Fjölnota pokar í Kjörbúðinni á Blönduósi
Viðskiptavinum Kjörbúðarinnar á Blönduósi stendur nú til boða að fá lánaða fjölnota taupoka í stað þess að kaupa plastpoka undir vörur sínar. Það voru nokkrar áhugasamar konur um plastpokalaust samfélag á Blönduósi sem hittust reglulega og saumuðu pokana sem gerðir eru úr gardínum, sængurverum og öðrum efnum sem til falla og upplagt er að endurnýta.
„Við bjuggum til eitthvað úr efnum sem átti að henda, sem er dásamlegt. Við ákváðum strax að hafa þá vandaða og það fer ekkert mikið fyrir þeim þegar þeir eru brotnir saman. Ef hlutir eru vel gerðir, þá er fólk viljugra að nota þá. Auðvitað tekur lengri tíma að sauma þá en það er þessi virði ef fólk er að nota þá,“ segir Anna Margrét Valgeirsdóttir, textílkennari á Blönduósi, í samtali við Fréttablaðið á föstudaginn en það var hún sem hratt þessu þarfa verkefni af stað.
Pokarnir voru teknir í notkun í Kjörbúðinni í lok nóvember. Þá fóru konurnar með 464 poka í búðina og við það tækifæri afhenti Anna Margrét þeim Arnari Þór Sævarssyni, sveitarstjóra, og Herði Ríkharðssyni, sveitarstjórnarmanni, fyrstu pokana sem voru sérmerktir með nöfnum þeirra. Anna Margrét segir í samtali við Húna.is við þetta tækifæri að hún hafi fundið mikinn stuðning og áhuga á verkefninu frá því að hún viðraði hugmyndina á Facebook í lok sumars. Áfram verður saumað í vetur og eru allir velkomnir í félagsskapinn. „En nú er komið að íbúum Blönduóss og nágrennis að halda verkefninu gangandi. Það á að nota pokana. Og það þarf líka að skila þeim til baka til að hringrásin haldi áfram“, segir Anna Margrét í viðtalinu.
Fleiri fréttir
-
Hestamenn slá botninn í Sæluvikuna
feykir.is Skagafjörður, Íþróttir, Mannlíf, Lokað efni 01.05.2025 kl. 13.51Það fer vel á því að Sæluviku Skagfirðinga endi á hátíð hestamanna en á laugardaginn verður sýningin Tekið til kostanna í Reiðhöllinni Svaðastöðum og hefst kl. 19:00. Kvöldið áður dregur til tíðinda í Mesitaradeild KS þegar lokamótið fer fram í Svaðastaðahöllinni en keppt verður í tölti og Fluguskeiði. Þessu má auðvitað ekki nokkur maður missa af. Feykir lagði nokkrar spurningar fyrir Sigurlínu Erlu Magnúsdóttur sem stjórnar þessu öllu saman.Meira -
Skörungur í sögu verkalýðsbaráttunnar | Álfhildur Leifsdóttir skrifar
feykir.is Skagafjörður, Aðsendar greinar 01.05.2025 kl. 13.001.maí hefur löngum verið dagur samstöðu, baráttu og vonar. Þetta er dagur verkalýðsins sem hefur lengi barist fyrir betri kjörum, styttri vinnudegi, mannsæmandi launum og auknu öryggi á vinnustöðum. En þessi dagur er líka áminning um að baráttan er ekki búin, hún heldur áfram í nýjum myndum, með nýjum áskorunum og nú á Kvennaári 2025 hefur hún aldrei verið mikilvægari.Meira -
Starf skólameistara við FNV laust til umsóknar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 01.05.2025 kl. 10.41Mennta- og barnamálaráðuneytið auglýsir embætti skólameistara Fjölbrautaskóla Norðurlands vestra laust til umsóknar. Skólanum hefur haldist ákaflega vel á sínum skólameisturum sem hafa frá stofnun aðeins verið tveir; fyrst Jón F. Hjartarson en hann stýrði skólanum allt þar til sumarið 2011 að Ingileif Oddsdóttir tók við taumunum.Meira -
Logi vill efla styrki til fjölmiðla á landsbyggðinni
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 30.04.2025 kl. 15.50Í Spursmálum Mbl.is er haft eftir Loga Einarssyni menntamálaráðherra að hann hyggist auka við styrki minni fjölmiðla úti á landi, á kostnað tveggja stærstu einkareknu miðlanna, til þess að styrkja sjálfsmynd fólks á landsbyggðinni.Meira -
Skólahreysti hefst í dag
feykir.is Skagafjörður, Vestur-Húnavatnssýsla 30.04.2025 kl. 15.00Fyrstu tveir riðlar í Skólahreysti 2025 verða í dag miðvikudaginn 30. apríl á Akureyri og fara þeir fram í Íþróttahöllinni kl. 17.00 og kl. 20.00 í beinni útsendingu á RÚV. Í fyrri riðli kvöldsins keppa Árskóli, Varmahlíðarskóli og Gr. Húnaþings vestra ásamt fimm öðrum skólum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.