Fjaran uppspretta ævintýra
Fjaran neðan Sauðárkróks er mikið gengin af bæjarbúum enda greiðfær og falleg. Í góðu veðri er útsýnið „gargandi snilld“ eins og einhver orðaði það og ýmislegt sem rekur upp á fjörusandinn. Síðasta sunnudag gekk fólk fram á furðufisk sem lá í fjöruborðinu, langur og flatur og þriggja kílómetra lína af krabbadýrum vakti athygli fjörulalla.
Ljós lína náði fjöruna endanna á milli, frá Króknum og niður að Vesturós.
Fiskurinn sem um er talað mun vera vogmær. Samkvæmt Vísindavefnum getur hún orðið nokkuð stór eða um 3 metrar á lengd. Heimkynni hennar eru í Norðaustur-Atlantshafi og virðist vera algeng allt í kringum Ísland, nema undan ströndum Norðausturland og Austurlands. Vogmær finnst undan ströndum Noregs, í Norðursjó og umhverfis Bretlandseyjar og allt suður til Madeira.
Ljósátan er smávaxið krabbadýr sem heldur sig í efstu lögum sjávar.
Ljós lína í fjörunni sem teygði úr sér allt frá upphafi sandfjörunnar við Krókinn og niður að Ósbrú reyndist vera þegar að var gáð lítil krabbadýr sem blaðamanni þykir líklegt að sé ljósáta.
Ljósáta er smávaxið krabbadýr sem heldur sig í efstu lögum sjávar. Helsta fæða hennar eru sviflægir þörungar en sjálf er ljósátan mikilvægasta fæða margra tegunda ofar í fæðukeðjunni svo sem fiska og ekki síst hvala en hinar ýmsu tegundir ljósátu eru meðal lykilfæðutegunda flestra reyðarhvala (Balaenopteridae).
Eins og sést á meðfylgjandi myndbandi var nokkuð líf í ljósátunni sem beið eftir því að yfirborð sjávar hækkaði á ný.
Tengdar fréttir:
Rekinn í fjörunni
https://www.youtube.com/watch?v=zV2bhZLQd58
Fleiri fréttir
-
Vignir Vatnar varð Íslandsmeistari í skák
feykir.is Austur-Húnavatnssýsla, Íþróttir, Lokað efni 22.06.2025 kl. 17.10Æsispennandi Íslandsmóti í skák lauk í gær á Blönduósi með sigri Vignis Vatnars Stefánssonar, stórmeistara í skák, og hann stóð því uppi sem Íslandsmeistari í skák með sex og hálfan vinning að loknum átta umferðum. Fyrir lokaumferðina voru fjórir skákmenn efstir og jafnir með 5,5 vinning.Meira -
Vogamenn buðu upp á dýfu á Vogaídýfuvelli
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 22.06.2025 kl. 13.58Leikið var á Vogaídýfuvellinum í Vogum á Vatnsleysuströnd í gær í 2. deildinni en þar mættust heimamenn í Þrótti og lið Kormáks/Hvatar. Heimamenn náðu forystunni rétt fyrir hálfleik en einum fleiri jöfnuðu Húnvetningar áður en heimamenn stálu stigunum með sigurmarki þegar langt var liðið á uppbótartíma. Lokatölur 2-1.Meira -
Vaskir Stólar í veseni í Vesturbænum
feykir.is Skagafjörður, Íþróttir, Lokað efni 22.06.2025 kl. 12.03Tindastólsmenn léku við lið KV á KR-vellinum í Vesturbæ Reykjavíkur sl. föstudagskvöld. Stólarnir voru þá ofar í töflunni en Vesturbæingarnir voru skammt undan. Jafnt var í hálfleik eftir jöfnunarmark KV á markamínútunni en næstu tvö mörk voru heimamanna og þó Stólarnir klóruðu í bakkann þá kom jöfnunarmarkið ekki. Lokatölur 3-2.Meira -
Sögusetur íslenska hestsins bætir við nýrri sýningu.
feykir.is Skagafjörður, Hestar, Listir og menning, Mannlíf, Lokað efni 21.06.2025 kl. 12.00Sögusetur íslenska hestsins var opnað aftur 3 júní eftir vetrarlokun. Sögusetrið er sjálfseignarstofnun í eigu Háskólans á Hólum og sveitarfélagsins Skagafjarðar. Í ár er safnið 15 ára en það var opnað 2010. Fyrsti safnvörður var Arna Björg Bjarnadóttir en nú stýrir Kristín Halldórsdóttir safninu. Ný sýning var opnuð á efri hæð sama húsnæðis og hýst hefur safnið og var af því tilefni sérstök opnunarathöfn þar sem mætti margt góðra gesta.Meira -
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira
