Fordómar á brennuna
ÁR ÞÚ VEIST HVAÐ :: „Nú hafa allar brennur verið bannaðar þetta árið, svo manni er vandi á höndum,“ segir Ragnar Z. Guðjónsson ritstjóri Húnahornsins með meiru þegar Feykir spyr hann hverju hann vilji henda á brennuna. Raggi er naut, er Blönduósingur en býr í Hafnarfirði og lýsir 2020 sem ári sóttvarna og takmarkana.
„Árið 2020 er svo sannarlega ár sóttvarna og takmarkana af ýmsum toga. Allir hafa þurft að aðlaga sig að breyttum aðstæðum og takast á við nýjar áskoranir á þessu sérkennilega ári. Heilt á litið hefur það gengið ágætlega hjá þjóðinni. Það er svo verk að vinna að takast á við afleiðingar ástandsins. Með bjartsýni, þori og þoli að leiðarljósi tekst það auðvitað.“
Hver er maður ársins? Það var aðdáunarvert að fylgjast með Hildi Guðnadóttur tónskáldi í byrjun árs þegar hún sópaði til sín verðlaunum í tónlistarheiminum. Hildur fær mitt atkvæði sem manneskja ársins á Íslandi. Út í heimi stóð Joe Biden, nýkjörinn forseti Bandaríkjanna, sig vel í að losa okkur við Trump, í bili að minnsta kosti.
Hver var uppgötvun ársins (fyrir utan bóluefni við þú veist hvað)? Uppgötvun vísindamanna á elsta efni jarðar sem er milljörðum árum eldra en jörðin sjálf, vakti athygli mína í byrjun árs. Efnið eru rykagnir sem gætu verið allt að 7,5 milljarða ára gamlar en eins og allir vita er líklegt að jörðin hafi myndast fyrir um 4,5 milljörðum ára. Rykið fannst í loftsteini sem féll á Ástralíu árið 1969. Merkilegt, ekki satt?
Hvað var lag ársins? Beisk tár er lag ársins, hvað annað. Lagið var samið 1989/90 en gefið út á þessu ári. Hljóðritað í Hvalfirði, þar sem lognið á lögheimili. Það er víst of rokkað fyrir Bylgjuna, en hefur verið spilað á Rás2. Höfundur lags er Svavar H. Viðarsson og texta gerði Hinrik M. Jónsson. Báðir sannir Laugamenn. Lagið er flutt af hljómsveitinni Nostal en í henni er valinn maður í hverju rúmi.
Hvað var broslegast á árinu? Fyrir utan að hafa brosað breytt yfir útskrift sona minna frá Flensborg á árinu þá brosti ég einnig breytt og innilega yfir frábærum árangri kvennalandsliðsins í fótbolta.
Hvað var það sem þú sérð mest eftir að hafa ekki geta gert á árinu vegna þú veist hvað? Að hafa ekki getað ferðast meira og notið samvista með ættingjum og vinum. Margar árlegar og góðar hefðir hafa þurft að víkja á árinu vegna ástandsins sem er auðvitað súrt. En tilhlökkunin er strax orðin mikil að vinna þetta allt upp næstu misserin.
Varp ársins? Hinir stórskemmtilegu þættir The Crown sem sýndir eru á Netflix eru varp ársins hjá mér.
Matur eða snakk ársins? Rjúpan og íslenska lambið standa alltaf upp úr. Bæði ganga frjálst um húnvetnskar grundir og ekki er nú verra ef húnvetnskar hendur hafa hanterað matinn og séð um matseldina.
Hverju viltu skella á brennuna og hvers vegna? Ja, ef maður bara gæti. Nú hafa allar brennur verið bannaðar þetta árið, svo manni er vandi á höndum. Annars væri ég til í að kasta öllum fordómum á bálið, bæði mínum og annarra. Það myndi bæta heiminn.
Hver var helsta lexía ársins? Þolinmæði þrautir vinnur allar. Já, við getum þetta saman, höldu þetta út!
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.