjá hve framtakinu hefur verið vel tekið. Snorri er öðrum mikil fyrirmynd. Hann einblínir alltaf á það sem hann getur en ekki það sem hann getur ekki,“ segir hún.
Hægt er að fylgjast með Snorra á ferð hans hringinn í kringum landið og hvetja hann til dáða á facebook-síðu hans undir nafninu: Skemmtiferðin.
Hér eru nokkrar myndir frá hittingnum í Miðgarði í gær.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
